9 months ago
October 17, 2023
काठमाडौं (हाम्रोखेलकुद) – नेपाल र लाओस बीचको फिफा विश्वकप छनोटको पहिलो चरणको दोस्रो लेग आज (मंगलबार ) हुँदैछ।
खेल नेपाली समय अनुसार साँझ ५:४५ बजे लाओसको राजधानी भ्येनट्यान स्थित लाओस राष्ट्रिय रंगशालामा सुरु हुने छ।
काठमाडौंमा गत बिहिबार भएको पहिलो खेल १-१ को बराबरीमा टुंगिएको थियो। दोस्रो हाफमा अन्जन विष्टको गोलमा नेपालको हार टरेको थियो। त्यसले गर्दा यो खेल पहिलो खेल भन्दा बढी महत्वपुर्ण रहनेछ।
आजको खेलमा जित हासिल गर्ने टोलीले छनोटको दोस्रो चरणमा प्रवेश गर्ने छ। दोस्रो चरण समूह चरण हुने भएकाले कमजोर टोलिहरुले बलियो टोलीको सामना गर्ने मौका पाउने गर्दछन्।
छनोटमा जति अगाडि बढ्न सक्यो, त्यति नै राष्ट्रिय फुटबलमा सुधारको सम्भावना रहन्छ । नेपालले पछिल्लो पटक विश्व कप छनोटको तेस्रो चरणसम्म खेलेको थियो ।
अस्ट्रेलिया, जोर्डन जस्तै बलियो प्रतिद्वन्दी हरु संग प्रतिस्पर्धा गरेको थियो । मंगलबार जित्न नसकेमा नेपाली फुटबल टोलीले बलियो प्रतिद्वन्दी संग प्रतिस्पर्धा गर्न चार वर्ष कुर्नु पर्ने हुन्छ।
मंगलबारको खेलमा पनि अन्जन गोल गर्न सफल भए भने उनी नेपाली पुरुष राष्ट्रिय फुटबल टोलीका लागि सर्वाधिक गोल गर्ने खेलाडी बन्नेछन्। हरि खड्का र निराजन रायमाझीको १३ गोलको कीर्तिमा सँग बराबरी गरेका थिए।
यसपाली अवे गोलको नियम नरहेको हुँदा नेपालले काठमाडौंमा खाएको गोलले खासै फरक भने नपर्ने भएको छ। खेलको ९० मिनेट सम्ममा कुनै टोलि विजयी भए स्वतः अगाडि बढ्ने छ ।
तर ९० मिनेट सम्म पनि नतिजा आउन नसके खेल ३० मिनेटको थप समयमा जाने छ । त्यसले पनि खेलको निर्णय हुन नसके खेलको नतिजा पेनाल्टी सुटआउटबाट निस्कनेछ ।
खेलको प्रत्यक्ष प्रसारण कान्तिपुर टिभीले गर्ने छ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]