default_image

9 months ago

October 17, 2023

नेपालको सुरुवाती ११ मा तीन परिवर्तन

4674 views

0 Bookmark

काठमाडौं (हाम्रो खेलकुद) – पहिलो लेगको टोलीमा तीन परिवर्तनसहित फिफा विश्वकप एसियाली छनोट अन्तर्गतको प्लेअफको दोस्रो लेगमा नेपालले लाओसविरुद्ध सुरुवाती-११ सार्वजनिक गरेको छ ।

डबल लेगको ढाँचामा खेलाइएको पहिलो चरणको दोस्रो खेल भ्यानट्यान स्थित राष्ट्रिय रंगशालामा नेपाली समयअनुसार ५:४५ बजे सुरु हुनेछ । गत बिहिबार सम्पन्न पहिलो लेगको खेल दशरथ रंगशालामा १-१ को बराबरीमा सकिएको थियो ।

नेपालका इटालियन मुख्य प्रशिक्षक भिन्सेन्जो अल्बर्टो अनेसेले तीन परिवर्तन सहित टोली सार्वजनिक गरेका हुन् । दिनेश हेन्जनले आयुष घलानको ठाउँमा पहिलो पटक सुरुवाती ११ मा रहेर खेल्नेछन् । यस्तै मछिन्द्र फूटबल क्लबका उत्सव राईले पनि सुरुवाती ११ मा आवास लामिछानेको स्थान लिएका छन् ।

एरिक विष्टले पनि आशिष चौधरीको ठाउँमा सुरुवाती ११ मा पुनरागमन गरेका छन् । आज टोलीमा आएका तीनै जना पछिल्लो खेलमा मध्यान्तरमा मैदान प्रवेश गरेका थिए । त्यस खेलमा नेपालको पुनरागमनमा यी खेलाडीले राम्रो प्रदर्शन गरेका थिए ।

पहिलो पटक राष्ट्रिय टोलीमा परेका हिमालयन शेर्पा क्लबका डिफेन्डर अमृत श्रेष्ठ र न्यु रोड टिमका फरवार्ड सन्जीव विष्ट भने बेन्चमा रहेर डेब्युको अपेक्षामा रहनेछन् ।

यो खेल क्यानाडा, अमेरिका र मेक्सिकोमा २०२६ मा हुने विश्वकपको सुरुवाती चरणको छनोट खेल हो । फिफा वरियतामा एसियामा २७ देखि ४६ सम्म परेका २० टोलीले पहिलो चरणको छनोट दुई लेगमा होम-एण्ड-अवे खेल्ने ढाँचा रहेको छ ।

नेपालको पहिलो चरणको पहिलो खेल गत बिहिबार १-१ गोलमा सकिएको थियो । आजको खेलको ९० मिनेट सम्ममा कुनै टोली विजयी भए स्वतः दोस्रो चरणमा अघि बढ्नेछ । तर ९० मिनेट सम्म पनि नतिजा आउन नसके खेल ३० मिनेटको थप समयमा जाने छ । त्यसले पनि खेलको निर्णय हुन नसके खेलको नतिजा पेनाल्टी सुटआउटबाट निस्कनेछ ।

यस खेलको विजेता दोस्रो चरणको समूह एचमा आफ्नो स्थान बनाउने छ । समूह एचमा युएइ, बहराइन सहित पहिलो चरणको यमन र श्रीलंका बिचको पहिलो चरणको विजेता रहनेछन् ।

नेपालको सुरुवाती ११: किरण चेम्जोङ्ग (कप्तान), सनिश श्रेष्ठ, अनन्त तामाङ्ग, रोहित चन्द, एरिक विष्ट, लाकेन लिम्बु, उत्सब राई , मनिष डाँगी, दिनेश हेन्जन, जिलेस्पी जंग कार्की, अन्जन विष्ट

July 12, 2024

वर्षाका कारण चितवन जिल्ला लिग स्थगित

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग तत्कालका लागि स्थगित भएको छ । चितवन जिल्ला फुटबल संघले आज एक सुचना जारी गर्दै लिगका खेलहरु तत्कालका लागि स्थगित भएको जानकारी दिएको हो । अविरल वर्षाका कारण लिगका खेल सञ्चालित भरतपुर ७ कृष्णपुरको मैदान हिलाम्य भएकोले अर्को सूचना जारी नभएकोसम्मका लागि स्थगित गरिएको […]

July 12, 2024

रोहित एक सिजन इन्डोनेसियामै खेल्ने 

काठमाडौं (हाम्रो खेलकुद) – नेपाली राष्ट्रिय फुटबल टोलीका अनुभवी खेलाडी रोहित चन्द अझै एक सिजन इन्डोनेसियामा नै बस्ने भएका छन् । इन्डोनेसियन लिगा वान टोली पेर्सिक केदिरीसँग सम्झौता नवीकरण गरेसँगै रोहितले व्यवसायिक फुटबलको थप एक सिजन इन्डोनेसियाको शीर्ष डिभिजनमा नै बिताउने भएका हुन् । सन् २०१३ मा पहिलो पटक इन्डोनेसिया पुगेका रोहितले बीचमा मलेसियन लिग […]

July 11, 2024

अर्जेन्टिनाले कोपा अमेरिका उपाधिका लागि कोलम्बिया विरुद्ध भिड्ने

एजेन्सी – साविक विजेता अर्जेन्टिनाले कोपा अमेरिका उपाधि रक्षा गर्नका लागि फाइनलमा कोलम्बिया विरुद्ध खेल्ने भएको छ । बिहीबार बिहान भएको दोस्रो सेमिफाइनलमा कोलम्बियाले उरुग्वे माथि १-० को जित निकालेसँगै अर्जेन्टिनाको फाइनल प्रतिद्वन्दी टुंगो लागेको हो । कोलम्बियाका लागि ३९औं मिनेटमा जेफर्सन लर्माले प्रहार गरेको हेडर नै पर्याप्त बन्यो । पहिलो हाफको अन्त्यमा डेनियल मुनोजले […]

Success

Thank you for your time.