एजेन्सी – इंग्ल्यान्ड अर्को वर्ष हुने युरो २०२४ का लागि छनोट भएको छ । इटालीलाई मंगलबार ३–१ ले हराएसँगै इंग्ल्यान्डको युरो यात्रा पक्का भएको हो ।

युरोमा छनोट हुनका लागि इंग्ल्यान्डलाई १ अंककाो आवश्यता थियो । खेलमा पछि परेको अवस्थालाई उल्टाउँदै इंग्ल्याान्डले जित निकालेको थियो ।

वेस्ट ह्यामका युनाइटेड जियानलुकाा स्कामाकाको गोलबाट १५ औं मिनेटमा इटालीले अग्रता लिएको थियो । तर इंग्ल्यान्डले खेलमा पुनरागमन गर्दै नतिजा आफ्नो पक्षमा पार्यो । कप्तान ह्यारी केनले २ र मार्कुस रासफोर्डलले गोल गर्दै इंग्ल्यान्डको जित पक्का गरे ।

रियल म्याड्रिडका स्टार बेलिंघमले पेनाल्टी जितका थिए । ३२ औं मिनेटमा कप्तान केनले गोल गर्दै खेललाई बराबरीमा पुर्याए । ५७ औं मिनेटमा बेलिंघमकै पासमा रासफोर्डले गोल गर्दै टोलीलाई अग्रता दिलाए ।

खेल सकिन १३ मिनेट बाँकी रहँदा केनले अर्को गोल थपेपछि इटालीको खेलमा फर्कने सम्भावना समाप्त भएको थियो । केनको इंग्ल्यान्डका लागि त्यो ६१ औं गोल थियो । इंग्ल्यान्डले घरेलु मैदानमा इटालीलाई सन् १९७७ पछि पहिलो पटक हराएको हो ।

समूह ‘सी’मा १६ अंकका साथ इंग्ल्यान्डको १६ अंक छ । सो समूहको अर्को खेलमा माल्टालाई ३–१ ले हराउँदै युक्रेन समूहको दोस्रो स्थानमा उक्लेको छ । युक्रेटको १३ अंक छ भने १० अंकसहित इटाली तेस्रो स्थानमा छ ।