default_image

8 months ago

October 20, 2023

गाजामा नरसंहार अन्त्य गर्न सलाहको आग्रह

521 views

0 Bookmark

एजेन्सी – इजिप्ट तथा लिभरपुलका फरवार्ड मोहम्मद सलाहले गाजामा भइरहेको ‘नरसंहार’ तत्काल अन्त्य गर्न आह्वान गरेका छन् ।

गाजा शहरको अल–अहली अरब अस्पतालमा भएको विस्फोट पश्चातको आक्रोशको बीचमा ३१ वर्षीय फरवार्डले बुधबार इजरायल–गाजा द्वन्द्वको बारेमा पहिलो पटक टिप्पणी गरे । ‘यस्तो समयमा बोल्न सजिलो हुँदैन। अहिले धेरै हिंसा र धेरै क्रुरता भइरहेको छ’, सलाहले इन्स्टाग्राममा पोस्ट गरेको भिडियोमा भने।

इजिप्ट राष्ट्रिय फुटबल टोलीका कप्तान समेत रहेका उनी प्यालेस्टिनीहरूको पक्षमा नबोलेको भन्दै आलोचनामा परेका थिए ।
‘हालैका हप्ताहरूमा भएका वृद्धिहरू असहनीय छ । सबै जीवन पवित्र छन् र सुरक्षित हुनुपर्छ । नरसंहार रोक्न आवश्यक छ, परिवारहरू टुक्राटुक्रा हुँदैछन्’, उनले थपे ।

लिभरपुलबाट च्याम्पियन्स लिग र प्रिमियर लिग जितेका सलाह अरब क्षेत्रका लोकप्रिय खेलाडी मध्ये एक हुन् । हमास समूहले इजरायलमा अकस्मात आक्रमण गरेपछि अक्टोबर ७ देखि गाजामा तनावग्रस्त स्थिति रहिआएको छ ।

June 25, 2024

नाचो र जोसेलुले रियल म्याड्रिड छाड्ने

एजेन्सी – स्पेनिस क्लब रियल म्याड्रिडका कप्तान तथा डिफेन्डर नाचो फर्नान्डेस र फरवार्ड जोसेलु माटाले यो सिजनको अन्त्यसँगै क्लब छाड्ने भएका छन् । सान्टियागो बर्नाबेउमा सम्झौताको अवधि सकिएसँगै युरो २०२४ मा स्पेनको प्रतिनिधित्व गरिरहेका नाँचोले नयाँ चुनौती पछ्याउने निर्णय गरेका छन् । उनी साउदी प्रो लिग क्लब अल कादासियामा सामेल हुने सम्भावना रहेको छ । […]

June 25, 2024

ब्राजिल र कोस्टारिकाको बराबरी

एजेन्सी – उपाधि दावेदार ब्राजिलले कोपा अमेरिका २०२४ अन्तर्गत आफ्नो पहिलो खेलमा कोस्टारिकासँग बराबरी खेलेको छ । अमेरिकाको लस एन्जेलसस्थित सोफाइ रंगशालामा सम्पन्न खेल गोलरहित बराबरीमा टुंगिदा दुवै टोलीले १-१ अंक हात पारे । ब्राजिलले खेलमा एकपक्षीय आक्रमण गरेपनि आवश्यक गोल भने गर्न सकेन । ब्राजिलले पहिलो हाफमा मार्किन्हसको प्रयासमा बललाई पोस्टभित्र पठाएपनि रेफ्रीले भीएआरको […]

June 25, 2024

इटाली नाटकीय ढंगले युरो कपको अन्तिम १६मा

एजेन्सी – अन्तिम मिनेटमा बराबरी गोल गर्दै साविक विजेता इटाली युरो कप २०२४ को अन्तिम १६ मा प्रवेश गरेको छ । इन्ज्युरी समयको अन्तिम समयमा एक गोलले पछि परेको अवस्थामा गोल गरेर क्रोएसिया विरुद्ध १-१ को बराबरी खेल्दै इटाली नकआउट चरणमा पुगेको हो । ५५औं मिनेटमा लुका मोड्रिचको गोलमा क्रोएसियाले अग्रता लिएको थियो । त्यसअघि […]

Success

Thank you for your time.