किर्गिस्तानमा आयोजित ए.एफ्.सी यु१६ च्याम्पिएनसिपको छनोट चरणमा उत्कृष्ट प्रदर्शन गरेको नेपाली टोलीलाई विमानस्थलमा भव्यस्वागत गरिएको छ|
बिहान ६:२५ बजे टर्किस एअरलाइन्समा नेपाल अवतरण गरेलगत्तै विमानस्थलमा स्वागतका लागि सर्वासधरंको प्रवेश बढेको थियो|
स्वागतका लागि विमानस्थलमा सयौं सर्वसाधारणको उपस्थिति थियो| राष्ट्रिय खेलकुद परिषदका सदस्य सचिव स्वागत गर्न सवेरै विमानस्थल आइपुगेका थिए| एन्फा अध्यक्ष गणेश थापाले टिका र माला लगाएर टोलीलाई स्वागत गरेका थिए| एन्फाका केन्द्रिय पदाधिकारी, जिल्ला संघका पदाधिकारी लगायत पत्रकारको पनि बाक्लै उपस्थिति रहेको थियो|
पहिलो खेलमा जोर्डनलाई २-१ले हराएको नेपालले दोश्रो खेलमा आयोजक राष्ट्र किर्गिस्तानलाई ४-२ले हराएको थियो| समुहको अन्तिम खेलमा ओमानसंग ३-१को हार व्यहोरेपनि समुह उपविजेता बनेको नेपाल अन्तिम चरणमा पुगेको हो|
प्रतियोगिताको नियमानुसार उत्कृष्ट चार उपविजेता भारतमा हुने अन्तिम चरणको प्रतियोगितामा भाग लिन पाउने छन्| अन्तिम चरण आगामी सेप्तेम्बेर २०१६मा आयोजना गरिने ए.एफ.सीले जानकारी दिएको छ|
