9 months ago
October 21, 2023
एजेन्सी – म्यानचेस्टर युनाइटेड र इंग्ल्याण्डका पूर्व खेलाडी सर बबी चार्लटनको ८६ वर्षको उमेरमा निधन भएको छ। चार्लटनको निधनको खबर उनको परिवारले एक विज्ञप्ती निकाली उनको निधनको जानकारी दिएको हो।
‘अत्यन्तै दु:खका साथ हामी यो खबर सार्वजनिक गर्दछौं कि सर बबी शनिबार बिहानको समयमा शान्तिपूर्वक बित्नु भयो,’ विज्ञप्तीमा भनिएको छ,’ उहाँ आफ्नो परिवारले वरिपरि हुनुहुन्थ्यो। उहाँको हेरचाहमा योगदान गर्ने, माया गर्ने र समर्थन गर्ने सबैमा परिवार धन्यवाद दिन चाहन्छ। हामी यस समयमा परिवारको गोपनीयतालाई सम्मान गर्न अनुरोध गर्दछौं।’
चार्लटनलाई युनाइटेडको अहिलेसम्मकै उत्कृष्ट खेलाडीमध्ये एक मानिन्छ। उनले सन् १९५६ र १९७३को बीचमा ७ सय ५८ खेलमा २ सय ४९ गोल गरेका थिए। ४५ वर्ष सम्म युनाइटेडका सर्वाधिक गोलकर्ता रहेका उनको यो रेकर्ड २०१७ मा वेन रुनिले तोडेका थिए।
उनले युनाइटेडका लागि १९६८ मा युरोपियन कप समेत जितेका थिए। त्यो युनाइटेडको तीन मध्यको पहिलो युरोपियन कप उपाधि समेत थियो। त्यसका साथै उनले तीन पटक पहिलो श्रेणीको लिग उपाधि समेत जितेका थिए। क्यारियर सकिएपश्चात उनले युनाइटेडमा निर्देशकको रूपमा समेत समय बिताएका छन्।
इंग्ल्याण्डले इतिहासको एकमात्र विश्वकप उपाधि जित्दा १९६६ मा उनले टिमको सदस्य समेत थिए। सोही वर्ष उनले विश्वको सर्वश्रेष्ठ खेलाडी अर्थात ‘बलोन डी ओर’ उपाधि समेत जितेका थिए।
इंग्ल्याण्डका लागि उनले १ सय ६ खेलमा ४९ गोल गरेका थिए । त्यो २०१५ सम्म सर्वाधिक थियो। उनको यो कीर्तिमान समेत रुनिले २०१५मा तोडेका थिए। त्यसपश्चात रुनिलाई ह्यारी केनले पछि पारिसकेका छन्।
१९६०को दशकमा म्याट बस्बिको उत्कृष्ट टोलीको सदस्य समेत रहेका उनी १९५८मा म्युनिख प्लेन दुर्घटनामा परी आठ म्यानचेस्टर युनाइटेड खेलाडीको निधन हुँदा उनी सकुशल रहेका थिए।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]