एजेन्सी – इङ्लिस प्रिमियर लिग अन्तर्गत गएराति सम्पन्न लन्डन डर्बीमा चेल्सी र आर्सनलले रोमाञ्चक बराबरी खेलेका छन्।

रोमाञ्चक खेलमा दुई गोलको अग्रता बचाउन नसक्दा चेल्सीको आफ्नो घरेलु मैदानमा २–२ को बराबरी खेलेको हो। चेल्सीका लागि कोल पालमर र मुखाएलो मुड्रीकले गोल गर्दा आर्सनलका लागि डेकलन राइस र लियान्ड्रो ट्रोसार्डले समान एक गोल गरे।

चेल्सीको खेलको १५औं मिनेटमा पेनाल्टी मार्फत अग्रता लिएको थियो। आर्सनलका डिफेन्डर विलियम सालिबाको हातमा बलले लागेपछि चेल्सीको पेनाल्टी पाएको थियो। सो पेनाल्टीमा गोल गर्दै पालमरले चेल्सीलाई अग्रता दिएका थिए।

खेलको ४८औं मिनेटमा चेल्सीको अग्रता दोब्बर भयो। मुड्रीकले बक्सको बायाँ तर्फ बाट क्रस गर्न खोजेको बल सोझै गोलमा परिणत भएको थियो। आर्सनल गोलरक्षक डेभिड रायाको पोजिसनिङ्ग गल्तिका कारण आर्सनलले गोल खान पुगेको थियो।

तर आर्सनलले खेलमा पहिलो गोल पनि चेल्सीका गोलरक्षक रोबर्ट सान्चेजको गल्तिका कारण फर्काएको थियो। ७७औं सान्चेजले आफ्नो डिफेन्डरलाई दिन खोजेको पास सिधै राइसको खुट्टामा परेको थियो। राइसले बक्स बाहिर बाट सो बललाई सटिक प्रहार गर्दै एक गोल फर्काए।

त्यसको सात मिनेट पछि बुकायो साकाको सुन्दर क्रसमा गोल गर्दै ट्रोसार्डले खेललाई बराबरीमा ल्याए। र अन्त्यमा खेल २(२ को बराबरीमा सकियो।

बराबरी पश्चात आर्सनल नौं खेलमा २१ अंकसहित दोस्रो स्थानमा रहेको छ। चेल्सी भने नौं खेलमा १२ अंक सहित १०औं स्थानमा छ।