default_image

8 months ago

October 23, 2023

युभेन्ट्सले मिलानलाई हरायो

338 views

0 Bookmark

एजेन्सी – एसी मिलानलाई पराजित गर्दै युभेन्ट्सले इटालियन सिरी ‘ए’ मा शीर्ष टोलीसँगको अंक दुरी छोट्याएको छ १० खेलाडीमा समेटिएको घरेलु टोली मिलानलाई १–० ले पराजित गर्दै युभेन्ट्सले शीर्ष टोली इन्टर मिलान र एसी मिलानसँगको अंक दुरी छोट्याएको हो ।

युभेन्ट्सको जितमा दोस्रो हाफमा म्यानुयल लोकाटेलीले गरेको गोल नै निर्णायक बन्यो । उनले ६३औं मिनेटमा टिमोथी वेहको पासमा गोल गर्न सफल भएका थिए ।

मिलानोमा आइतबार राति भएको खेलको ४०औं मिनेटमा मिलान १० खेलाडीमा समेटिन पुगेको थियो । डिफेन्डर मलिक थिअले पेनाल्टी बक्समा मोइस किनलाई फउल गरेपछि रेफ्रीले उनलाई सिधै रातो कार्ड देखाएर मैदान बाहिर पठाएका थिए । त्यसपछि दवावमा आएको मिलानमाथि युभेन्ट्सले दोस्रो हाफमा गोल गर्दै जित निकाल्न सफल भयो ।

यस जितले युभेन्ट्स ९ खेलबाट २० अंक जोडेर तेस्रो स्थानमा उक्लिएको छ । पराजित मिलान २१ अंकसहित दोस्रो स्थानमा छ । युभेन्ट्ससँगको हारसँगै मिलानले शीर्षस्थानमा उक्लने मौका गुमाएको छ । शीर्षस्थानको इन्टरको २२ अंक छ ।

June 25, 2024

नाचो र जोसेलुले रियल म्याड्रिड छाड्ने

एजेन्सी – स्पेनिस क्लब रियल म्याड्रिडका कप्तान तथा डिफेन्डर नाचो फर्नान्डेस र फरवार्ड जोसेलु माटाले यो सिजनको अन्त्यसँगै क्लब छाड्ने भएका छन् । सान्टियागो बर्नाबेउमा सम्झौताको अवधि सकिएसँगै युरो २०२४ मा स्पेनको प्रतिनिधित्व गरिरहेका नाँचोले नयाँ चुनौती पछ्याउने निर्णय गरेका छन् । उनी साउदी प्रो लिग क्लब अल कादासियामा सामेल हुने सम्भावना रहेको छ । […]

June 25, 2024

ब्राजिल र कोस्टारिकाको बराबरी

एजेन्सी – उपाधि दावेदार ब्राजिलले कोपा अमेरिका २०२४ अन्तर्गत आफ्नो पहिलो खेलमा कोस्टारिकासँग बराबरी खेलेको छ । अमेरिकाको लस एन्जेलसस्थित सोफाइ रंगशालामा सम्पन्न खेल गोलरहित बराबरीमा टुंगिदा दुवै टोलीले १-१ अंक हात पारे । ब्राजिलले खेलमा एकपक्षीय आक्रमण गरेपनि आवश्यक गोल भने गर्न सकेन । ब्राजिलले पहिलो हाफमा मार्किन्हसको प्रयासमा बललाई पोस्टभित्र पठाएपनि रेफ्रीले भीएआरको […]

June 25, 2024

इटाली नाटकीय ढंगले युरो कपको अन्तिम १६मा

एजेन्सी – अन्तिम मिनेटमा बराबरी गोल गर्दै साविक विजेता इटाली युरो कप २०२४ को अन्तिम १६ मा प्रवेश गरेको छ । इन्ज्युरी समयको अन्तिम समयमा एक गोलले पछि परेको अवस्थामा गोल गरेर क्रोएसिया विरुद्ध १-१ को बराबरी खेल्दै इटाली नकआउट चरणमा पुगेको हो । ५५औं मिनेटमा लुका मोड्रिचको गोलमा क्रोएसियाले अग्रता लिएको थियो । त्यसअघि […]

Success

Thank you for your time.