1 year ago
October 25, 2023
एजेन्सी – युरोपेली च्याम्पियन्स लिग अन्तर्गत मंगलबार भएको खेलमा बायर्न म्युनिखले जित हासिल गरेको छ । बायर्न म्युनिखले गालातासाराय लाई ३-१ ले पराजित गरेको हो ।
बायर्नलाई समूह ए मा लगातार तेस्रो जीत दिलाउने क्रममा गालातासारायको मैदानमा किंग्सले कोमन, ह्यारी केन र जमाल मुसियालाले समान एक एक गोल गरे । गालातासारायका लागि भने माउरो इकार्डीले गोल गरेका हुन् ।
खेलमा अग्रता बायर्नले आठौं मिनेटमा लिएको थियो । लिरोय सानेको पासमा कोमनले गोल गर्दै खेलमा अग्रता लिएका थिए ।
गालातासारायले ३०औं मिनेटमा खेल बराबरी गर्यो । जोसुवा किमिखले इकार्डीलाइ फाउल गरेपछि गालातासारायले पेनाल्टी पाएको थियो । सो अवसरमा इकार्डीले पेनाल्टिमा पनेन्का गोल गर्दै खेल बराबर गरेका थिए ।
तर दोस्रो हाफमा भने बायर्नले दुई गोल गर्दै खेलमा जीत हासिल गर्यो । ह्यारी केनले ८३औं मिनेटमा गोल गर्दै खेलमा जर्मन टोलीलाई पुनः अग्रता दिलाए । जमाल मुसियालाको पासमा उनको पहिलो प्रहार ब्लक भएपछि बल फेरिपनि उनकै खुट्टामा आएको थियो । दोस्रो पटकमा भने उनले सहजै बललाई गोलको दिशा देखाए ।
मुसियालाले दोस्रो गोलको छ मिनेट पछि गोल गर्दै जित सुनिश्चित गरे। यसपटक भने अघिल्लो गोल गरेका केनले असिस्ट गरेका थिए।
जितपछि तीन खेलमा सबैमा जित हासिल गरेको बायर्न समूह एको शीर्ष स्थानमा छ। पराजित गालातासारायको भने तीन खेलमा चार अंक छ।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]