default_image

8 months ago

October 25, 2023

म्यानचेस्टर युनाइटेडको जितमा ओनाना नायक

1310 views

0 Bookmark

एजेन्सी – अन्तिम समयमा पेनाल्टी बचाएसॅगै युरोपेली च्याम्पियन्स लिग सिजनको समूह चरणमा म्यानचेस्टर युनाईटेडले पहिलो जित दर्ता गरेको छ ।

पहिलो दुवै खेलमा हार बेहोरेको युनाईटेडले अन्तिम समयमा गोलरक्षक आन्द्रे ओनानाको पेनाल्टि बचाउको मद्दतले एफसी कोपनहेगनलाई १-० ले हराएको हो ।

युनाइटेडको जितमा एकमात्र गोल डिफेन्डर ह्यारी मग्वायरले गरेका थिए । पहिलो दुई खेलमा क्रमसः बायर्न म्युनिख र गालातासाराय सँग पराजय भोगेको युनाइटेडलाई समूह चरण पार गर्ने दौडमा कैयम रहन जित निकाल्नै पर्ने दबाब थियो । घरेलु लिगमा पनि सोचे अनुरूपको प्रदर्शन गर्न नसकेको युनाइटेडको च्याम्पियन्स लिगमा पनि सुरुवात भने राम्रो रहेको थिएन ।

तर घरेलु मैदान ओल्ड ट्र्याफोर्डमा भएको गएरातिको खेलमा भने युनाइटेडले जित हासिल गरेको हो । खेलमा पाहुना टोली कोपनहेगनले युनाइटेड लागि सहजताका साथ भने खेल्न दिएको थिएन ।

पाँचौं मिनेटमा कोपनहेगनका गोन्कालभेसले पोस्टमा प्रहार गरेका थिए । १६औं मिनेटमा युनाइटेड स्ट्राइकर रास्मस होइलन्डको प्रहार क्रसबारमा लाग्यो ।

५०औं मिनेटमा लेरागरको प्रहार युनाइटेड गोलरक्षक आन्द्रे ओनानाले राम्रो बचाउ गरे । ५४औं मिनेटमा क्रिस्टियन एरिक्सनको प्रहार कोपनहेगन गोलरक्षक ग्रबाराले उत्कृष्ट बचाउ गरेर बचाए ।

७२औं मिनेटमा भने युनाइटेडले अग्रता लियो । ह्यारी मग्वायरले एरिक्सनको क्रसमा हेडर गोल गर्दै अग्रता दिलाएका थिए ।

तर खेलको अन्तिम समयमा युनाइटेडले पेनाल्टी दिन पुग्यो। स्कट मक्टोमिनेले अन्तिम समयमा कोपनहेगन सामु खेल बाट एक अंक निकाल्ने मौका दिएका थिए । तर जोर्डन लारसन पेनाल्टीमा गोल गर्न बाट चुके । उनको प्रहार गोलरक्षक आन्द्रे ओनानाले बचाउ गरेका थिए ।

जितसँगै युनाइटेडको समूह चरणमा ३ अंक दर्ता भएको छ । युनाइटेड ३ अंक सहित तेस्रो स्थानमा छ । गएराति जित हासिल गरेको बायर्न म्युनिख तीन खेलमा सत-प्रतिसत नतिजा सहित पहिलो स्थानमा छ । दोस्रो स्थानमा रहेको गालातासारायको दुई खेलमा ४ अंक छ ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.