default_image

8 months ago

October 26, 2023

बार्सिलोनाको च्याम्पियन्स लिगमा तेस्रो जित

651 views

0 Bookmark

एजेन्सी – युरोपेली च्याम्पियन्स लिग अन्तर्गत समूह एच अन्तर्गतको खेलमा बार्सिलनाले जित हासिल गरेको छ । समूह चरणको तेस्रो जित निकाल्ने क्रममा शख्तार डोनेस्कलाई २-१ ले हराएको हो ।

बार्सिलोनाको जितमा फेरान टोरस र फर्मिन लोपेजले गोल गरे । खेलको अन्त्यतिर शाख्तरले खेलमा फर्कन खोजेपनि अन्त्यमा बार्सिलोनाले जित निकालेको हो । सुरुवाती समयका भने बार्सिलोनाकै प्रभुत्व रहेको थियो ।

खेलको आठौं मिनेटमा फर्मिन लोपेजले दुई डिफेन्डरलाई छक्काउँदै गरेको प्रहार शाख्तरका गोलरक्षक रिजनिकले राम्रो बचाउ गरे । २५औं मिनेटमा जोआओ क्यान्सेलोको प्रहारमा पनि रिजनिक बाधक बने ।

त्यसको तीन मिनेट पछि भने रिजनिकले गोल बचाउन सकेनन् । गुन्डोगानले दिएको पासमा फर्मिनको प्रहार पोस्टमा लागेर फर्किएपछि फेरान टोरसले गोल गर्दै अग्रता दिलाए । सुरुवातमा रेफ्रीले अफसाइड दिएपनि भिडियो असिस्टेन्ट रेफ्रीले रेफ्रीको निर्णय उल्ट्याइदिए ।

३६औं मिनेटमा भने फर्मिनले आफैं गोल गर्न सफल भए । यसपटक भने उनलाई फेरानले असिस्ट दिए । फेरानको पासमा बक्सको छेउबाट फर्मिनले सटिक प्रहार गर्दै अग्रता दोब्बर बनाए ।

६२औं मिनेटमा शाख्तरले एक गोल फर्कायो। इराक्ली अजारोभिको पासमा जर्जिय सुडाकोभले काउन्टर अट्याकमा गोल गर्दै बार्सिलोनाको अग्रता घटाए ।

६९औं मिनेटमा फर्मिन लोपेजले बक्स बाहिर बाट गरेको प्रहार पोस्टमा लागेर फर्कियो । ७०औं मिनेटमा मार्कोस अलोन्सोको क्रसमा फर्मिनले पुनः बललाई जालि चुमाएपनी अफसाइड बसेपछि गोल मान्य भएन ।

७९औं मिनेटमा शाख्तरका स्टेपनेन्कोको प्रहारले बार्सा गोलरक्षक टर स्टेगनलाई केही दुःख दिएन । ८३औं मिनेटमा स्टेपनेन्कोको अर्को प्रहारले पनि गोलपोस्टको दिशा लिन सकेन । शाख्तरले खेलमा बराबरी गर्ने निकै मौकाको फाइदा उठाउन नसक्दा बार्सिलोना विजयी भयो ।

समूहमा ३ खेलमा ९ अंक सहित बार्सिलोना पहिलो स्थानमा छ। पराजित शाख्तर ३ खेलमा १ जित र २ हार सहित तेस्रो स्थानमा छ ।

June 20, 2024

जर्मनी युरो कपको अन्तिम १६ मा पुग्ने पहिलो टोली

एजेन्सी – आयोजक जर्मनी युरो कप २०२४ को अन्तिम १६ मा पुग्ने पहिलो टोली बनेको छ । बुधवार भएको समूह चरणको आफ्नो दोस्रो खेलमा हंगेरी माथि २-० को जित दर्ता गर्दै जर्मनी दोस्रो चरणमा प्रवेश गरेको हो । जर्मनीका लागि जमाल मुसियाला र इलकाय गुन्डोगानले समान १-१ गोल गरे । २२औं मिनेटमा गुन्डोगानकै पासमा गोल […]

June 19, 2024

अल्बानिया र क्रोएसियाको रोमाञ्चक बराबरी

एजेन्सी – हारको संघारमा रहेको अवस्थामा अन्तिम समयमा गोल गर्दै अल्बानियाले क्रोएसिया विरुद्ध यूरो कप २०२४ मा रोमाञ्चक बराबरी खेलेको छ । समूह बी अन्तर्गत आ-आफ्ना दोस्रो खेलमा अल्बानिया र क्रोएसियाले २-२ को बराबरी खेलेका हुन् । खेलको सुरुवाती समयमा नै अग्रता लिएको अल्बानियाले दोस्रो हाफमा दुई मिनेटको अन्तरालमा दुई गोल खाँदै पछि पर्न पुगेको […]

June 19, 2024

डलासमा एनएसटी किड्स समर क्याम्प सुरु 

डलास (हाम्रो खेलकुद) – रुम्बा एकेडेमी र डिएफडब्लु हिमालयको सहकार्यमा एनएसटी किड्स समर क्याम्पले ४ देखि १५ वर्षका बालबालिकाहरूका लागि एक महिना लामो फुटबल प्रशिक्षण कार्यक्रम औपचारिक रूपमा सुरु गरेको छ। हरेक आइतबार र मंगलबारदेखि बेलुका ४:३० बजे देखि दिनको १ घण्टा यो पहलले समुदायमा नेपाली बालबालिका र युवाहरूको फुटबल कौशललाई प्रेरित गर्ने र विकास गर्ने […]

Success

Thank you for your time.