default_image

8 months ago

October 26, 2023

‘ग्रुप अफ डेथ’ मा पिएसजी र डर्टमन्ड विजयी

1047 views

0 Bookmark

एजेन्सी – युरोपेली च्याम्पियन्स लिग २०२३/२४ सिजनको ग्रुप अफ डेथ मानिएको समूह एफ अन्तर्गतका खेलमा गएराति पिएसजी र बोरुसिया डर्टमन्डले जित हासिल गरेका छन् ।

पिएसजीले एसी मिलानलाई ३-० को गोल अन्तरले सहजै हराएको हो । पिएसजीको जितमा किलियन एमबाप्पे, र्यान्डाल कोलो मुआनी र काङ्ग इन-लिले गोल गरे ।

खेलको ३२औं मिनेटमा एमबाप्पेले सुन्दर फिनिश गर्दै खेलमा घरेलु टोलीलाई अग्रता दिलाएका थिए । उनले वारेन जायर-एमेरीको पासमा गोल गर्दै खेलमा अग्रता दिलाएका हुन् ।

४८औं मिनेटमा उसमान डेम्बेलेले गरेको गोललाई भिडियो असिस्टेन्ट रेफ्रीले अफसाइड दिएपछि गोल मान्य भएको थिएन ।

तर त्यसको पाँच मिनेट पछि नै पिएसजीले अग्रता दोब्बर बनायो । र यसपाली गोल रद्द भएन । डेम्बेलेको प्रहार मिलान गोलरक्षक माइक माइगननले बचाएपछि कोलाे मुआनीले सहजै बललाई पोस्टको दिशा देखाएका थिए । ८९औं मिनेटमा दोस्रो हाफमा मैदान प्रवेश गरेका कोरियन खेलाडी काङ्ग इन-लिले खेलको तेस्रो गोल गर्दै जित सुनिश्चित गरे ।

यस्तै अर्को खेलमा बोरुसिया डर्टमन्डले न्युक्यासल युनाइटेडलाई १-० ले पराजित गर्यो । खेलको एकमात्र गोल ४५औं मिनेटमा फेलिक्स न्मेचाले गरेका थिए ।

तेस्रो चरणको खेलको समाप्तिमा पिएसजी तीन खेलमा दुई जित सहित समूहको शीर्ष स्थानमा छ । समान टिम खेल्न ४ अंक बटुलेका डर्टमन्ड र न्युक्यासल क्रमसः दोस्रो र तेस्रो छन् । तीन खेलमा दुई बराबरी गर्दै दुई अंक बोकेको मिलान पुछारमा छ ।

June 20, 2024

जर्मनी युरो कपको अन्तिम १६ मा पुग्ने पहिलो टोली

एजेन्सी – आयोजक जर्मनी युरो कप २०२४ को अन्तिम १६ मा पुग्ने पहिलो टोली बनेको छ । बुधवार भएको समूह चरणको आफ्नो दोस्रो खेलमा हंगेरी माथि २-० को जित दर्ता गर्दै जर्मनी दोस्रो चरणमा प्रवेश गरेको हो । जर्मनीका लागि जमाल मुसियाला र इलकाय गुन्डोगानले समान १-१ गोल गरे । २२औं मिनेटमा गुन्डोगानकै पासमा गोल […]

June 19, 2024

अल्बानिया र क्रोएसियाको रोमाञ्चक बराबरी

एजेन्सी – हारको संघारमा रहेको अवस्थामा अन्तिम समयमा गोल गर्दै अल्बानियाले क्रोएसिया विरुद्ध यूरो कप २०२४ मा रोमाञ्चक बराबरी खेलेको छ । समूह बी अन्तर्गत आ-आफ्ना दोस्रो खेलमा अल्बानिया र क्रोएसियाले २-२ को बराबरी खेलेका हुन् । खेलको सुरुवाती समयमा नै अग्रता लिएको अल्बानियाले दोस्रो हाफमा दुई मिनेटको अन्तरालमा दुई गोल खाँदै पछि पर्न पुगेको […]

June 19, 2024

डलासमा एनएसटी किड्स समर क्याम्प सुरु 

डलास (हाम्रो खेलकुद) – रुम्बा एकेडेमी र डिएफडब्लु हिमालयको सहकार्यमा एनएसटी किड्स समर क्याम्पले ४ देखि १५ वर्षका बालबालिकाहरूका लागि एक महिना लामो फुटबल प्रशिक्षण कार्यक्रम औपचारिक रूपमा सुरु गरेको छ। हरेक आइतबार र मंगलबारदेखि बेलुका ४:३० बजे देखि दिनको १ घण्टा यो पहलले समुदायमा नेपाली बालबालिका र युवाहरूको फुटबल कौशललाई प्रेरित गर्ने र विकास गर्ने […]

Success

Thank you for your time.