एजेन्सी – इंग्लिश प्रिमियर लिग अन्तर्गत गएराति सम्पन्न खेलमा लिगको शीर्ष स्थानमा रहेको टोटेनहम हटस्परले जित हासिल गरेको छ ।

टोटनहमले क्रिस्टल प्यालेसमाथि २-१ जित निकालेको हो । प्यालेसको मैदान सेलहर्स्ट पार्कमा टोटनहमका लागि सन ह्यूङ-मिनले एक गोल गरे भने एक गोल आत्मघाती गोल रहेको थियो ।

शीर्षस्थानमा १०औं चरणको खेल सुरु गरेको टोटनहमले ५३औं मिनेटमा खेलमा अग्रता लिएको थियो । जेम्स म्याडिसनको क्रस रोक्ने प्रय्समा क्रिस्टल प्यालेसका जोएल वार्डले बललाई आफ्नै पोस्टतर्फ फर्काएका थिए ।

६६औं मिनेटमा टोटनहमले अग्रता दोब्बर बनायो । यस सिजनको लिगमा आठौं गोल गर्ने क्रममा सनले ब्रेनन जोन्सनको पासलाई जालिको दिशा देखाएका थिए ।

खेल्नको अन्तिम तिर क्रिस्टल प्यालेसले एक गोल फर्काएको थियो । आन्द्रे आयुले थपिएको समयको चौथो मिनेटमा फर्काएको गोलपछि पनि प्यालेसले अवसरहरू सृजना गरेको थियो । तर अन्त्यमा प्यालेसले खेलबाट कुनै अंक हासिल गर्न सकेन ।

जितपछि टोटनहमको १० खेल बाट २६ अंक भएको छ । दोस्रो स्थानमा रहेको म्यानचेस्टर सिटीको ९ खेलमा २१ अंक छ । क्रिस्टल प्यालेस भने १२ अंक सहित ११औं स्थानमा छ ।

प्रिमियर लिगमा शनिबार साँझ पाँच खेल हुँदैछन् । आईतबार बेलुका प्रतिष्ठित म्यानचेस्टर डर्बीमा म्यानचेस्टर सिटी र म्यानचेस्टर युनाइटेड एकअर्का सँग भिड्दै छन् ।