11 months ago
October 28, 2023
काठमाडौं (हाम्रो खेलकुद) – नेपाली महिला राष्ट्रिय फुटबल टोलीकी गोलरक्षक एन्जिला तुम्बापो सुब्बाले भारतीय महिला लिगको नयाँ सिजन सेथु फुटबल क्लबबाट नै खेल्ने भएकी छिन् ।
गत सिजन सेथुले सेमिफाइनलसम्म यात्रा तय गर्दा पनि एन्जिला टोलीबाट खेलेकी थिइन् । यसपटक पनि क्लबले उनलाई नयाँ सिजनको लागि अनुबन्धन गरेको हो ।
एन्जिलाले लगातार दोस्रो सिजन सेथुबाट खेल्न पाउँदा खुसी व्यक्त गरिन् । ‘लगातार दोस्रो सिजन खेल्न पाउँदा निकै खुसी लागेको छ । आशा छ यसपटक गत सिजन भन्दा राम्रो नतिजा निकाल्न सक्नेछौं,’ उनले भनिन् ।
गत सिजन एन्जिला सम्मिलित सेथु सेमिफाइनलमा किकस्टार्ट फुटबल क्लबसँग पराजित भएको थियो । उक्त क्लबमा नेपालकै सरु लिम्बू र कप्तान रेनुका नगरकोटे खेलेका थिए ।
महिला लिगको नयाँ सिजन डिसेम्बर दोस्रो सातादेखि मार्चसम्म चल्नेछ । लिगमा ८ टोली छनोट भएपनि ७ टोलीले मात्र प्रतिस्पर्धा गर्ने बुझिएको छ ।
इस्टर्न स्पोर्टिङ्ग युनियन लिगका लागि योग्य भएपनि कागजी प्रक्रिया पूरा नगर्दा रेलिगेसनमा परेको हो । अब लिगमा हरेक टोलीले १२ खेल खेल्नेछन् ।
एन्जिलासँगै नेपालका अन्य खेलाडीले पनि लिग अनुबन्ध हुने सम्भावना छ । गत सिजन ६ नेपाली खेलाडीले लिग खेलेका थिए । एन्जिलासँगै लिग विजेता सावित्रा भण्डारी, सरु लिम्बु, रेनुका नगरकोटे, अनिता बस्नेत र रेखा पौडेलले खेलेका थिए । दीपा शाही लर्ड्स एफएमा अनुबन्धित भएपनि उमेर नपुग्दा खेल्न पाएकी थिइनन् ।
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
September 19, 2024
काठमाडौं (हाम्रो खेलकुद) – एन्फा महिला लिगमा वालिङ नगरपालिकाले बागमती युथ क्लबलाई पराजित गरेको छ । छैटौं खेलमा चौथो जित हात पार्ने क्रममा वालिङले बागमतीमाथि ४-० को जित हात पार्यो । एन्फा कम्प्लेक्स सातदोबाटोमा भएको खेलमा वालिङको जितमा ज्याकलिन नासालीले ह्याट्रिक तथा सिसी नान्टोंगोले १ गोल गरिन् । वालिङका लागि २२औं मिनेटमा नान्टोंगोले गोल गर्दै […]
