2 years ago
November 2, 2023
एजेन्सी – प्रिमियर लिग प्रतिद्धन्द्धी न्यूक्यासल युनाइटेडसँग आफ्नै मैदानमा लज्जास्पद हार बेहोर्दै म्यानचेस्टर युनाइटेड इएफएल कपकाे प्रि–क्वाटरफाइनलबाटै बाहिरिएको छ ।
युनाइटेड घरेलु मैदान ओल्ड ट्राफोर्डमा न्यूक्यासलसँग ३–० ले पराजित हुँदै अन्तिम १६ बाटै बाहिरिएको हो । बुधबार राति भएको खेलमा न्यूक्यासलको जिताउन मिगुइल अल्मिरोन, लेविस हल र जोसेफ विललकले गोल गरे ।
२८औं मिनेटमा मिगुइल अल्मिरोनको गोलबाट म्यानचेस्टर खेलमा पछि पर्यो । अल्मिरोनले भालेन्टिनो लिभ्रामेन्टोको पासमा गोल गर्न सफल भएका थिए । ३६औं मिनेटमा लेविस हलले गोल गर्दै न्यूक्यासलको अग्रता दोब्बर पारे ।
त्यसपछि ६०औं मिनेटमा जोसेफ विललकले जाइलिन्टनको पासमा गोल गर्दै न्यूक्यासलको सहज जित पक्का गर्दा युनाइटेड घरेलु मैदानमा लज्जास्पद हार बेहोर्न पुग्यो ।
युनाइटेडले सन् १९६२ पछि पहिलोपटक घरेलु मैदानमा लगातार दुई खेलमा ३ गोल खाएको छ । यसअघि युनाइटेडले प्रिमियर लिगकै खेलमा पनि म्यानचेस्टर सिटीसँग ३–० कै हार बेहोरेको थियो ।
यो सिजन अन्डरडग टोलीको रुपमा रहेको न्यूक्यासलले अन्तिम ३२ को खेलमा म्यानचेस्टर सिटीलाई १–० ले पराजित गर्दै अन्तिम १६ को यात्रा तय गरेको थियो ।
यस्तै अर्काे खेलमा आर्सनलले वेस्टह्याम युनाइटेडसँग ३–१ भोग्दै बाहिरिएको छ । वेस्टह्यामको जितमा मोहम्मद कुडुस र जरोड बोवेनले गोल गर्दा एक गोल उपहार पाएको थियो । आर्सनलका मार्टिन ओडेगार्डले एक गोल फर्काए ।
अन्य नतिजा
वेस्टह्यामविरुद्ध आर्सनल (३–१)
बर्नमाउथविरुद्ध लिभरपुल (१–२)
चेल्सीविरुद्ध ब्ल्याकबर्न (२–०)
एभर्टनविरुद्ध बर्नले (३–०)
इस्पिचविरुद्ध फुलहम (१–३)
July 10, 2025
काठमाडौं (हाम्रो खेलकुद) – एएफसी यु-२३ एसियाली कप छनोटको बन्द प्रशिक्षणमा ४० खेलाडीलाई बोलाइएको छ । सातदोबाटोस्थित एन्फा कम्प्लेक्समा आयोजित विभिन्न चरण छनोट पछि यू-२३ राष्ट्रिय टोलीको बन्द प्रशिक्षणका लागि ४० खेलाडीहरू छनोट भएका हुन् । मुख्य प्रशिक्षक नवीन न्यौपानेले पहिलो चरणको ट्रायलका लागि बोलाइएका ८९ खेलाडीहरूको प्रारम्भिक समूहबाट बन्द प्रशिक्षणको लागि टोली छनोट गरेको […]
July 10, 2025
काठमाडौं (हाम्रो खेलकुद) – एन्फा यु-१६ युथ लिगमा मनाङ मर्स्याङ्दी र मछिन्द्र क्लबले बराबरी खेल्दा न्युरोड टिम एनआरटीले जित निकालेको छ । एन्फा कम्प्लेक्स सातदोबाटोमा बिहिबारको दोस्रो खेलमा मनाङ र मछिन्द्रले १-१ को बराबरी खेले । मछिन्द्रका करन धामीले तेस्रो मिनेटमा नै गोल गर्दै टोलीलाई अग्रता दिलाए । खेलको १६औं मिनेटमा मछिन्द्रका सुमन बम ठकुरीले […]
July 10, 2025
काठमाडौं (हाम्रो खेलकुद) – फिफा वरीयता नेपाली पुरुष राष्ट्रिय फुटबल टोलीको वरीयता खस्किएको छ । फुटबलको सर्वोच्च निकाय फिफाले बिहीवार सार्वजनिक गरेको नयाँ वरीयतामा नेपाल एक स्थान खस्किएको हो । नयाँ वरीयतामा नेपाल १ सय ७६औं स्थानमा छ। यसअघि नेपाल १ सय ७५औं स्थानमा थियो । नेपालीले पछिल्लो समय दुई अन्तर्राष्ट्रिय खेल खेलेको थियो । […]