default_image

7 months ago

November 4, 2023

एन्फाले विशेष साधारण सभा रोक्न नपर्ने !

438 views

0 Bookmark

काठमाडौं (हाम्रो खेलकुद) – अखिल नेपाल फुटबल संघ (एन्फा) को अर्को साताका लागि तय विशेष साधारण सभा रोक्न नपर्ने भएको छ ।

विशेष साधारण सभा रोक्न माग भएपनि उच्च अदालत पाटनले अन्तरिम आदेश जारी नहुने आदेश दिएको छ । अब मकवानपुरको हेटौंडामा कात्तिक २३ गते बोलाइएको विशेष साधारण सभा गर्न एन्फालाई बाटो खुलेको छ ।

सहिद स्मारक बी डिभिजन टोली मध्पयुर युथ एसोसियनका सह सचिव सुनिल श्रेष्ठले एन्फा अध्यक्ष पंकजविक्रम नेम्बाङसहित महासचिव किरण राई र र प्रवक्ता सरेश शाहलाई विपक्षी बनाई असोज २५ गते दायर गरेको विशेष साधारण सभा रोक्न अन्तरिम आदेश मागसहितको रिट दायर गरेका थिए । उच्च अदालतले कात्तिक १६ गते अन्तरिम आदेश जारी नहुने आदेश गरेको थियो ।

एन्फा कार्यसमितिको असोज १७ गते बसेको बैठकले विशेष साधारण सभामा एक मात्र विषय सुचीका रुपमा एन्फा अध्यक्ष पंकजविक्रम नेम्बाङको बर्खास्तीका सम्बन्धमा निर्णायार्थ पेश गर्ने निर्णय गरेको थियो । भदौ २५ गते एन्फाका ४९ सदस्य संस्थाले अध्यक्ष नेम्बाङ र महासचिव किरण राईको बर्खास्तीको माग गर्दै प्रस्ताव पेश गरेको थिए ।

सो प्रस्तावबारेमा कानुनी परमर्शका लागि एन्फाले आफ्नो अनुशासन समितिमा पठाएको छ । सदस्यहरुको मागलाई सम्बोधन गर्ने क्रममा एन्फाले विशेष साधारण सभा गर्ने निर्णय गरेको थियो । महासचिवको हकमा राईको बर्खास्तीको विषयमा अध्यक्षको प्रस्तावमा मात्र कार्यसमितिलले निर्णय गर्ने अधिकार क्षेत्रमा पर्ने भएकोले महासचिवको बर्खास्त प्रस्ताव साधारण सभामा प्रस्तुत नगर्ने निर्णय पनि बैठकले गरेको थियो ।

विशेष साधारण सभाका लागि सदस्य संस्थाहरुले प्रतिनिधि समेत छनोट गरिसकेका छन् । गण्डकी प्रदेशको छनोट प्रक्रिया भने विवादमा परेको छ । एन्फाले आफ्नो चार प्रतिनिधिलाई गण्डकीको प्रतिनिधिका रुपमा पठाएपनि गण्डकी प्रदेशले उनीहरुको उपस्थिति विना अलग्गै भेला गरेर प्रतिनिधि छनोट गरेको थियो । त्यस विषयमा एन्फाले गण्डकी प्रदेशलाई पत्र काटेको छ ।

मध्यपुरका सह सचिव श्रेष्ठले नेम्बाङको नेतृत्वमा एन्फा विधान विपरित सन्चालन हुँदै आएकोलगायत अन्य विषयलाई आफ्नो निवेदनमा समेटेका थिए ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.