एजेन्सी – खेलको अन्त्यतिर रोनाल्ड एराउजोले गोल गरेपछि क्याटलान क्लब बार्सिलोनाले स्पेनिस ला लिगामा कठिन जित दर्ता गरेको छ ।

बार्सिलोनाले घरेलु टोली रियल सोसिडाडविरुद्ध १–० को कठिन जित निकालेको हो । बार्सिलोनाको जितमा खेलको अन्त्यतिर रोनाल्ड एराउजोले गरेको गोल नै ३ अंक बटुल्न पर्याप्त बन्यो ।

रियाले एरिना सेवास्टिएनमा शनिबार राति भएको खेलमा घरेलु टोली सोसिडाडले बल पोसेसन राख्दै बार्सिलोनालाई दवावमा राखेपनि खेलको अन्त्यतिर गोल खाँदै हार बेहोर्न पुग्यो । रियल सोसिडाडको आक्रमणका बार्सिलोनाका गोलरक्षक मार्क आन्दर टेर स्टेगनले सानदार प्रदर्शन गर्दै उकृष्ट बचाउँ गरे ।

बराबरीतर्फ धकेलिएको खेलको अन्त्यतिर रोनाल्ड एराउजोले गोल गर्दै बार्सिलोनालाई जित दिलाए । उनले इल्केए गुन्डोगानको पासमा गोल गर्न सफल भएका थिए ।

यस जितले बार्सिलोना १२ खेलबाट ८ जित, ३ बराबरी र १ हारका साथ २७ अंक जोडेर तेस्रो स्थानमा उक्लिएको छ । पराजित सोसिडाड समान खेलबाटै १९ अंक जोडेर छैटौं स्थानमा छ । बार्सिलोना शीर्षस्थानको जिरोनासँग ४ अंकले तथा दोस्रो स्थानको रियल म्याड्रिडसँग १ अंकले पछि छ । रियलले एक खेल कम खेलेको छ ।

ओसासुनालाई हराउँदै जिरोना शीर्षस्थानमा

घरेलु टोली ओसासुनामाथि ४–२ को रोमाञ्चक जित निकाल्दै जिरोना स्पेनिस ला लिगाको शीर्षस्थानमा फर्किएको छ । जिरोनाले रियल म्याड्रिडलाई ३ अंकले पछि पार्दै शीर्षस्थानमा उक्लिएको हो ।

यो सिजन उच्च फर्ममा रहेको जिरोनाको जितमा इभान मार्टिन, अर्टिम डोब्यक, भिक्टर सिगनकोभ र एलेइक्स गार्सियाले गोल गरे । ओसासुनाका एन्टी बुडिमिरले दुवै गोल गरेपनि जितको लागि पर्याप्त भएन ।

यस जितले शीर्षस्थानमा उक्लिएको जिरोनाको १२ खेलबाट ३१ अंक पुगेको छ । पराजित ओसासुना १३ अंक जोडेर ११औं स्थानमा छ । रियलले एक खेल कम खेलेको छ ।

आज राति रियलले घरेलु मैदानमा रायो भालेकानोसँग खेल्दैछ । यस खेलमा जित हात पारे रियल गोल अन्तरमा पुनः शीर्षस्थानमा उक्लने छ । बराबरी या हारले शीर्षस्थान गुमाउने छ ।

अन्य नतिजा
लास पाल्मासविरुद्ध एट्लेटिको मड्रिड (२–१)
रियल बेटिसविरुद्ध मलोर्का (२–०)
सेल्टा डि भिगोविरुद्ध सेभया (१–१)