9 months ago
November 8, 2023
एजेन्सी – युरोपेली च्याम्पियन्स लिगको समूह एफमा मंगलबार इटालियन टोली एसी मिलान र जर्मन टोली बोरुसीया डर्टमन्ड विजयी भएका छन्।
एसी मिलानले पिएसजीलाई र डर्टमन्डले न्युक्यासल युनाइटेडलाई हराएको हो। एसी मिलानले २-१ को पुनरागमन जित हासिल गरेको हो।
खेलमा नवौं मिनेटमा पिएसजीका डिफेन्डर मिलान स्क्रीनियारले गोल गर्दै अग्रता दिलाएका थिए। भिटिन्हाको कर्नरमा मार्किन्होसको फ्लिक पासमा स्क्रीनियारले खाली रहँदै सहज गोल गरेका थिए।
तर मिलानले तीन मिनेट पछाडि नै बराबरी गोल फर्कायो। ओलीभियर जिरुडको प्रहार पिएसजी गोलरक्षक डोन्नारुमाले बचाएपछि रिबाउन्डमा राफाएल लेआओले गोल गर्दै खेल बराबरीमा ल्याएका थिए।
मिलानले अग्रता भने दोस्रो हाफमा लियो। ५०औं मिनेटमा थियो हर्नान्डेजको सुन्दर क्रसमा हेडर मार्फत गोल गर्दै जिरुडले अग्रता दिलाए। अन्त्यमा त्यही गोल जितका लागि पर्याप्त भयो।
यस्तै सोही समूह कै अर्को खेलमा डर्टमन्डले न्युक्यासल युनाइटेड माथि २-० को जित निकाल्यो। डर्टमन्डका लागि निकोलास फुलक्रुग र जुलियन ब्रान्ड्टले गोल गरेका हुन्।
जितपछि समूहमा डर्टमन्ड ४ खेलमा ७ अंक सहित शीर्ष स्थानमा उक्लिएको छ। पिएसजी समान ४ खेल्न २ जित र २ हारसहित ६ अंक जोड्दै दोस्रो छ। ५ अंक रहेको मिलान तेस्रो र ४ अंक सहित न्युक्यासल अन्तिम स्थानमा छ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]