default_image

7 months ago

November 8, 2023

चितवनमा जेसिज कप महिला फुटबल हुने

544 views

0 Bookmark

सुशिल पन्त क्षेत्री, चितवन

चितवनमा अर्को महिना जेसिज कप राष्ट्रिय महिला फुटबल प्रतियोगिता हुने भएको छ । नारायणगढ लेडी जिसिजको आयोजना तथा चितवन जिल्ला फुटबल संघको प्राविधिक सहयोगमा मंसिर ५ देखि ९ गते सम्म महिल फुटबल हुने बुधबार आयोजित पत्रकार सम्मेलनमा जानकारी दिइयो ।

प्रतियोगितामा ८ टोलीको सहभागिता रहने नारायणगढ लेडी जेसिजकी अध्यक्ष सुस्मिता श्रेष्ठले बताइन् । चितवन ११, अभिषेक चर्च रजहर, गैंडाकोट खेलकुद विकास समिति, बागमती गाउँपालिका मकवानपुर, रौतहट महिला फुटबल एकेडेमी, गोकर्णेश्वर नगरपालिका काठमाडौं, अल स्टार्स स्पोर्टस एकेडेमी धनगढी र बागमती युवा क्लब सर्लाहीले प्रतियोगितामा प्रतिस्पर्धा गर्ने बताइएको छ ।

विजेताले ट्रफीसहित २ लाख र दोस्रो हुने टोलीले १ लाख रुपैयाँ प्राप्त गर्नेछ । विधागत उत्कृष्ट खेलाडी तथा उत्कृष्ट प्रशिक्षकले समान १० हजार रुपैयाँ प्राप्त गर्नेछन् । नेपाल प्रहरी शिक्षालयको मैदानमा हुने प्रतियोगिताका सन्चालनका लागि झन्डै १२ लाख रुपैयाँ खर्च हुने अनुमान रहेको आयोजक जेसिजकी कानुनी सल्लाहकार एवं संयोजक हिमा श्रेष्ठले बताइन् । दर्शकका लागि सेमिफाइनलसम्म ५० तथा फाइनलका लागि एक सय रुपैयाँको टिकट शुल्क राखिएको श्रेष्ठले जानकारी दिइन् ।

खेलकुदको माध्यमबाट महिला सशक्तिकरणका टेवा पुर्याउने उद्देश्यका साथ फुटबल प्रतियोगिता आयोजना गरिएको आयोजक जेसिजकी अध्यक्ष श्रेष्ठ बताइन् । उनले प्रतियोगिताले सुस्त रहेको घरेलु महिला फुटबललाई चलायमान बनाउन मद्दत पुग्ने विश्वास लिइएको जनाइन् ।

२०७८ सालमा चितवनमा राष्ट्रिय महिला लिग भएयता महिला फुटबल प्रतियोगिता भएको छैन । शुन्य अवस्थामा रहेको महिला फुटबललाई गतिशिल बनाउन प्रतियोगिता आयोजना गरिएको चितवन जिल्ला फुटबल संघका अध्यक्ष श्री कृष्ण कार्कीले बताए । सहभागी क्लबहरुमा राष्ट्रियस्तरका खेलाडीहरु पनि रहने बताइएको छ । महिला फुटबलको उर्भर भूमि रौतहट र धनगढीको टोलीमा राष्ट्रिय खेलाडीहरुको बाहुल्यता रहेको बताइएको छ ।

June 16, 2024

स्पेन र इटालीको जित

एजेन्सी – युरो कप २०२४ को समूह ‘बी’ मा स्पेन र इटाली विजयी भएका छन् । शनिबार भएका दुई अलग खेलमा स्पेन र इटलीले जित हासिल गरेका हुन् । स्पेनले बलियो मानिएको क्रोएसिया लाई ३-० को सहज अन्तरले हरायो । पहिलो हाफमा नै ३ गोल गरेपछि क्रोएसिया खेलमा फर्कन सकेन । २९औं मिनेटमा कप्तान अल्भारो […]

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

Success

Thank you for your time.