default_image

3 weeks ago

November 16, 2023

परिवर्तनको जोखिमबीच साख जोगाउने दबाब

सुबास हुमागाईं, काठमाडौं नेपाली पुरुष राष्ट्रिय फुटबल टोलीले फिफा विश्वकप २०२६ एएफसी छनोटको दोस्रो चरणमा विहीबार संयुक्त अरब इमिरेट्स (यूएई) को सामना गर्दैछ । ४ वर्षअघि विश्वकप छनोटको यसै चरणमा कुवेतको सामना गर्न पुगेको टोलीबाट ३ खेलाडी मात्र हाल नेपाली टोलीमा छन् । नेपालका लागि सर्वाधिक खेल खेलेका कप्तान किरण चेम्जोङ, नेपाली फुटबलमा सबैभन्दा उच्च […]

972 views

0 Bookmark

सुबास हुमागाईं, काठमाडौं

नेपाली पुरुष राष्ट्रिय फुटबल टोलीले फिफा विश्वकप २०२६ एएफसी छनोटको दोस्रो चरणमा विहीबार संयुक्त अरब इमिरेट्स (यूएई) को सामना गर्दैछ । ४ वर्षअघि विश्वकप छनोटको यसै चरणमा कुवेतको सामना गर्न पुगेको टोलीबाट ३ खेलाडी मात्र हाल नेपाली टोलीमा छन् ।

नेपालका लागि सर्वाधिक खेल खेलेका कप्तान किरण चेम्जोङ, नेपाली फुटबलमा सबैभन्दा उच्च स्तरको फुटबल खेलिरहेका डिफेन्डर रोहित चन्द र नेपाली फुटबलमा हालका सर्वाधिक गोलकर्ता अन्जन विष्ट मात्र ४ वर्षअघि छनोट यात्राको सुरुवातमा थिए । नेपालका सबैभन्दा भरपर्दा डिफेन्डर अनन्त तामाङ पनि यो टोलीमा हुन्थे, तर यूएई प्रस्थान गर्नुभन्दा २ दिन अघि मात्र चोटका कारण उनको नाम भ्रमण टोलीमा अटेन ।

नेपालको वर्तमान टोली सम्भवत यो स्तरमा प्रतिस्पर्धा गर्ने हालसम्मकै सबैभन्दा कम अनुभव बोकेको टोली हो । टोलीमा रहेका २३ मध्य ७ खेलाडीले मात्र राष्ट्रिय टोलीबाट १० भन्दा बढी खेल खेलेका छन् । औसत उमेर झन्डै २३ वर्ष छ भने ७ खेलाडीले डेब्यु गर्न नै बाँकी छ ।

प्रशिक्षक भिन्सेन्जो अल्बर्टो अनेसे आफैंले राष्ट्रिय टोलीको जिम्मेवारीमा आएपछि दर्जन खेलमा जिम्मेवारी निभाएका छन् । उनले टोलीमा लगातार परिवर्तन गर्दै नयाँ युगको लागि खेलाडी तयार पारिरहेका छन् । उनको टोली छनोट हेर्दा नेपालले वर्तमान नतिजा भन्दा भविष्यका लागि टोली बनाउन खोजेको बुझ्न सकिन्छ । खेलाडीमा प्रयोग यति धेरै भएको छ, अहिले टोली परिवर्तनको क्रम होइन, नयाँ युगमा प्रवेश गरेको छ । तर, प्रशिक्षकको यो द्रुत निर्णयले नेपालको वर्तमान प्रदर्शनमै प्रश्न उठ्ने डर उत्तिकै छ ।

खेलाडी पलायनका कारण प्रशिक्षक अनेसेले नयाँ खेलाडीलाई टोलीमा समावेश गर्न बाध्य थिए । तर यसका बाबजुद उनले टोलीमा लगातार प्रयोग गरेका छन् । अनेसे आफैंले सुरुवातमा टोलीमा स्थान दिएका खेलाडी बाहिर राखेका छन् । लिग फुटबलको अभावका कारण नयाँ खेलाडीलाई सिधै प्रशिक्षणमा राखेर टोलीमा समेटेका छन् ।

विश्वकप खेल्ने लक्ष्य बोकेको स्तरीय टोलीविरुद्ध अनुभवको कमी खड्कने पो हो भन्ने चिन्ता पनि उत्तिकै छ । पछिल्लो पटक प्रशिक्षक अब्दुल्लाह अलमुताइरीले सिनियर खेलाडीसँग विवाद गरेर युवा खेलाडीलाई समेट्दाको नतिजा बिर्सनलायक रहेको थियो । त्यसबेला नेपालले फराकिलो हार बेहोरेपनि नयाँ युगलाई अवसर दिएको सम्झिएर नै नतिजा स्वीकार गरिएको थियो ।

यसपटक अनेसेले पुन: अर्को युग तयार पार्ने जमर्को गरेका छन् । २ वर्षको अन्तरमा नेपाली टोलीको स्वरूप नै परिवर्तन भएको छ । सायद ए डिभिजन लिग समाप्त हुँदा हाल टोलीमा रहेका कतिपय खेलाडीले राष्ट्रिय टोलीमा पर्ने त टाढा, प्रशिक्षण सुचिमा नै नाम आउने आँकलन गरेका थिएनन् । तर प्रशिक्षकको आवश्यकता पूरा हुन नसक्दा लगातार खेलाडी परिक्षण चलिरहेको छ ।

युवा टोली भएकाले नेपालले यूएईविरुद्ध निडर भएर खेल्ने विश्वास प्रशिक्षक अनेसेले खेलको पूर्वसन्ध्यामा पनि बताए । ‘जब टोलीमा युवा खेलाडी हुन्छन्, उनीहरुले शारीरिक र मानसिक रुपमा सकारात्मक खेल्न सक्छन् । उनीहरुले विपक्षी टोलीको मैदानमा पनि दबाब नलिई खेल्न सक्छन् । मलाई थाहा छ भोली यूएईको समर्थनमा धेरै आउनु हुन्छ, तर हामी त्यसको लागि तयार छौं,’ उनले भने ।

‘हामीलाई यूएईको स्तर थाहा छ । विगतमा यूएईजस्ता अन्य टोलीको सामना पनि गरेका छौं । विपक्षी टोलीको खेल र खेलाडीको बारेमा बुझेर आएका छौं । हामी यो खेल रमेर खेल्न चाहन्छौं । यो विश्वकप छनोटको भएकाले यो स्तरको फुटबलको सम्मान पनि गर्छौं,’ अनेसेले थपे ।

कप्तान किरणले पनि एसियाका उत्कृष्टमा गनिने यूएई स्टार अलि मब्खुत जस्ता खेलाडीको सामना गर्न तयार रहेको बताए । ‘हामीले अघिल्लो छनोटमा अष्ट्रेलियासँग खेल्यौं । त्यहाँ प्रिमियर लिग खेल्ने खेलाडी थिए । त्यसैले हामीलाई खासै असर गर्दैन । म सधैं आफ्नो टोलीका लागि खेल्छु र भोली पनि त्यस्तै अर्को दिन हुनेछ,’ किरणले बताए ।

प्रशिक्षक अनेसेले नयाँ चुनौतीको सामना गर्न आफू सधैं तयार रहेको पनि बताए । ‘मैले प्रशिक्षकको रुपमा धेरै अनुभव लिएको छु । एक मानव भएकाले पनि चुनौतीको सामना गर्नुपर्छ । विशेषगरी भोली प्रशिक्षक पाउलो बेन्टोविरुद्ध खेल्नु विशेष हुनेछ,’ उनले भने ।

‘पोर्चुगलमा मोउरिन्होपछि उनलाई मान्छु । त्यसैले म उनीसँग हात मिलाएर कडा प्रतिस्पर्धा दिन तयार छु । अहिलेलाई हामीले यो लक्ष्य भन्ने होइन, खेलमा ध्यान दिन जरुरि छ । आशा गरौं राम्रो खेल हुनेछ,’ अनेसेले थपे ।

यता यूएईका प्रशिक्षक बेन्टोले पनि नेपाललाई कमजोर नआँक्ने बताएका छन् । ‘हामीले विपक्षी टोलीबारे पनि सोच्नुपर्छ । उनीहरु पनि यहाँ प्रतिस्पर्धा गर्न आएका हुन् । हामीले आफ्नो खेलमा ध्यान दिएर सकेसम्म राम्रो खेल प्रस्तुत गर्नु नै मुख्य लक्ष्य हो,’ कतार २०२२ विश्वकपमा दक्षिण कोरियाको प्रशिक्षक रहेका बेन्टोले भने ।

प्रशिक्षक अनेसेले छोटो अवधिको लागि सम्झौता भएपनि दीर्घकालीन योजना लिएर अघि बढेको संकेत दिएका छन् । उनले केहि टोलीमा पर्न सक्षम तर उमेरले ३० वर्ष नाघेका खेलाडीलाई बन्द प्रशिक्षणमै राखेनन् । यसले नतिजामा असर गर्ने भएपनि नयाँ टोली तयार पार्न जोखिम लिएका छन् । तर यो जोखिमले विश्व फुटबलमा नेपालको साख नै जोगाउन कठिन हुने हो भन्ने डर भने बढेको छ ।

December 4, 2023

लिभरपुलको रोमाञ्चक जित

एजेन्सी – इंग्लिश प्रिमियर लिग अन्तर्गत आईतबार साँझ भएको खेलमा लिभरपुलले फुलहम विरुद्ध ४-३ को रोमाञ्चक जित निकालेको छ । घरेलु मैदान एनफिल्डमा भएको खेलमा लिभरपुलले अन्तिम समयमा ३-२ ले पछि परेको अवस्था उल्ट्याउँदै ४-३ को जित निकालेको हो । खेलमा लिभरपुलले २०औं मिनेटमा अग्रता लिएको थियो । ट्रेन्ट अलेकज्याण्डर-आर्नोल्डको फ्रिकिक क्रसबारमा लागेर फर्किदा फुलहम […]

December 4, 2023

काठमाडौंलाई जितविहिन झापाको चुनौती

काठमाडौं (हाम्रो खेलकुद) – नेपाल सुपर लिग २ अन्तर्गत सोमबार साविक विजेता काठमाडौं रेजर्स फुटबल क्लबले नवप्रवेशी झापा फुटबल क्लबको सामना गर्दैछ । दशरथ रंगशालामा साँझ ५ बजे हुने खेलमा झापा पहिलो जितको खोजीमा हुनेछ । दुवै टोलीले आफ्नो पछिल्लो खेलमा इन्ज्युरी समयको गोलको सहयोगले हार टारेका थिए । दुवै टोलीका लागि विदेशी खेलाडी नै […]

December 4, 2023

सिटीको घरेलु मैदानमा टोटेनहमले पुन: अंक खोस्यो

एजेन्सी – म्यानचेस्टर सिटी र टोटेनहम हट्सपरबीच इंग्लिस प्रिमियर लिगअन्तर्गत आइतबार भएको खेल ३-३ को रोमान्चक बराबरीमा सकिएको छ । सिटीविरुद्ध लगातार बाधक बन्दै आएको टोटेनहमले खेलको अन्त्यतिर गोल गर्दै पुन: एकपटक सिटीलाई जितबाट बन्चित गर्यो । सिटी अंक तालिकाको तेस्रो स्थानमा झर्दा टोटेनहमले भने लगातार हारको सिलसिलामा पूर्णविराम लगायो । टोटेनहमका कप्तान ह्युङ मिन […]

Success

Thank you for your time.