default_image

7 months ago

November 17, 2023

अर्जेन्टिना र ब्राजिल दुवै पराजित

2166 views

0 Bookmark

एजेन्सी – फिफा विश्वकप २०२६ छनोट अन्तर्गत कन्मेबोल अर्थात् दक्षिण अमेरिकी छनोटका खेलमा दुई महारथी अर्जेन्टिना र ब्राजिल पराजित भएका छन् ।

अर्जेन्टिनाले उरुग्वे विरुद्ध हार बेहोर्दा ब्राजिल भने कोलम्बिया विरुद्ध पराजित भएको हो । अर्जेन्टिनाको घरेलु मैदान ला बम्बनेरामा भएको खेलमा पाहुना टोली उरुग्वेले २-० को जित हात पारेको हो । उरुग्वेका लागि बार्सिलोनाका डिफेन्डर रोनाल्ड आराउहो र लिभरपुलका डार्विन नुनेजले एक एक गोल गरे ।

अनुभवी प्रशिक्षक मार्सेलो बिएल्साको प्रशिक्षणमा गत महिना ब्राजिल विरुद्ध सहज जित निकालेको उरुग्वेका लागि ४१औं मिनेटमा आराउहोले अग्रता दिलाएका थिए । माटियास भिनाको क्रसमा राम्रो फिनिश गर्दै उनले अग्रता दिलाएका थिए । खेलको दोस्रो गोल भने ८७औं मिनेटमा नुनेजले गरे । निकोलस डे ला क्रुजको थ्रु-पासमा उनले गोल गर्दै जित सुनिश्चित गरे ।

जित पछि उरुग्वे तालिकाको दोस्रो स्थानमा छ । उरुग्वेको पाँच खेलमा ३ जित, १ बराबरी र १ हारसहित १० अंक पुगेको छ । पराजित अर्जेन्टिनाको भने पाँच खेलमा चार जित सहित पहिलो स्थानमा छ ।

यस्तै अर्को खेलमा कोलम्बियाले ब्राजिल विरुद्ध पुनरागमन जित निकालेको हो । ब्राजिलले खेलको चौथो मिनेटमा नै ग्याब्रिएल मार्टीनेलीको गोल बाट अग्रता लिएको थियो। तर खेलको अन्त्यतिर सम्हालिन नसक्दा ब्राजिल पराजित हुन पुग्यो ।

लिभरपुलका विंगर लुईस डीयाजले खेलको ७५औं र ७९औं मिनेटमा दुई गोल गर्दै खेलमा आफ्नो टोलीको पुनरागमन गराए ।

हार पछि ब्राजिल ५ खेलमा २ जित, १ बराबरी र २ हार सहित ७ अंक बटुल्दै पाँचौं स्थानमा छ । कोलम्बिया भने ५ खेलमा २ जित र तीन बराबरी सहित अपराजित रहँदै ९ अंक सहित तेस्रो स्थानमा रहेको छ ।

June 16, 2024

स्पेन र इटालीको जित

एजेन्सी – युरो कप २०२४ को समूह ‘बी’ मा स्पेन र इटाली विजयी भएका छन् । शनिबार भएका दुई अलग खेलमा स्पेन र इटलीले जित हासिल गरेका हुन् । स्पेनले बलियो मानिएको क्रोएसिया लाई ३-० को सहज अन्तरले हरायो । पहिलो हाफमा नै ३ गोल गरेपछि क्रोएसिया खेलमा फर्कन सकेन । २९औं मिनेटमा कप्तान अल्भारो […]

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

Success

Thank you for your time.