default_image

7 months ago

November 21, 2023

अनन्तको चोट सामान्य, एनएसएल खेल्ने

577 views

0 Bookmark

काठमाडौं (हाम्रो खेलकुद) – नेपाली राष्ट्रिय फुटबल टोलीका डिफेन्डर अनन्त तामाङ यमनविरुद्ध मंगलबार भएको फिफा विश्वकप २०२६ छनोटको खेलमा घाइते भए । चोट बोकेपछि स्ट्रेचरमा बाहिर लगिएका अनन्तको स्थिति सामान्य रहेको छ ।

खेलपछि बोल्दै प्रशिक्षक भिन्सेन्जो अल्बर्टो अनेसेले अनन्तको स्थिति सामान्य रहेको बताएका हुन् । चोटका कारण यूएईविरुद्ध भएको पहिलो खेल गुमाएका अनन्तले यमनविरुद्ध भने सुरुवाती रोजाइमा खेलेका थिए । प्रशिक्षक अनेसेले मेडिकल टोलीको सल्लाह अनुसार नै उनलाई सुरुवातमा खेलाएको बताए ।

‘हामीले अनन्तलाई मेडिकल टोलीको सल्लाह अनुसार नै खेलाएका हौं । आज चोट बोक्नुको कारण उनले झन्डै ९ दिन आफ्नो चोटका लागि मात्र रिह्याब गरेका थिए । हामी नेपाल फर्केपछि २-३ दिन मात्र प्रशिक्षण गरेका थियौं । त्यसैले उनलाई क्र्याम्प्प भएको हो । कुनै गम्भीर चोट होइन,’ अनेसेले भने ।

खेलको ७९ औं मिनेटमा स्ट्रेचरमा बाहिर लागिएको अनन्तको स्थानमा योगेश गुरुङले अन्तिम समय मैदानमा बिताएका थिए । योगेशले पहिलो खेलमा यूएईविरुद्ध दोस्रो हाफमा मैदान छिर्दै डेब्यु गरेका थिए । खेलमा २-० को हार बेहोरेपछि नेपाली टोलीले दर्शकलाई धन्यवाद दिँदा अनन्त आइसिङ गर्दै मैदानको मध्य भागसम्म पुगेका थिए ।

टोली फर्कने क्रममा पनि अनन्त टिम बसमै होटेल फर्केका थिए । उनको अवस्था सामान्य रहेको र नेपाल सुपर लिग (एनएसएल) का लागि कुनै असर नपर्ने बुझिएको छ । एनएसएलको पहिलो संस्करण चोटका कारण गुमाएका अनन्त दोस्रो सिजनमा भने ललितपुर सिटि फुटबल क्लबको मार्की खेलाडी तथा कप्तान रहेका छन् ।

अनन्त सम्मिलित ललितपुरले पहिलो खेलमा बुटवल लुम्बिनी फुटबल क्लबको सामना गर्नेछ । एनएसएलको दोस्रो संस्करण शुक्रबारदेखि सुरु हुँदैछ ।

June 13, 2024

यु-२० एशियन कप: नेपाल समूह ‘बी’ मा  

काठमाडौं (हाम्रो खेलकुद) – नेपाल एएफसी यू–२० एसियन कप २०२५ छनोटको समूह ‘बी’ मा परेको छ । एएफसीको मुख्यालय क्वालालम्पुरमा बुधबार भएको ड्र समारोहमा नेपाल समूह बी मा परेको हो । नेपालको समूहमा उज्वेकिस्तान, बहराइन, चाइनिज ताइपेई र कम्बोडिया रहेका छन् । नेपालको समूहका खेलहरू सेप्टेम्बरमा चाइनिज ताइपेईमा हुनेछन् । नेपाली टोलीले छनोट खेल्न अघि […]

June 13, 2024

नेपाल, जापान र कतार एउटै समूहमा

काठमाडौं (हाम्रो खेलकुद) – एएफसी यु-१७ एसियन कप छनोटमा नेपाल एसियाली महारथी जापान र कतारसँगै एकै समूहमा परेको छ । बिहीबार भएको ड्र पछि नेपाल छनोटको समुह एफ मा परेको हो । समूहमा नेपालसँगै जापान र कतार बाहेक मंगोलिया रहेको छ । यस समुहका सबै खेल कतारले आयोजना गर्नेछ । छनोटका खेल आउँदो अक्टोबर महिनामा […]

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

Success

Thank you for your time.