default_image

5 months ago

November 22, 2023

अर्जेन्टिनाले ब्राजिललाई हरायो

एजेन्सी – फिफा विश्वकप २०२६ दक्षिण अमेरिकी अर्थात कन्मेबोल छनोट अन्तर्गतको खेलमा अर्जेन्टिनाले ब्राजिललाई हराएको छ । विश्व फुटबलकै सबैभन्दा ठूलो मध्यको एक मानिने “सुपर क्लासिको” मा अर्जेन्टिनाले बुधबार ब्राजिल माथि १-० को जित निकालेको हो । घरेलु मैदानमा विश्वकप छनोटमा पहिलो हार बेहोरेको ब्राजिल विरुद्ध अर्जेन्टिनी रक्षक निकोलास ओटामेन्डीले खेलको एकमात्र गोल गरे । […]

3571 views

0 Bookmark

एजेन्सी – फिफा विश्वकप २०२६ दक्षिण अमेरिकी अर्थात कन्मेबोल छनोट अन्तर्गतको खेलमा अर्जेन्टिनाले ब्राजिललाई हराएको छ ।

विश्व फुटबलकै सबैभन्दा ठूलो मध्यको एक मानिने “सुपर क्लासिको” मा अर्जेन्टिनाले बुधबार ब्राजिल माथि १-० को जित निकालेको हो ।

घरेलु मैदानमा विश्वकप छनोटमा पहिलो हार बेहोरेको ब्राजिल विरुद्ध अर्जेन्टिनी रक्षक निकोलास ओटामेन्डीले खेलको एकमात्र गोल गरे ।

ब्राजिल प्रहरीले अवे सेक्शनमा अर्जेन्टिनाका फ्यानमाथि दमन गर्न थालेपछि अर्जेन्टिनाको टोलीले मैदान छाड्दा खेल रोकिएकोले निर्धारित समय भन्दा करिब आधा घण्टापछि खेल सुरु भएको थियो ।

तनाबग्रस्त अवस्थामा सुरु भएको खेलको पहिलो हाफमा धेरै फाउल भएका थिए । खेलको पहिलो हाफमा दुबै टोलीले स्पष्ट मौका नै सृजना गर्न सकेनन् ।

दोस्रो हाफमा पनि उस्तै नै रह्यो । ६३औं मिनेटमा भने अर्जेन्टिना गोल गर्न सफल भयो । जियोभानी लो सेल्सोको कर्नरमा हेडर गोल गर्दै ओटामेन्डीले खेलको एकमात्र गोल गरे ।

८१औं मिनेटमा ब्राजिल १० जनामा सिमित भएको थियो । जोलिंगटनले रोड्रीगो डे पलमाथिको फाउलका लागि सोझै रातो कार्ड पाएपछि ब्राजिलले खेलको अन्तिम १० मिनेट १० जनाले खेल्नु परेको थियो ।

यस्तै कन्मेबोल छनोट अन्तर्गत भएका अन्य खेलमा उरुग्वे, कोलम्बिया र इक्वेडोर पनि विजयी भएका छन् । उरुग्वेले बोलिभिया माथि ३-० को जित निकालेको हो ।

यस्तै कोलम्बियाले पेरुमाथि र इक्वेडोरले चिली माथि समान १-० को जित निकाले । पेरू र भेनेजुएलाले भने १-१ को बराबरी खेले ।

छनोट अन्तरगत छ चरणका खेलहरु सकिँदा अर्जेन्टिना १५ अंक सहित शीर्ष स्थानमा छ । यस्तै उरुग्वे १३ अंक सहित दोस्रो छ । कोलम्बिया १२ अंक सहित तेस्रो, भेनेजुएला ९ अंक सहित चौथो र इक्वेडोर ८ अंक सहित पाँचौं स्थानमा छ । ब्राजिल भने ७ अंकका साथ छैठौं स्थानमा छ ।

पाराग्वे, चिली, बोलिभिया र पेरुको क्रमशः ५, ५, ३ र २ अंक छ ।

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.