काठमाडौं (हाम्रो खेलकुद) – नेपाल सुपर लिगको दोस्रो संस्करण अन्तर्गत दशरथ रंगशालामा जारी खेलमा धनगढी एफसी र विरगन्ज युनाइटेड एफसीले हाफ टाइम सम्म १-१ को बराबरी खेलेका छन् ।

धनगढीका लागि फोडे फोफानाले गोल गरेका हुन् भने विरगन्जका लागि हान्स क्वोफीले गोल गरे । खेलको दोस्रो मिनेटमा नै धनगढीले फोडे फोफानाको गोल मार्फत खेलमा अग्रता लिएको थियो । आशिष चौधरीको पासमा ओलावाले अफिजले दिएको क्रसमा गोल गर्दै फोफानाले खेलमा धनगढीले खेलमा अग्रता लियो ।

खेलको नवौं मिनेटमा विरगन्जका विलियम असिएडूको प्रहार ब्लक भयो । १२औं मिनेटमा भिषण गुरुङको प्रहार पोस्टको माथिबाट बाहिरियो ।

१३औं मिनेटमा आशिष चौधरीको बायाँ फ्लान्कबाट भएको प्रहारले पोस्टको दिशा लिन सकेन । १६औं मिनेटमा आशिषकै क्रस दीप कार्कीले फर्काए तर त्यहाँ रिबाउन्डमा प्रहार गर्न कोही पुग्नु अघि दीपले नै क्लियर गरे ।

३१औं मिनेटमा रिचार्ड अग्यमांगको लामो पासमा दीप बक्सको छेउमा आएका थिए तर उनी भाडा अगाडि ओलावालेले प्रहार गर्न भ्याएपनी उनको प्रहार दीपको खुट्टामा लागेर फर्कियो ।

पहिलो हाफको अन्त्य तिर विरगन्जले पेनाल्टी मार्फत बराबरी गर्ने अवसर पायो । कर्नरमा फलु डियाग्नेले ह्याण्डबल गरेपछि विरगन्जले पेनाल्टी पाएको थियो। पेनाल्टीमा हान्स क्वोफीले कुनै गल्ती गरेनन् र बराबरी गरे ।

धनगढीको प्रशिक्षण युगल किशोर राईले गर्दै छन् भने विरगन्जको टचलाइनमा सनोज श्रेष्ठ रहेका छन् ।