default_image

3 months ago

November 27, 2023

झापामाथि इलामको जित

काठमाडौं (हाम्रो खेलकुद) – स्पोर्टिङ इलाम डे मेची फुटबल क्लबले नेपाल सुपर लिगमा आफ्नो पहिलो जित दर्ता गरेको छ । दशरथ रंगशालामा सोमबार झापा फुटबल क्लबलाई १-० ले पराजित गर्दै इलामले एनएसएलको पहिलो जित दर्ता गर्यो । यसअघि पहिलो खेलमा काठमाडौं रेजर्ससँग पराजित इलामले अमाथ एनडाको गोलमा जित हासिल गरेको हो । झापा भने पहिलो […]

1814 views

0 Bookmark

काठमाडौं (हाम्रो खेलकुद) – स्पोर्टिङ इलाम डे मेची फुटबल क्लबले नेपाल सुपर लिगमा आफ्नो पहिलो जित दर्ता गरेको छ ।

दशरथ रंगशालामा सोमबार झापा फुटबल क्लबलाई १-० ले पराजित गर्दै इलामले एनएसएलको पहिलो जित दर्ता गर्यो । यसअघि पहिलो खेलमा काठमाडौं रेजर्ससँग पराजित इलामले अमाथ एनडाको गोलमा जित हासिल गरेको हो । झापा भने पहिलो खेलमै पराजित हुन पुग्यो ।

पहिलो हाफमा बराबरी भएको खेलको दोस्रो हाफमा इलामले लगातार अवसर सिर्जना गर्यो । अन्तिम समयमा पेनाल्टीमा चुकेपनि इलामले त्यसको एक मिनेटमै गोल गर्दै अग्रता बनायो । झापाले बल पोसेसनमै संघर्ष गर्दा इलामले पहिलो खेलमा हारको पिडा बिर्साउन सफल भयो ।

११ औं मिनेटमा झापाले अग्रता लिने सुवर्ण अवसर खेर फाल्यो ।छिरिङ लामाले दिएको लामो पासमा जोर्गे पेरेज सान्चेजले डिफेन्स लाइन बिट गरे । इलामका गोलरक्षक विकेश कुथु अघि बढेपछि दबाबमा जोर्गेले गरेको प्रहार पोस्टभन्दा थोरै परबाट बाहिरियो ।

२९ औं मिनेटमा इलामका इब्राहिमा जितेले गरेको प्रहार पोस्टभन्दा बाहिर गयो । उनले राइट ब्याक छिरिङ लामालाई बिट गर्दै पेनाल्टी क्षेत्र भित्रबाट प्रहार गरेका थिए ।

३२ औं मिनेटमा सान्चेजले पुन: एकपटक इलामको अफसाइड ट्रयाप बिट गरेपनि विकेशले अघि बढेर बललाई क्लियर गरे । ३८ औं मिनेटमा इलामका भरत खवासले पेनाल्टी क्षेत्र बाहिरबाट गरेको प्रहारले सर्बियन गोलरक्षक स्टेफान कुपिकलाई समस्या दिन सकेन ।

४४ औं मिनेटमा झापाको अग्रता लिने प्रयासमा क्रसबार बाधक बन्यो । छिरिङले दिएको क्रसमा अन्जनको डाइभिङ हेडर क्रसबारमा लागेर फार्कियो ।

दोस्रो हाफको पहिलो मिनेटमै इलामले गोलको अवसर पायो । अमाथ एनडाले पेनाल्टी क्षेत्रबाहिर अनमार्क रहँदा बल पाएपनि उनको अन्तिम टच भारी रहँदा कुपिकले अघि आएर बल समाते ।

५४ औं मिनेटमा विकेशले उत्कृष्ट बचाउ गर्दा खेल गोलरहित नै रह्यो । सुरज विष्टको क्रसमा जोर्गे सान्चेजको हेडर विकेशले अन्तिम समयमा पोस्टको बाहिर पठाए । लगत्तै कर्नरबाट आएको मुभमा सान्चेजको ६ यार्ड बक्स भित्रबाट गरेको प्रहार विकेशकै हातमा पुग्यो ।

६३ औं मिनेटमा इलामका अमाथले डिफेन्स लाइन बिट गरेर पेनाल्टी क्षेत्रभित्र वन भर्सेस वनको अवस्थामा गोल गर्न सकेनन् । डिफेन्डर योगेश गुरुङले अमाथलाई तानेर रोक्न खोजेपनि अघि बढेका उनले गोलरक्षकलाई पहिलो बार च्यापेर गरेको प्रहार बाहिरिएको थियो ।

६९ औं मिनेटमा इलामको लगातार तीन प्रहार गोल हुन सकेन । अब्दुलाए बाले सुरुवातमा गरेको प्रहार पोस्टमा लागेर फर्कियो । रिबाउन्डमा फोडे कामराको प्रहार कुपिकले फर्काए । त्यसको रिबाउन्डमा दीपेश घलेको प्रहार कुपिकले टप कर्नरबाट पोस्टमाथि पन्च गरिदिए ।

८४ औं मिनेटमा अमाथले पेनाल्टी पोस्टमाथि प्रहार गर्दा इलाम अग्रता लिनबाट बन्चित भयो । योगेश गुरुङले पेनाल्टी क्षेत्रभित्र भरत खवासलाई लडाएपछि रेफ्री उमेश बिडारीले पेनाल्टी दिए । तर अमाथको शक्तिशाली प्रहार पोस्टभन्दा निकै माथिबाट गयो ।

लगत्तै त्यसको एक मिनेटमै अमाथले गोल भने गरे । भरत खवासको पासमा उनको शक्तिशाली प्रहार कुपिकले विफल पारे । तर रिबाउन्डमा फलो अप गर्दै अमाथले बललाई पोस्टको दिशा दिए ।

इन्ज्युरी समयको पाँचौ मिनेटमा झापाले बराबरी गर्ने अवसर पायो । लक्ष्मण रुचालको पासमा प्रदीप लामाको प्रहार विकेश कुथुले विफल पारे ।

मंगलबार हुने खेल फुटबल क्लब चितवन र काठमाडौं रेजर्स फुटबल क्लबबीच साँझ ५:३० बजे हुनेछ ।

March 3, 2024

चर्च ब्वाइज झापा गोल्डकपको क्वार्टरफाइनलमा

हिमाल खरेल, बिर्तामोड ए डिभिजन लिग विजेता चर्च ब्वाइज युनाइटेड क्लबले अर्ना झापा गोल्ड कपको छैटौँ संस्करणमा विजयी सुरुवात गरेको छ । नेपाल पुलिस क्लबलाई आइतबार २–० ले पराजित गर्दै चर्च ब्वाइजले क्वार्टर फाइनल पुगेको हो । झापा गोल्ड कपमा पहिलोपटक सहभागितामा नै चर्च ब्वाइजले विजयी सुरुवात गर्न सफल भएको हो । पुलिस भने यसअघिका […]

March 3, 2024

इन्टर मियामीको सानदार जित

एजेन्सी – मेजर लिग क्लब टोली इन्टर मियामीले आज बिहान भएको खेलमा सानदार जित निकालेको छ । इन्टर मियामीले अर्को फ्लोरिडाको टोली ओरल्याण्डो सिटी विरुद्ध ५-० को जित निकालेको हो । मियामीको जितमा लुइस सुआरेज र लियोनेल मेस्सीले २-२ गोल गरे । अर्को एक गोल रोबर्ट टेलरले एक गोल गरे । खेलको चौथो मिनेटमा नै […]

March 3, 2024

भिनिसियसको दुई गोलमा रियल हारबाट जोगियो

एजेन्सी – ब्राजिली युवा फरवार्ड भिनिसियस जुनियरको दुई गोल सहयोगमा शीर्षस्थानमा रहेको रियल म्याड्रिड स्पेनिस ला लिगामा हारबाट जोगिएको छ । खेलको अन्त्यतिर १० खेलाडीमा समेटिएको दुई गोलले पछि परेको स्थितिमा भिनिसियसले दुई गोल गर्दा रियलले घरेलु टोली भ्यालेन्सियासँग २–२ गोलको बराबरी खेल्दै अंक खोस्न सफल भएको हो । भ्यालेन्सियामा शनिबार राति भएको खेलमा घरेलु […]

Success

Thank you for your time.