default_image

3 months ago

November 30, 2023

मुख्य प्रशिक्षक ‘भाग्य परिक्षण’ गर्न खेलभर टचलाइनमै आएनन्

सुबास हुमागाईं, काठमाडौं बुटवल लुम्बिनी फुटबल क्लब नेपाल सुपर लिग २ अन्तर्गत सुरुवाती दुवै खेलमा हार बेहोर्दै अंक तालिकाको पुछारमा छ । अक्सनमा स्टार खेलाडी भित्र्याउन असफल बुटवलले नेपालमै उपलब्ध रहेका विदेशी खेलाडी अनुबन्ध गर्दै औसत टोली निर्माण गरेको छ । अझ टोलीको प्रशिक्षक विजय महर्जनले दोस्रो खेलमा गरेको निर्णय सुन्दा टोलीले लिगमा नतिजाको हिसाबमा […]

3184 views

0 Bookmark

सुबास हुमागाईं, काठमाडौं

बुटवल लुम्बिनी फुटबल क्लब नेपाल सुपर लिग २ अन्तर्गत सुरुवाती दुवै खेलमा हार बेहोर्दै अंक तालिकाको पुछारमा छ । अक्सनमा स्टार खेलाडी भित्र्याउन असफल बुटवलले नेपालमै उपलब्ध रहेका विदेशी खेलाडी अनुबन्ध गर्दै औसत टोली निर्माण गरेको छ । अझ टोलीको प्रशिक्षक विजय महर्जनले दोस्रो खेलमा गरेको निर्णय सुन्दा टोलीले लिगमा नतिजाको हिसाबमा धेरै आशा नगरेको हो कि भन्ने शंका नै पैदा हुन्छ ।

बुटवलले विहीबार भएको खेलमा धनगढी फुटबल क्लबसँग इन्ज्युरी समयमा खाएको गोलका कारण हार बेहोर्यो । पहिलो खेलमा ललितपुरसँग २-० को हार बेहोरेको बुटवल पुछारमा थियो । आजको खेलमा अंक जोडेको भए टोलीले पुछारको स्थान छोड्थ्यो । तर टोलीले खेलमा पाएको अवसर सदुपयोग गर्न सकेन । र अन्त्यमा गोल खाँदै अर्को ३ अंक विपक्षीलाई सुम्पियो ।

दुवै टोलीको सुरुवाती ११ हेर्दा बुटवललाई खेलमा नतिजा हासिल गर्न केही सहज थियो । धनगढीका लागि पहिलो खेलमा प्लेयर अफ द म्याच घोषित भएका कृतिश रत्न छुन्जु टोलीमा थिएनन् । सँगसँगै प्रशिक्षक युगलकिशोर राईले ४ विदेशी खेलाडीमात्र पहिलो रोजाइमा उतारे । यता बुटवलले ५ विदेशीसहित आइकोनिक खेलाडी आशिष लामालाई पनि पहिलो रोजाइमा नै खेलाएको थियो ।

आश्चर्य नै भन्नुपर्छ खेल अवधिभर बुटवलका मुख्य प्रशिक्षक विजय महर्जन खेल अवधिभर नै टचलाइनमा देखिएनन् । उनी पूरा समय बेन्चमा अन्य अफिसियलसँग बसे । टचलाइनमा सहायक प्रशिक्षक दिलिप क्षेत्रीले नै जिम्मेवारी निभाए । उनलाई आवश्यक पर्दा गोलरक्षक प्रशिक्षक अजय महर्जनले साथ दिए ।

सहायक प्रशिक्षक दिलिप क्षेत्री निर्देशन दिँदै ।

मुख्य प्रशिक्षकभन्दा बढी टोलीका संयोजकको भूमिकामा रहेका सुगन तन्डुकार नै टचलाइनसम्म पुगे । तर सहायक रेफ्रीलाई अभद्र व्यवहार गरेपछि रेफ्री कविन ब्यन्जनकारले तन्डुकारलाई रातो कार्ड देखाए । बुटवलको बेन्चले रेफ्रीको निर्णयमा पटक पटक असहमति जनाएपछि स्थिति नियन्त्रणमा लिन रेफ्रीले कार्ड देखाउनुपरेको थियो ।

त्यसो त मुख्य प्रशिक्षक महर्जनले खेलपछि पोस्ट म्याच कन्फरेन्समा बोल्दै रेफ्रीको निर्णयमा असन्तुष्टि जाहेर गरे । उनले रेफ्रीको निर्णय मान्न सकिने नभएको बताए । ‘रेफ्रीको निर्णय त चित्त बुझेन । एकदम नराम्रो थियो । हाम्रो विरुद्ध अफसाइड नै लिएन,’ महर्जनलाई अन्तिम गोलबारे सोध्दा उनले भने, ‘त्यो त पूरै अफसाइड थियो । तपाईं आफैं रिप्ले पनि हेर्न सक्नुहुन्छ ।’

ओलावालेले इन्ज्युरी समयको तेस्रो मिनेटमा विजयी गोल गरेका थिए । अहमद हिजाजीको पासमा ओलावालेले उत्कृष्ट ढंगले अफसाइड लाइन बिट गरेर गोल गर्न पुगेका थिए । त्यसो त खेल अवधिभर नै बुटवलको बेन्च सहायक रेफ्रीविरुद्ध खनिएको थियो ।

बुटवलका प्रशिक्षक महर्जनको हारको कारण देखाउन रेफ्रीविरुद्ध आरोप भन्दा हाँस्यास्पद उनको टचलाइनमा नबस्नुको कारण थियो । ‘अस्तिको खेलमा म टचलाइनमा बस्दा गोल भएन । आज उसलाई बस्न दियौं । एउटा भाग्य हेरेजस्तो हो,’ महर्जनले हाँस्दै भने ।

त्यसो त महर्जनमाथि लिगको सुरुवातदेखि नै दबाब थियो । लामो समयदेखि शीर्ष श्रेणी फुटबलभन्दा बाहिर रहेका उनलाई प्रशिक्षकको जिम्मेवारी सुम्पंदा नै धेरै आश्चर्यमा परेका थिए । एनएसएलमा सहभागी केही टोलीले विदेशी प्रशिक्षक अनुबन्ध गरेका छन् । विदेशी नगर्नेले नेपालकै ए डिभिजनमा प्रशिक्षण गराउने बलियो टोली निर्माण गरेको छ ।

ललितपुर, झापा र चितवनले यसपटक विदेशी प्रशिक्षक अनुबन्ध गरेका छन् भने उनीहरुको सहायकमा ए डिभिजन हेरेका ए लाइसेन्स प्रशिक्षक सहायकमा छन् । काठमाडौं, पोखरा, इलाम, वीरगन्ज र धनगढीमा पनि ए डिभिजनका परिचित प्रशिक्षक नै छन् । तर बुटवल यसमा फरक देखिएको छ ।

बुटवलमा यस वर्ष नयाँ मालिक आएपछि टोलीमा व्यापक परिवर्तन आएको छ । नेपालका ए डिभिजनमा अनुभव बोकेका ए लाइसेन्स प्राप्त प्रशिक्षक उपलब्ध हुँदाहुँदै बुटवलले महर्जनलाई मुख्य प्रशिक्षकको जिम्मेवारी दियो । बुटवलकै स्थानीय दिलिप क्षेत्रीलाई सहायक र गोलरक्षकमा अजय महर्जन चुन्यो । यी दुई पनि शीर्ष लिगमा खासै अनुभव बोकेका प्रशिक्षक होइनन् । क्षेत्रीले भने लामो समय गोलरक्षकको रुपमा खेलेको अनुभव छ ।

लिग सुरु हुने अघिल्लो दिन पत्रकार सम्मेलनमा मुख्य प्रशिक्षक महर्जनले आफूलाई यो जिम्मेवारी ठूलो चुनौती रहेको बताएका थिए । अन्य टोलीमा विदेशी प्रशिक्षक हुँदा आफूले जिम्मेवारी पाएपछि प्रमाणित गर्ने दबाब रहने उनले स्वीकारेका थिए । तर विहिबार लिगको दोस्रो खेल हारेपछि भने उनले कुनै दबाब नरहेको बताए । उनले दबाब नरहेको बताएपनि उनको मुहारमा भने फरक भाव झल्किरहेको थियो ।

बुटवलले लिग चरणको ८ मध्य २ खेलमा हार बेहोरेको छ । अब बाँकी ६ खेलमा कम्तिमा ४ नजिते प्लेअफ पुग्ने सम्भावना कमजोर बन्नेछ । हालसम्म लिगमा गोलको खाता खोल्न नसकेको टोलीको आक्रमणमा खेलाडीबीच तालमेलकै कमी देखिन्छ । प्रशिक्षक आफैंले दोस्रो खेलमा नै भाग्य परिक्षण गरिरहेको अवस्थामा बुटवलको अंक तालिकामा स्थान परिवर्तन हुन कठिन देखिन्छ ।

March 3, 2024

इन्टर मियामीको सानदार जित

एजेन्सी – मेजर लिग क्लब टोली इन्टर मियामीले आज बिहान भएको खेलमा सानदार जित निकालेको छ । इन्टर मियामीले अर्को फ्लोरिडाको टोली ओरल्याण्डो सिटी विरुद्ध ५-० को जित निकालेको हो । मियामीको जितमा लुइस सुआरेज र लियोनेल मेस्सीले २-२ गोल गरे । अर्को एक गोल रोबर्ट टेलरले एक गोल गरे । खेलको चौथो मिनेटमा नै […]

March 3, 2024

भिनिसियसको दुई गोलमा रियल हारबाट जोगियो

एजेन्सी – ब्राजिली युवा फरवार्ड भिनिसियस जुनियरको दुई गोल सहयोगमा शीर्षस्थानमा रहेको रियल म्याड्रिड स्पेनिस ला लिगामा हारबाट जोगिएको छ । खेलको अन्त्यतिर १० खेलाडीमा समेटिएको दुई गोलले पछि परेको स्थितिमा भिनिसियसले दुई गोल गर्दा रियलले घरेलु टोली भ्यालेन्सियासँग २–२ गोलको बराबरी खेल्दै अंक खोस्न सफल भएको हो । भ्यालेन्सियामा शनिबार राति भएको खेलमा घरेलु […]

March 3, 2024

न्यूक्यासलको सानदार जित, चेल्सी रोकियो

एजेन्सी – इंग्लिस प्रिमियर लिगमा न्यूक्यासल युनाइटेडले सानदार जित दर्ता गर्दा लन्डन क्लब चेल्सी बराबरीमा रोकिएको छ ।न्यूक्यासलले घरेलु मैदानमा वल्भ्समाथि ३–० को जित दर्ता गरेको हो । सेन्ट जेम्स पार्कमा शनिबार राति भएको खेलमा घरेलु टोलीको जितमा एलेक्सान्डर इसाक, एन्थोनी गोर्डन र भालेन्टिनो लिब्रामेन्टोले गोल गरे । १४औं मिनेटमा इसाकको गोलबाट अग्रता लिएको न्यूक्यासलले […]

Success

Thank you for your time.