8 months ago
December 2, 2023
काठमाडौं (हाम्रो खेलकुद) – नेपाल सुपर लिगको दोस्रो संस्करण अन्तर्गत जारी दिनको दोस्रो खेलमा धनगढी एफसी र ललितपुर सिटी एफसीले गोलरहित बराबरी खेलेका छन् ।
सुरुवाती दुवै खेलमा अपराजित दुई टोलीले पहिलो हाफमा गोल गर्न सकेनन् । खेलमा धनगढीले बलियो सुरुवात गरेपनि गोलको सटिक अवसर सिर्जना गर्न सकेन । खेल अघि बढेसँगै ललितपुरले बल पोसेसनमा दबदबा कायम गर्यो । भारतीय मिडफिल्डर निखिल कदमको हेडर क्रसबारमा लाग्दा ललितपुर अग्रता लिनबाट चुकेको थियो ।
खेलको तेस्रो मिनेटमा धनगढीका कमल श्रेष्ठको फ्रिकिक ललितपुर गोलरक्षक जेफ्री बाल्टुसले पन्च गरिदिए। सातौं मिनेटमा कमलकै कर्नरले आफ्नो टिममेट भेटाउन सकेन। नवौं मिनेटमा धनगढीकै मनोज राईको लामो थ्रो-इनमा ओलावाले अफिजले राम्रो मौका पाएका थिए। तर उनको प्रहार ब्लक हुन पुग्यो।
ललितपुरका दिनेश हेन्जनले दशौं मिनेटमा दाहिने फ्लान्कबाट गरेको रनमा उनी लडाईएका थिए तर रेफ्रीले फाउल दिएनन्। १२औं मिनेटमा ललितपुरका ओमोलाजा करिमको फ्रिकिक धनगढी गोलरक्षक मोहम्मद ताहाले पन्च गरिदिए।
२०औं मिनेटमा ललितपुरका निखिल कदमको पासमा दिनेशको लागि मौका सिर्जना भएको थियो। तर उनले बक्स भित्र बल लागेर प्रहार गर्नुअघि आशिष चौधरीले बल क्लियर गरिदिए।
३४औं मिनेटमा ललितपुर अग्रताको निकै नजिक पुगेको थियो । अनन्त तामाङको लामो पासमा निखिल कदमको हेडर क्रसबारमा लागेर फर्कियो । क्रसबारमा लगेर फर्किएको बलले ताहालाई लागेपनि उनले तुरुन्त पछि फर्केर बललाई गोललाइन पार हुन दिएनन् । यही पहिलो हाफको सबैभन्दा राम्रो अवसर थियो ।
धनगढीको दुई खेलमा ६ अंक रहँदा ललितपुरको समान दुई खेलमा ४ अंक रहेको छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]