8 months ago
December 3, 2023
एजेन्सी – शीर्षस्थानमा रहेको रियल म्याड्रिडले स्पेनिस ला लिगामा सहज जित हात पारेको छ । रियल घरेलु मैदानमा ग्रानडामाथि २–० को सहज जित हात पारेको हो ।
सान्टियागो बर्नबेउमा शनिबार राति भएको खेलमा रियलको जितमा ब्राहिम डियाज र रोड्रिगोले गोल गरे । १५औं मिनेटमा बेलिङहमको क्रसलाई रोड्रिगोले भेट्टाउन सकेन । १७औं मिनेटमा ग्रानडाले अग्रता लिने मौका गुमायो । ब्रायन जारागोजाको फ्रिकिक पोस्ट नजिकैबाट बाहिरियो ।
२६औं मिनेटमा डियाजले गोल गर्दै रियललाई १–० को अग्रता दिलाए । ग्रानडाको पेनाल्टी बक्सबाहिर आँफैले दिएको लो क्रसलाई टोनी क्रुसले चलाखीपूर्ण रुपमा दिएको पासमा उनले दुई डिफेन्डर र गोलरक्षक राहुल फर्नान्डेजलाई बिट गर्दै सहज फिनिस गरे ।
४२औं मिनेटमा जुड बेलिङहम चुक्दा रियल अग्रता दोब्बर पार्नबाट चुक्यो । ५७औ मिनेटमा रोड्रिगोले गोल गर्दै रियलको अग्रता दोब्बर पारे । डियाजकै क्रसमा बेलिङहमको प्रहारलाई ग्रानडाका गोलरक्षक फर्नान्डेजले पञ्च गरेपनि नजिकै रहेका रोड्रिगोले रिवाउन्डमा गोल गर्न सफल भए ।
७४औं मिनेटमा बेलिङहमको पासमा फेडे भाल्भेर्डेको प्रहारलाई गोलरक्षकले बचाए । ९०औं मिनेटमा निकोलस पाजको हाफ भली प्रहारले पोस्टको दिशा लिन सकेन । इन्ज्युरी समयको थप गरिएको तेस्रो मिनेटमा पाजकै हाफ भली प्रहार पनि सदुपयोग हुन सकेन ।
यस जितसँगै रियल शीर्षस्थानमा कायम छ । रियलले जिरोनालाई हेड टु हेड र गोल अन्तरमा पछि पारेको छ । रियलको १५ खेलबाट १२ जित, २ बराबरी र १ हारका साथ ३८ अंक छ । जिरोनाको पनि समान खेलबाटै समान अंक छ । पराजित ग्रानडा १५ खेलबाट ७ अंक जोडेर १९औं स्थानमा छ ।
जिरोनाले शनिबार राति नै भ्यालेन्सियालाई २–१ ले पराजित गर्दै यो सिजन आफ्नो उच्च प्रदर्शनलाई निरन्तरता दिएका छन् । जिरोनाको जितमा दुवै गोल क्रिष्टिएन स्टुआनीले गरे । भ्यालेन्सियाका ह्युगो डुरोले एक गोल फर्काए । पराजित भ्यालेन्सिया १५ खेलबाट १९ अंक जोडेर नवौं स्थानमा छ ।
ला लिगाकै अन्य खेलमा एथलेटिको बिल्वाओले रायो भालेकानोलाई ४–० ले पराजित गर्दा ओसासुना र रियल सोसिडाडले १–१ गोलको बराबरी खेल्दै अंक बाँडेका छन् ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]