दिपक बोहरा ,पाँचथर

झापाको बिर्तामोड युनाइटेड कठिन जित निकाल्दै पाँचथरमा जारी प्रथम किराँत गोल्डकपको सेमिफाइनलमा प्रवेश गरेको छ ।

फिदिम माविको खेलमैदानमा आइतबार इलामको रेडहर्स क्लबलाई १-० ले बिर्तामोड सेमिफाइनलमा पुगेको हो । श्याम मुर्मुको गोलमा बिर्तामोड विजयी भएको थियो ।

बिर्तामोड युनाइटेडले अनुभवी खेलाडी योगेश गुरुङ र ‘बि’डिभिजन खेलेका युवा खेलाडी सम्मिलित टोली उतारेको थियो ।

खेलको २२ औं मिनेटमा मुर्मुले गरेको गोलनै झापालाई जित दिलायो । खेलको ३० औं मिनेटमा बिर्तामोडका प्रदिप बुढाथोकिले वान भर्सज वानको स्थितमा गोल गर्न चुके ।

दोस्रो हाफमा इलामले लगातार आक्रमण बुने पनि गोल गर्न नसक्दा टोली निराश बन्यो । इलामले दोस्रो हाफमा लगातार गोल गर्ने अवशर गुमाएको थियो । खेलको ८४ औं मिनेटमा बिर्तामोडका योगेशको प्रहार इलामका गोलरक्षकले मुस्किलले बचाए ।

बिर्तामोडले फाइनल प्रबेशका लागी कणर्सिं सोनाम स्मृति क्लब र हिमालय शेर्पाबीचको विजेता सँग खेल्नेछ ।
विजयी गोल गरेका झापाको मुर्मु खेलको म्यान अफ दि म्याचे घोषित भए र उनले ५ हजार रुपैयाँ प्राप्त गरे ।
प्रतियोगिततको विजेताले ४ लाख ४ हजार ४ सय ४४ रुपैयाँ र दोस्रो टोलीले २ लाख २ हजार २ सय २२ रुपैयाँ प्राप्त गर्नेछन् ।

किराँत गोल्डकपमा सोमबारको खेल
डागीहाट फुटबल क्लब,मोरङ र दार्जिलिङ युनाइटेट क्लब,भारत
समय – दिउँसो १ः३० बजे