8 months ago
December 4, 2023
दिपक बोहरा ,पाँचथर
मोरङको डाँगीहाट फुटबल क्लब पाँचथरमा जारी प्रथम किराँत गोल्डकप प्रतियोगिताको सेमिफाइनलमा प्रवेश गरेको छ।
दार्जिलिङ युनाइटेट फुटबल क्लबलाई सोमबार ६-३ ले हराउँदै डाँगीहाट अन्तिम चारमा पुगेको हो । डाँगीहाटको जितमा सुजन धिमाल र अभिषेक लिम्बुले समान २ तथा उमेश राई, अरुण लिम्बु समान १ गोल गरे। दार्जिलिङका लागि रोहित थापा, आशिष राई र गणेश लिम्बुले समान १ गोल गरे ।
फिदिम माविको खेलमैदानमा भएको खेलमा डाँगीहाटले सुरुआतदेखि नै दबाब बनाएको थियो। खेलको आठौं मिनेटमा अरुण लिम्बुको पासमा उमेश राईले सहजै गोल गर्दै डाँगीहाटलाई अग्रता दिलाए।
३९ औं मिनेटमा सुजनले गोल गरेर अग्रता दोब्बर बनाएका थिए। सुजनले खेलमैदानको मध्यभागबाट अघि बढाउँदै सुन्दर गोल गरेका थिए । पहिलो हाफको इन्जुरी समयमा मोरङका अरुणले गोल गरे । उमेशको प्रहार पोष्टमा लागेर रिबाउन्ड हुँदा अरुणले गोल गरेका थिए ।
खेलको ४७ औं मिनेटमा सुजनले व्यक्तिगत दोस्रो र टोलीका लागि चौथो गोल गरे । ५१ औं मिनेटमा अभिषेकले मोरङको लागि पाँचौ गोल गरे ।
५३ औं मिनेटमा रोहितले गोल गर्दै दार्जिलिङ खेलमा फकाउने प्रयास गरे । ५७ औं मिनेटमा दार्जिलिङ आशिषले गोल गरे । ६१ औं मिनेटमा मोरङका अभिषेकले गोल गर्दै अग्रता बढाए । ७४ औं मिनेट दार्जिलिङका गणेशले गोल गरे ।
‘नयाँ मैदान भए पनि खेलाडीले उत्कृष्ट खेले। फरवार्डको प्रदर्शन अझ उत्कृष्ट हुँदा फराकिलो अन्तरले जित सम्भव भयो ,’ मोरङका प्रशिक्षक राज लिम्बुले भने।
दार्जिलिङका प्रशिक्षक राजु थापा खेलाडीले सोचे अनुसार खेल्न नसकेको बताए। ‘ खेलमैदान कडा हुनु र पहिलो रोजाईका खेलाडी आजको खेलमा सोचेजस्तो खेल्न सकेनन्,’ उनले भने।
म्यान अफ दी म्याच मोरङका अभिषेक लिम्बुले ५ हजार रुपैयाँ प्राप्त गरे। जितसँगै मोरङले सेमिफाइनलमा आयोजक पाँचथर फुटबल क्लब सँगको भेट पक्का गर्यो।
प्रतियोगिततको विजेताले ४ लाख ४ हजार ४ सय ४४ रुपैयाँ र दोस्रो टोलीले २ लाख हजार २ सय २२ रुपैयाँ प्राप्त गर्नेछ ।
किराँत गोल्डकपमा मंगलबारको खेल
कणर्सिं सोनाम स्मिृति क्लब, ताप्लेजुङ विरुद्ध हिमालयन शेर्पा क्लब, काठमाण्डौं
समय – दिउँसो १ः ३० बजे
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]