default_image

3 months ago

December 4, 2023

झापा र काठमाडौंले अंक बाँडे

काठमाडौं (हाम्रो खेलकुद) – नेपाल सुपर लिग २ अन्तर्गत सोमबार भएको खेलमा काठमाडौं रेजर्स फुटबल क्लब र झापा फुटबल क्लबले गोलरहित बराबरी खेल्दै अंक बाँडेका छन् । यस बराबरीले काठमाडौंको ३ खेलमा ५ अंक भएको छ । शीर्षस्थानको धनगढीको ७ तथा ललितपुर र पोखराको समान ५-५ अंक छ । झापा २ अंकसहित आठौं स्थानमा छ […]

540 views

0 Bookmark

काठमाडौं (हाम्रो खेलकुद) – नेपाल सुपर लिग २ अन्तर्गत सोमबार भएको खेलमा काठमाडौं रेजर्स फुटबल क्लब र झापा फुटबल क्लबले गोलरहित बराबरी खेल्दै अंक बाँडेका छन् ।

यस बराबरीले काठमाडौंको ३ खेलमा ५ अंक भएको छ । शीर्षस्थानको धनगढीको ७ तथा ललितपुर र पोखराको समान ५-५ अंक छ । झापा २ अंकसहित आठौं स्थानमा छ ।

पाँचौं मिनेटमा काठमाडौंका प्रशान्त अवस्थीको कर्नरमा तोजीदिनोभ कोमिवनको प्रहार पोस्टको माथिबाट बाहिरियो । सातौं मिनेटमा काठमाडौंकै शोखरूखको फ्रिकिक पोस्टको केही माथिबाट बाहिरियो ।

११औं मिनेटमा कोमिवनको क्रस झापा गोलरक्षक स्टेफन कुपिचले फुस्काएपनी कुनै खतरा भने रहेन । १४औं मिनेटमा कुलदीप कार्कीको क्रसमा हिसुब थपलियाके चाहेजस्तो संपर्क बनाउन सकेन र बल सिधै कुपिचको हातमा पुग्यो ।

१६औं मिनेटमा झापाका समिराज ठोकरले दायाँ फ्लान्कमा एकल रन बनाउँदै काठमाडौंका लेफ्ट ब्याक अमित तामाङलाई बिट गरे तर उनको क्रस भने अन्जन राईले क्लियर गरिदिए ।

१७औं मिनेटमा झापाका लक्ष्मण रूचालको कर्नर अमितले गाेललाइनबाट क्लियर गरे । २०औं मिनेटमा झापाका डिफेन्डर योगेश गुरुङको लामो बलले समिराजलाई बक्समा भेटाउन सकेन ।

२३औं मिनेटमा प्रशान्त अवस्थीको क्रस योगेशले क्लियर गरे । २४औं मिनेटमा कोमिवनको बक्सको छेउबाट लिएको प्रहार सुदिप श्रेष्ठले ब्लक गरे ।

२५औं मिनेटमा कोमिवनको कर्नरमा आन्द्रेस नियाले चाहेजस्तो सम्पर्क लगाउन सकेनन् ।

२८औं मिनेटमा प्रदीप लामाको थ्रु-पासमा जोर्गे सान्चेजले पाएको मौकामा उनको प्रहार सिधै अभिषेक बरालको हातमा पुग्यो। अभिषेकले बल फुस्काउन पुगेपनी समिराजले प्रहार गर्ने क्रममा उनलाई फाउल गरे ।

३०औं मिनेटमा शोखरूखको अर्को फ्रिकीकले पनि पोस्टको दिशा लिन सकेन । ३५औं मिनेटमा समिराजको क्रस सिधै अभिषेकको हातमा पुग्यो । ४२औं मिनेटमा नियाको लामो पासले हिसुबलाई भेट्न सकेन ।

४७औं मिनेटमा समिराजको पासमा सान्चेजले राम्रो मौकाको सदुपयोग गर्न सकेनन् । उनले अन्जन राईलाई बिट गरेपनि सोचेजस्तो प्रहार गर्न सकेनन् । ५१औं मिनेटमा कोमिवनको बक्स बाहिरबाट लिएको प्रहार डीफ्लेक्ट भएर बाहिर गयो ।

६०औं मिनेटमा लगातार योगेश गुरुङ र सुमित श्रेष्ठको क्रसले आफ्नो टिममेट भेटाउन सकेन । ६४औं मिनेटमा ओचिलोभको बक्स बाहिरबाट लिएको प्रहार डीफ्लेक्ट भएपछि अभिषेकले राम्रो बचाउ गरेन कर्नरमा लागि फ्यालीदिए । अर्को मिनेटमा पुनः उनकै प्रहार पोस्ट तर्फ जान सकेन ।

६६औं मिनेटमा राजीव लोप्चनको क्रसमा कोमिवनको प्रहार ब्लक हुन पुग्यो । ७१औं मिनेटमा ओचिलोभको फ्रिकिकले पोस्टको दिशा लिन सकेन । ७५औं मिनेटमा सान्चेजले बक्स भित्रबाट बायाँ खुट्टाले गरेको प्रहार पोस्टको निकै टाढा बाट बाहिरियो ।

७६औं मिनेटमा काठमाडौंका गणेश हमालले क्रस नगरी पोस्टमा प्रहार गर्न खोज्दा काठमाडौँले राम्रो मौका गुमाउन पुग्यो । ८०औं मिनेटमा कोमिवनको फ्रिकिक पोस्टको केही माथिबाट बाहिरियो ।

८६औं मिनेटमा झापाका गोलरक्षक कुपिचले एनकेंगुए जुनियरलाई उत्कृष्ट बचाउ गरेर विफल पारे । राजीव लोप्चनको थ्रु-पासमा उनलाई वान भर्सेस वान अवसर सृजना भएको थियो, तर उनलाई कुपिचले गोल लाइन अगाडि आएर विफल पारे ।

मंगलबार हुने खेलमा ललितपुर सिटी फुटबल क्लबले वीरगन्ज युनाइटेडको सामना गर्नेछ । खेल दशरथ रंगशालामा साँझ ५ बजे हुनेछ ।

February 24, 2024

नेपालको टोलीमा एक परिवर्तन

काठमाडौं (हाम्रो खेलकुद) – पश्चिम एशिया फुटबल एसोसिएसन (वाफ) महिला च्याम्पियनसिप अन्तर्गत समूहको अन्तिम खेलमा प्यालेस्टाइनविरुद्ध नेपालले एक परिवर्तन गरेको छ । खेल नेपाली समय अनुसार १०:४५ बजे किंग अब्दुल्लाह स्पोर्ट्स सिटी रिजर्व स्टेडियममा सुरु हुनेछ । प्रशिक्षक राजेन्द्र तामाङले पछिल्लो खेलबाट दिपा शाहीलाई विश्राम दिंदै अनिता केसीलाई सुरुवाती रोजाइमा खेलाएका छन् । आक्रमणमा सावित्रा […]

February 24, 2024

हरमटारीलाई गोर्खाली रनिङ कप फुटबल उपाधि

गोरखा (हाम्रो खेलकुद) – हरमटारी क्लबले आठौं गोर्खाली रनिङ कप फुटबल प्रतियोगिताको उपाधि जितेको छ । हरमटारीले उपाधि जितेको यो तेस्रो पटक हो । यसअघि टोलीले २०७२ र २०७५ मा उपाधि जितेको थियो । चाइनिज धारा फेमेलीलाई शनिबार २–० ले हराउँदै हरमटारीले उपाधि जितेको हो । हरामटारीका लागि फर्गुराम थारु र लक्ष्मण थापाले समान १ […]

February 24, 2024

पाँचथर गोल्डकप – शुक्रराजको ह्याट्रिकमा आयोजकको जित

दिपक बोहोरा, पाँचथर चौथो पाँचथर गोल्डकप प्रतियोगितामा आयोजक पाँचथर क्लबले विजयी सुरुआत गरेको छ । शनिबार उद्घाटन खेलमा सप्तरीको नमोबुद्ध युथ क्लब लाई ३–० गोलले हराउदै पाँचथर सेमिफाइनलमा प्रवेश गरेको छ । स्थानिय खेलाडी मात्र समेटेर टोलीको निर्माण गरेको पाँचथरले नमोबुद्ध माथि जित निकालेको हो । ए डिभिजन र नेपाल सुपर लिग खेलेका अनुभवी खेलाडी […]

Success

Thank you for your time.