default_image

8 months ago

December 5, 2023

ललितपुरको पहिलो हाफमै पुनरागमनसहित अग्रता

613 views

0 Bookmark

काठमाडौं (हाम्रो खेलकुद) – ललितपुर सिटी फुटबल क्लबले नेपाल सुपर लिग २ अन्तर्गत वीरगन्ज युनाइटेड एफसीविरुद्ध जारी खेलको पहिलो हाफमै पुनरागमनसहित अग्रता लिएको छ । पहिलो हाफमा ललितपुर २-१ ले अघि छ ।

दशरथ रंगशालामा वीरगन्जले खेलमा सुरुवाती अग्रता बनाएपनि ललितपुरले लगातार दबाब कायम राख्दै अग्रता लिन सफल भयो । खेलको पहिलो मिनेटदेखि नै वीरगन्जको डिफेन्समाथि आक्रमण बुनेको ललितपुर काउन्टर अट्याकमा गोल खाँदै पछि परेको थियो । तर निरन्तर आक्रमण कायम राख्दै ललितपुरले लगातार दुई गोल थप्यो । जारी सिजन पहिलो हाफमा ३ गोल भएको यो पहिलो अवसर हो ।

तेस्रो मिनेटमा वीरगन्जका सुनिल खड्काको क्रसमा विलियम ओपोकुको हेडर पोस्टको दिशामा गएन । लगत्तै सनिष श्रेष्ठको क्रसमा दिनेश हेन्जनले बक्स भित्रबाट प्रयास गरेको भलीमा चाहेजस्तो सम्पर्क बनाउन सकेनन् ।

पाँचौ मिनेटमा ललितपुरका ओमोलोजा करिमको फ्रिकिक ऐकिन्स बफुरले पोस्तमाथी क्लियर गरिदिए । सोही कर्नरमा अनन्त तामाङको हेडरमा दीप कार्कीले उत्कृष्ट बचाउ गरे ।

१०औं मिनेटमा वीरगन्जले विलियम ओपोकुको गोलमा अग्रता लियो । ओबेड ओसुवुको थ्रु-पास अनन्त तामाङले रोकेपछि ओपोकुले बक्सको छेउ बाट गरेको प्रहारमा ललितपुर गोलरक्षक जेफ्री बाल्टुसले कुनै मौका पाएनन् ।

सुरुवाती गोलको तीन मिनेट पछि नै ललितपुरले खेलमा बराबरी गर्यो । सेसेहाङ आङदेम्बेले मैदानको आफ्नै हाफबाट दिएको लामो पासमा इमोह इजीकीएलले जादजे गुस्टाभोलाई पछि पार्दै वान अन वान अवसरमा दीपलाई छक्याउँदै गोल गरे र खेल बराबरीमा ल्याए ।

१८औं मिनेटमा अनिल महर्जनले लामो दुरीबाट गरेको प्रहारले पोस्टको दिशा लिन सकेन । २४औं मिनेटमा इमोह र निखीलले लगातार दुई अवसर पाएका थिए तर दुवै प्रयासले डिफेन्स पार गर्न सकेन ।

२७औं मिनेटमा ललितपुरले अग्रता लियो । यसपटक भने जादजेले गम्भीर गल्ती गर्न पुगे । उनले दिनेशको पास नियन्त्रणमा लिन खोज्दा पेनाल्टी क्षेत्र बाहिर फुस्काएपछि निखिलले वान भर्सेस वान प्रहार गर्ने अवसर पाएका थिए । उनले बक्सको छेउबाट कमजोर दायाँ खुट्टाले गरेको प्रयासले जालि चुमेको थियो ।

३५औं मिनेटमा दिनेशले बक्सको बायाँ पट्टिबाट गरेको पासमा अनिल महर्जनले बलमा सम्पर्क बनाउन सकेनन् । ३७औं मिनेटमा वीरगन्जका भिषण गुरुङको क्रसमा ओसुवुको हेडर पोस्टको माथि बाट बाहिरियो । इन्ज्युरी समयको पहिलो मिनेटमा करीम ओमोलाजाले झन्डै ३० यार्ड टाढाबाट गरेको शक्तिशाली प्रहार गोलरक्षक दीपले दोस्रो प्रयासमा नियन्त्रण गरे ।

यो खेल जितेमा ललितपुर अंक तालिकाको शीर्ष स्थानमा उक्लनेछ । वीरगन्जलाई भने अंक तालिकाको पुछारबाट माथि आउन जित आवश्यक छ ।

खेलको प्रत्यक्ष प्रसारण यहाँ हेर्नुहोस

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.