default_image

7 months ago

December 6, 2023

आर्सनलको नाटकीय जितमा राइस नायक

577 views

0 Bookmark

एजेन्सी – इंग्लिस प्रिमियर लिग अन्तर्गत मंगलबार राती भएको खेलमा पहिलो स्थानमा रहेको आर्सनलले नाटकीय जित दर्ता गरेको छ । अन्तिम समयमा गोल गर्दै आर्सनलले रोमाञ्चक खेलमा लुटन टाउनमाथि ४-३ को जित हासिल गरेको हो ।

आर्सनल जितमा डेक्लन राइस नायक भने । उनले इन्जुरी समयको सातौं मिनेटमा गोल गर्दै आर्सनलको जित पक्का गरे । यस सिजन रेलिगेसनमा पर्ने आँकलन गरिएको लुटनविरुद्ध आर्सनलले लगातार अग्रता बनाउँदै गुमाउन पुग्यो । तर अन्तिम समयमा राइस नायक बन्न पुगे ।

खेलमा सुरुवाती अग्रता आर्सनलले २०औं मिनेटमा लिएको थियो । बूकायो साकाको पासमा गाब्रिएल मार्टीनेलीले गोल गर्दै खेलमा अग्रता दिलाएका थिए। तर पाँच मिनेट पछि नै लुटनले बराबरी गर्यो ।

अल्फि डौटीको कर्नरमा गाब्रिएलओसोले हेडर गोल गर्दै खेल बराबरीमा ल्याए । पहिलो हाफको अन्त्यतिर आर्सनलले खेलमा पुनः अग्रता लियो । बेन ह्वाइटको क्रसमा गाब्रिएल जिससले हेडर गोल गर्दै खेललाई २-१ को स्थितिमा पुर्याए ।

दोस्रो हाफको चार मिनेटमै लुटन पुनः बराबरी गर्न सफल भयो । डौटीकै कर्नरमा इलाइजाह अडेबायोले हेडर गोल गर्दै खेललाई २-२ को स्थितिमा पुर्याए ।

लुटनले ५७औं मिनेटमा खेलमा अग्रता लियो । एन्ड्रोस् टाउनस्एन्डको पासमा रस बार्कलिले गोल गर्दै खेलमा घरेलु टोलीलाई अग्रता दिलाए ।

तर फेरि पनि खेल बराबरीमा आउन धेरै समय लागेन । ६०औं मिनेटमा जिससको पासमा काई हाभर्टजले गोल गर्दै खेललाई ३-३ को स्थितिमा पुर्याए ।

त्यसपछि खेलमा गोल आउन चाहिँ अन्तिम समय कुर्नुपर्याे । मार्टिन ओडेगार्डको क्रसमा राइसले हेडर मार्फत गोल गर्दै खेलमा आर्सनललाई जित दिलाए ।

जितपछि आर्सनलको १५ खेलमा ३६ अंक भएको छ । दोस्रो स्थानमा रहेकाे लिभरपुलको १४ खेलमा ३१ अंक छ भने म्यानचेस्टर सिटीको १५ खेलमा ३० अंक छ ।

लिगको अर्को खेलमा वल्भ्सले बर्नलीलाई १-० ले पराजित गर्यो । दक्षिण कोरियाली फरवार्ड ह्वाङ हि चानले गरेको गोल नै खेलमा निर्णायक बन्यो ।

प्रिमियर लिगमा आज राती ६ खेल हुँदैछन् ।

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

July 17, 2024

‘द ब्यूटीफुल गेम’ भित्रका कुरुप शब्दहरु

सन्जोग चाम्लिङ राई गुगलमा ‘द ब्यूटीफुल गेम’ टाइप गरी खोज्नु भयो भने त्यसले फुटबलसँग सम्बन्धित विभिन्न लेख र चित्रतर्फ तपाईंलाई डोर्याउँछ । यही नाम गरेको फिल्म पनि नेटफ्लिक्समा पाईन्छ, जसको विषय फुटबल नै हो । फुटबललाई ‘द ब्यूटीफुल गेम’ भनेर नै विश्वभर भन्ने गरे पछि गुगलले त भन्ने नै भयो । यो बुझाईमा विश्वव्यापी सहमति […]

July 16, 2024

मनाङ मर्स्याङ्दी र मछिन्द्रको विजयी सुरुवात

काठमाडौं (हाम्रो खेलकुद) – ललित स्मृति यु-१८ लिगमा मनाङ मर्स्याङ्दी क्लब र मछिन्द्र फुटबल क्लबले विजयी सुरुवात गरेका छन् । मंगलबार भएको दिनको पहिलो खेलमा मनाङ मर्स्याङ्दीले संकटा क्लब विरुद्ध १-० को जित हात पारेको हो । मनाङ मर्स्याङ्दीका लागि विशाल चन्दले ४०औं मिनेटमा एकमात्र गोल गरे । दिनको दोस्रो खेलमा मछिन्द्रले त्रिभुवन आर्मीका क्लबलाई […]

Success

Thank you for your time.