8 months ago
December 7, 2023
दिपक बोहरा , पाँचथर
झापाको बिर्तामोड युनाइटेट क्लब पाँचथरमा जारी किराँत गोल्डकप फुटबल प्रतियोगिताको उपाधि नजिक पुगेको छ।
फिदिम माविको खेलमैदानमा बिहिबार ताप्लेजुङको कर्ण सिंह सोनाम स्मृति क्लबलाई २-१ ले पराजित गर्दै बिर्तामोड फाइनल पुगेको हो।
१-० ले पछि परेको खेल उल्टाउँदै बिर्तामोड फाइनल पुगेको हो । बिर्तामोडले शनिबार उपाधिका लागि डाँगीहाटसँग प्रतिस्पर्धा गर्ने छ ।
सुरुवाती अग्रता जोगाउन नसक्दा कर्ण सिंह निराश बन्यो । बिर्तामोड विरुद्ध आक्रामक रूपमा प्रस्तुत भएको टोलीले खेलको आठौं मिनेटमा अग्रता लिएको थियो । रक्षापङ्तीको कमजोरीको फाइदा उठाउँदै दिपेश लिम्बुले गोल गरेका थिए ।
३० औं मिनेटमा बिर्तामोडले पेनाल्टी मार्फत गोल गर्दै खेलमा बराबरी गर्यो । ताप्लेजुङका डिफ्रेन्डले बल क्लियर गर्ने क्रममा ह्यान्ड भएपछि बिर्तामोडले पेलान्टी पाएको थियो । पेलान्टीमा रोमन भुजेलले गोल गरे ।
पहिलो हाफको इन्जुरी समयमा प्रदिप बुढाथोकीले गोल गरेपछि खेलमा बिर्तामोडले अग्रता लिएको थियो। योगेश गुरुङले मैदानको मध्यभागबाट दिएको पासलाई सदुपयोग गर्दै प्रदीपले गोल गरेका हुन् ।
दोस्रो हाफमा कर्ण सिंहले लगातार आक्रमण गरे पनि बराबरी गोल फर्काउन सकेन । पहिलो हाफको १५ औंमिनेटमा कर्ण सिंहका दिपेशले गोलको अवसर सदुपयोग गर्न सकेनन्। उनी झापाका गोलकिपर सन्दीप लिम्बु सँग वान-भर्सेज-वानको अवस्थामा चुक्दा ताप्लेजुङ निराश बन्न पुग्यो ।
खेलको अन्त्यतिर ताप्लेजुङका मनजित याङदेनको शक्तिशाली प्रहार झापाका गोलरक्षकले मुस्किलले पञ्च गरेका थिए । म्यान अफ दी म्याच झापाका प्रदिप बुढाथोक बने । उनले ५ हजार रुपैयाँ प्राप्त गरे।
मंसिर २३ गते फाइनल हुने प्रतियोगिततको विजेताले ४ लाख ४ हजार ४ सय ४४ र दोस्रो टोलीले २ लाख २ हजार २ सय २२ रुपैयाँ प्राप्त गर्नेछ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]