default_image

4 months ago

December 9, 2023

धनगढी र इलामको रोमान्चक बराबरी

काठमाडौं (हाम्रो खेलकुद) – नेपाल सुपर लिग २ अन्तर्गत शनिबार सम्पन्न पहिलो खेलमा धनगढी फुटबल क्लब र स्पोर्टिङ इलाम डे मेची एफसीले अंक बाँडेका छन् । इलामले पहिलो हाफमा २-० को अग्रता लिएपनि दोस्रो हाफमा त्यसलाई जोगाउन नसक्दा खेल २-२ को बराबरीमा सकियो । धनगढीले पहिलो हाफमा राम्रो प्रदर्शन गरेपनि अन्त्यतिर लगातार दुई गोल खाँदा […]

786 views

0 Bookmark

काठमाडौं (हाम्रो खेलकुद) – नेपाल सुपर लिग २ अन्तर्गत शनिबार सम्पन्न पहिलो खेलमा धनगढी फुटबल क्लब र स्पोर्टिङ इलाम डे मेची एफसीले अंक बाँडेका छन् ।

इलामले पहिलो हाफमा २-० को अग्रता लिएपनि दोस्रो हाफमा त्यसलाई जोगाउन नसक्दा खेल २-२ को बराबरीमा सकियो । धनगढीले पहिलो हाफमा राम्रो प्रदर्शन गरेपनि अन्त्यतिर लगातार दुई गोल खाँदा मध्यान्तरमा २-० ले पछि थियो । दोस्रो हाफको सुरुवात इलामले राम्रो गरेपनि गोल थप्न सकेन । त्यसपछि धनगढीले खेलमा पकड जमाउँदै लगातार दुई गोल गर्यो ।

इलामले खेलमा फर्कने प्रयास गरेपनि सफल हुन सकेन र पहिलो बराबरी खेल्यो । धनगढी भने लगातार दोस्रो खेलमा बराबरीमा रोकिएको हो । धनगढीको ४ खेलमा ८ अंकसाथ शीर्षस्थानमा छ । इलामले भने ५ खेलमा ४ अंक जोडेको छ ।

इलामले रक्षापंक्तिमा दुई जना महत्वपूर्ण खेलाडीको बिना मैदानमा उत्रिएको थियो । डिफेन्डर आशिष गुरुङ तीन पहिलो कार्डका साथ निलम्बनका कारण खेलेका छैनन् भने गोलरक्षक तथा कप्तान विकेश कुथु चोटका कारण मैदान बाहिर थिए ।

इलामका मिडफिल्डर अब्दुलाए बाले चोटका कारण चौथो मिनेटमै मैदान छाडेका थिए । १३औं मिनेटमा धनगढीका आशिष चौधरीको थ्रु-पास विकेश कुथुको अनुपस्थितिमा खेलेका गोलरक्षक समित श्रेष्ठले गोल लाइन अगाडि आएर समाते ।

१४औं मिनेटमा धनगढीका अहमद हिजाजी वान अन वान अवसरमा बिना कुनै सम्पर्क लड्न पुगे । १९औं मिनेटमा हिजाजीको ले- अफमा साइमन लिम्बुको बक्स बाहिरबाट लिएको प्रहार पोस्टको माथिबाट बाहिरियो ।

२२औं मिनेटमा धनगढीका फोडे फोफानाको क्रस इब्राहीम जितेले क्लियर गरे । २३औं मिनेटमा आशिष चौधरीको पासमा रोहन कार्कीले बक्स बाहिर बल नियन्त्रणमा लिएर बक्स भित्र गएर गरेको प्रहार सुमितले राम्रो बचाउ गरे । २५औं मिनेटमा फोफानाको क्रसले आफ्नो सहकर्मी भेटाउन सकेन ।

२९औं मिनेटमा इब्राहीमको फ्रि-किक धनगढी गोलरक्षक मोहम्मद ताहाले पोस्टको माथि फालिदिए । ३०औं मिनेटमा ओमार थिओमको प्रहार ताहाले सहजै समाते । ३४औं मिनेटमा आशिष चौधरीको क्रस विमल पाण्डेले क्लियर गरिदिए । ३७औं मिनेटमा अमाथ एनडवको प्रहारले पनि ताहालाई दुःख दिन सकेन ।

४५औं मिनेटमा भने इलामले खेलमा अग्रता लियो । एनडवको क्रसमा फोडे कामाराले सिक्स यार्ड बक्स भित्र बाट सहजै गोल गर्दै अग्रता दिलाए ।

थपिएको समयको दोस्रो मिनेटमा इलामले अग्रता दोब्बर बनायो । मोहम्मद ताहाले कर्नर किक फुस्काएपछि थिओमले ट्याप इन गर्दै खेलमा अग्रता दोब्बर बनाए ।

४७औं मिनेटमा सुरज बस्नेतको क्रस ताहाले फुस्काएपनी कुनै खतरा रहेन । ४९औं मिनेटमा भरत खवासको प्रहार ताहाले फुस्काएनन् । ५३औं मिनेटमा धनगढीका रन्दीप पौडेलको क्रस समितले पन्च गरिदिए । ५४औं मिनेटमा कमाराले बक्स बाहिरबाट गरेको प्रहार पोस्टको दिशामा गएन ।

५५औं मिनेटमा कमल श्रेष्ठको क्रस आशिष चौधरीको हेडर पासपछि फोडे फोफानाले गरेको प्रहार समितले बचाए । रिबाउन्डमा पनि हिजाजीको प्रहार उनले समाते । त्यसपछि अर्कोतर्फ काउन्टरमा इलाम अर्को गोल गर्नबाट चुक्यो । एनडवको पासमा कमाराको प्रहारमा ताहा पोस्ट भित्र गइसकेका ताहाले आफ्नो खुट्टाले बचाउन पुगे ।

७१औं मिनेटमा रोहन कार्कीको प्रहार पुनः समितले बचाए । ७७औं मिनेटमा धनगढीले खेलमा ओलावाले अफिजलाई मैदान भित्र्यायो र खेलमा पटक पटक गल्ती गरिरहेका ताहालाई पनि टिकेन्द्र थापाले प्रतिस्थापन गरे ।

८३औं मिनेटमा इब्राहिमको फ्रिकिक पोस्टको केही माथिबाट बाहिरियो । त्यसको अर्कोतर्फ सोही मिनेटमा धनगढीले बराबरी गोल गर्यो ।

फोफानाको क्रसमा ओलावालेले आएको मार्कर बिट गर्दै सुन्दर हेडर गोल गर्दै खेल बराबरीमा ल्याए । थपिएको समयको चौथो मिनेटमा ओलावालेले बक्स बाहिरबाट गरेको प्रहार समितले सहजै समाते ।

खेलको अन्तिम समयमा धनगढीको विजयी गोलमा क्रसबार बाधक बन्यो । रामचन्द्र वाजीको प्रहार क्रसबारमा लागेर फर्कंदा धनगढी जितबाट बन्चित भएको थियो ।

आज हुने दोस्रो खेलमा काठमाडौं रेजर्स फुटबल क्लब र बुटवल लुम्बिनी फुटबल क्लब खेल्नेछन् । खेल साँझ ५ बजे दशरथ रंगशालामा नै हुनेछ ।

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.