पोखरा (हाम्रो खेलकुद)- आहा! रारा गोल्ड कप २०८० माघ दोस्रो साता सुरु हुने भएको छ ।

आयोजक सहारा क्लबले शुक्रबार प्रेस विज्ञप्ति जारी गर्दै प्रतियोगितामा ए डिभिजनका क्लब, नेपाल सुपर लिगका टिम, विदेशी टिम, मोफसल सहित आयोजक सहारा क्लबको टोलीको सहभागिता रहने जनाएको छ ।

गत वर्ष ए डिभिजन क्लब संकटा क्लबले फाइनलमा भुटनिज युथ स्पोर्ट्स क्लब, अमेरिकालाई हराउँदै उपाधि उचालेको थियो ।

पोखरा रंगशालामा हुने प्रतियोगितालाई हिमश्री फुडस प्रा. लि. को मुख्य प्रायोजन तथा पोखरा महानगरपालिकाको प्रवर्द्धनका साथ सञ्चालन हुने छ ।

राष्ट्रिय खेलकुद परिषद, गण्डकी प्रदेश खेलकुद परिषद, अखिल नेपाल फुटबल संघ, जिल्ला खेलकुद विकास समिति कास्की र प्रदेश फुटबल संघ गण्डकी, कास्की जिल्ला फुटबल संघ,सहारा यु.के.,सहारा हङकङ, सहारा अष्ट्रलिया समेतको विषेश सहयोग रहने आयोजकले जानकारी दिएको छ ।

आयोजकका अनुसार प्रतियोगिताबाट बचत हुने रकम क्लब द्धारा संञ्चालित कठिन परिस्थिति एवम् विपन्नबर्गका बालकहरु सम्मिलित सूर्य बहादुर के.सि. स्मृति सहारा आवासिय फुटबल एकेडेमीमा रहेका बालकहरुको निशुल्क शिक्षादिक्षा, स्वास्थ्य फुटबल प्रशिक्षण लगायत भरणपोषणमा खर्च गरिने छ ।
खेलकुदको विकासमा सहकार्य गरौ, पोखरालाई खेलकुद पर्यटन शहरको रुपमा स्थापित गरौ” भन्ने नाराका साथ फुटबल प्रतियोगिता आयोजना हुनेछ।