default_image

3 months ago

December 9, 2023

डाँगीहाट किराँत गोल्डकप च्याम्पियन

दिपक बोहरा, पाँचथरडाँगीहाट फुटबल क्लब मोरङले बिर्तामोड युनाइटेड झापालाई पराजित गर्दै प्रथम किराँत गोल्डकप फुटबल प्रतियोगिताको उपाधि जितेको छ । फिदिम माविको मैदानमा शनिबार भएको फाइनलमा डाँगीहाट २-१ ले विजयी भयो । उपाधिसँगै डाँगीहाटले ४ लाख ४ हजार ४ सय ४४ रुपैयाँ र बिर्तामोडले भने २ लाख २ हाजर २ सय २२ रुपैयाँ प्राप्त गर्यो। […]

640 views

0 Bookmark

दिपक बोहरा, पाँचथर
डाँगीहाट फुटबल क्लब मोरङले बिर्तामोड युनाइटेड झापालाई पराजित गर्दै प्रथम किराँत गोल्डकप फुटबल प्रतियोगिताको उपाधि जितेको छ ।

फिदिम माविको मैदानमा शनिबार भएको फाइनलमा डाँगीहाट २-१ ले विजयी भयो । उपाधिसँगै डाँगीहाटले ४ लाख ४ हजार ४ सय ४४ रुपैयाँ र बिर्तामोडले भने २ लाख २ हाजर २ सय २२ रुपैयाँ प्राप्त गर्यो।

डाँगीहाटलाई जित दिलाउन सञ्जय धिमाल र उमेश राईले गोल गरे । बिर्तामोडका योगेश गुरुङले गोल गरेका थिए।

सञ्जयले दशौं मिनेटमा मोरङलाई अग्रता दिलाएका थिए । झापाको कमजोर रक्षपङतिको फाइदा उठाउदै सञ्जयले गोल गरेका थिए । पहिलो हाफको इन्जुरी समयमा मोरङका उमेश राईले गोल गर्दै अग्रता दोब्बर पारे । झापाको दुई जना डिफ्रेन्डर लाई छल्दै उमेशले सुन्दर गोल गरेका थिए ।

३५ औं मिनेटमा झापाका प्रदिप बुढाथोकीको प्रहार पोष्टमा लागेर फर्किदा बराबरीको मौका गुमेको थियो । ६७ औं मिनेट झापाका विशाल दर्जिको हेडल बल पुनः पोष्टमा लागेर रिबाउन्ड भएको थियो । बिर्तामोडले ढिला गरि गोल फर्काएको थियो। दोश्रो हाफको इन्जुरी समयमा योगेशले गोल गरे ।

फाइनल खेलमा झापाका प्रदिप बुढाथोकी म्यान अफ द म्याच हुदै ५ हजार रुपैयाँ प्राप्त गरे । मैदान कडा भएको कारण खेलाडी खुलेर खेल्न नसक्दा आफ्नो टिम पराजित हुन परेको बिर्तामोडका प्रशिक्षक राहुल खड्काले बताए । मोरङका प्रशिक्षक राज लिम्बुले टिमको रणनीति सफल हुँदा उपाधि जित्न सफल भएको बताए ।

प्रतियोगिताको व्यक्तिगत बिधा तर्फको पुरस्कारमा पनि डाँगीहाटका खेलाडीहरुको बर्चश्व रहयो । प्रतियागितामा ३ गोल गरेका मोरङका सञ्जय धिमाल उच्च गोल्कर्ता बने र उनले १५ हजार रुपैयाँ प्राप्त गरे ।

प्रतियोगिताको उत्कृष्ट गोलरक्षक मोरङका प्रमिजय गच्छेदार, उत्कृष्ट डिफेन्डर मोरङका मानबाहादुर परियार ,उत्कृष्ट मिडफिल्डर मोरङका उमेश कार्की, उत्कृष्ट प्रशिक्षक मोरङका राज लिम्बु चुनिए । उत्कृष्ट सबैले समान १० हजार रुपैयाँ प्राप्त गरे । प्रतियोगिताको उदयमानी खेलाडी पाँचथर फुटबल क्लबका शुकराज राई चुनिए । उनले पनि १० हजार रुपैयाँ प्राप्त गरे ।

डाँगीहाट फुटबल क्लबका अभिषेक लिम्बु सर्वोत्कृष्ट खेलाडी घोषित भए । उनले २५ हजार रुपैयाँ गरे ।
पाँचथर फुटबल क्लबको‌ आयोजना भएको प्रतियोगितामा ८ टोलीको सहभागिता थियो।

March 3, 2024

इन्टर मियामीको सानदार जित

एजेन्सी – मेजर लिग क्लब टोली इन्टर मियामीले आज बिहान भएको खेलमा सानदार जित निकालेको छ । इन्टर मियामीले अर्को फ्लोरिडाको टोली ओरल्याण्डो सिटी विरुद्ध ५-० को जित निकालेको हो । मियामीको जितमा लुइस सुआरेज र लियोनेल मेस्सीले २-२ गोल गरे । अर्को एक गोल रोबर्ट टेलरले एक गोल गरे । खेलको चौथो मिनेटमा नै […]

March 3, 2024

भिनिसियसको दुई गोलमा रियल हारबाट जोगियो

एजेन्सी – ब्राजिली युवा फरवार्ड भिनिसियस जुनियरको दुई गोल सहयोगमा शीर्षस्थानमा रहेको रियल म्याड्रिड स्पेनिस ला लिगामा हारबाट जोगिएको छ । खेलको अन्त्यतिर १० खेलाडीमा समेटिएको दुई गोलले पछि परेको स्थितिमा भिनिसियसले दुई गोल गर्दा रियलले घरेलु टोली भ्यालेन्सियासँग २–२ गोलको बराबरी खेल्दै अंक खोस्न सफल भएको हो । भ्यालेन्सियामा शनिबार राति भएको खेलमा घरेलु […]

March 3, 2024

न्यूक्यासलको सानदार जित, चेल्सी रोकियो

एजेन्सी – इंग्लिस प्रिमियर लिगमा न्यूक्यासल युनाइटेडले सानदार जित दर्ता गर्दा लन्डन क्लब चेल्सी बराबरीमा रोकिएको छ ।न्यूक्यासलले घरेलु मैदानमा वल्भ्समाथि ३–० को जित दर्ता गरेको हो । सेन्ट जेम्स पार्कमा शनिबार राति भएको खेलमा घरेलु टोलीको जितमा एलेक्सान्डर इसाक, एन्थोनी गोर्डन र भालेन्टिनो लिब्रामेन्टोले गोल गरे । १४औं मिनेटमा इसाकको गोलबाट अग्रता लिएको न्यूक्यासलले […]

Success

Thank you for your time.