2 years ago
December 12, 2023
काठमाडौं (हाम्रो खेलकुद) – नेपाल सुपर लिगको दोस्रो संस्करण अन्तर्गत आजको एक मात्र खेलमा बुटवल लुम्बिनी फुटबल क्लब र झापा फुटबल क्लब भिड्दैछन् । खेल साँझ ५ बजे दशरथ रंगशालामा हुनेछ ।
बुटवल लुम्बिनीले पहिलो दुई खेलमा हार बेहोर्दै खराब सुरुवात गरेपनि त्यसयता राम्रो लय समातेको छ । उसले आफ्नो पछिल्ला तीन मध्ये दुई जितेको छ र सात अंकसहित तालिकाको पाँचौं स्थानमा छ ।
बुटवलले सिजनको पहिलो खेलमा ललितपुरसँग पूरै हावी हुँदा दोस्रो खेलमा धनगढीविरुद्ध इन्ज्युरी टाइममा हार बेहोरेको थियो । अर्को खेलमा एरिक बिष्टको विशेष गोलले बुटवललाई पहिलो जित दिलायो। बुटवलले एफसी चितवनविरुद्धको खेलमा इन्ज्युरी समयमा बराबरी गर्दै एक अंक हासिल गर्यो ।
बुटवलले पछिल्लो खेलमा डिफेन्डिङ च्याम्पियन काठमाडौं रेजर्सलाई पहिलो हार चखाएको थियो । कप्तान एरिक विष्ट राम्रो लयमा देखिएका छन् भने फरवार्ड स्टेफन बिनोङले पनि अहिलेसम्म तीन गोल गरिसकेका छन् । फरवार्ड जिलेस्पी जंग कार्की विंगरको भूमिकामा प्रभावशाली देखिएका छन् ।
अर्कोतर्फ झापा एफसी जितबिहिन छ । झापाले हिलो खेलमा हार बेहोरेको थियो भने त्यसपछि लगातार तीन खेल बराबरी खेलेको छ । झापाले गोल गर्न नै संघर्ष गरिरहेको छ भने स्ट्राइकर जोर्गे सान्चेजले खेलमा प्रभाब छैनन् ।
विशेष गरी लकेन लिम्बुले चोटका कारण कुनै खेल नखेल्ने पक्कापक्कि नै भैसकेको छ । उता मार्की खेलाडी अञ्जन विष्ट आज टोलीमा फर्किने अपेक्षा गरिएको छ । चोटका कारण उनले पछिल्ला दुई खेल गुमाएका थिए ।
झापाका लागि आज राष्ट्रिय टोलीका डिफेन्डर योगेश गुरुङ टोलीमा हुने छैनन् । वीरगन्ज विरुद्ध खेलमा रातो कार्ड पाएका उनी आज बाहिर रहनेछन् । पछिल्लो खेल गुमाएका प्रदीप लामा भने टोलीमा फर्कनेछन् ।
एनएसएलको अंक तालिका, खेल तालिका लगायत सम्पूर्ण तथ्यांक र जानकारी
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
