default_image

2 months ago

December 12, 2023

मेस्सी र रोनाल्डो आमने–सामने हुने

एजेन्सी – अमेरिकी मेजर लिग सकर क्लब इन्टर मियामीले प्रि–सिजन साउदी अरेबिया भ्रमणको पुष्टि गरेसँगै दुई महान हस्ती लियोनेल मेस्सी र क्रिष्टियानो रोनाल्डो झन्डै एक वर्षपछि आमने–सामने हुने भएका छन् । प्रि सिजनमा मेस्सीको कप्तानीमा रहेको इन्टर मियामीले साउदीका दुई क्लबसँग राउन्ड रोविन लिगको आधारमा रियाद सिजन कप खेल्ने पुष्टि गरेसँगै मेस्सी र रोनाल्डोबीच प्रतिस्पर्धा […]

1243 views

0 Bookmark

एजेन्सी – अमेरिकी मेजर लिग सकर क्लब इन्टर मियामीले प्रि–सिजन साउदी अरेबिया भ्रमणको पुष्टि गरेसँगै दुई महान हस्ती लियोनेल मेस्सी र क्रिष्टियानो रोनाल्डो झन्डै एक वर्षपछि आमने–सामने हुने भएका छन् ।

प्रि सिजनमा मेस्सीको कप्तानीमा रहेको इन्टर मियामीले साउदीका दुई क्लबसँग राउन्ड रोविन लिगको आधारमा रियाद सिजन कप खेल्ने पुष्टि गरेसँगै मेस्सी र रोनाल्डोबीच प्रतिस्पर्धा हुने पक्का भएको हो ।

रियाद सिजन कप आगामी २९ जनवरी र १ फेब्रुअरीमा हुनेछ । यो दुवै खेल किङडम एरिना स्टेडियम रियादमा हुनेछ ।मियामीले २९ जनवरीमा साउदी प्रो लिगको शीर्षस्थानमा रहेको अल हिलालसँग खेल्नेछ । यो टोलीमा ब्राजिली स्टार नेयमार रहेपनि उनी चोटका कारण यस खेलमा उपस्थित हुनेछैनन् ।

त्यसपछि मियामीले १ फेब्रुअरीमा रोनाल्डोको कप्तानीमा रहेको अल नासरसँग खेल्नेछ । यो टोलीमा रोनाल्डोसँगै साडियो माने, एमेरिक लापोर्टा, एन्डरसन टालिस्का, मार्सेलो ब्रोजोभिच, सेको फोफाना र डेभिड ओस्पिना रहेका छन् ।

रोनाल्डो र मेस्सीको अन्तिम भेट पनि गत जनवरी १९, २०२३ मा मैत्रीपूर्ण खेलमा भएको थियो । त्यहा मेस्सीको पेरिस सेन्ट जर्मेन (पिएसजी) ले रोनाल्डोको रियाद अल–स्टार्स इलेवनसँग खेलेको थियो ।

इंग्लिस म्यानचेस्टर युनाइटेडबाट बाहिरिएपछि रोनाल्डोको साउदी अरबमा यो पहिलो खेल थियो, जसमा पिएसजी ५–४ ले विजयी हुँदा दुवै खेलाडीले गोल गरेका थिए ।

पिएसजी छाडेपछि मेस्सीलाई साउदी लिगमा खेल्ने प्रस्ताव प्राप्त गरेपनि उनले मियामीसँग सम्झौता गरे । जहाँ उनले टोलीलाई लिग कपमा ट्रफी जिताउन नेतृत्व गरे ।

आफ्नो ऐतिहासिक करिअरमा मेस्सी र रोनाल्डो ३५ पटक आमने–सामने भएका छन् । जसमा मेस्सीले १६ पटक रोनाल्डोको १० पटक जितेका छन् । ९ बराबरी भएको छ ।

मेस्सीले २१ गोल र १२ असिस्ट दिदा रोनाल्डोले २० गोल र एक असिस्ट दिएका छन् । मेस्सी र रोनाल्डोबीचको पहिलो खेल सन् २००८ मा युइएफए च्याम्पियन्स लिगमा भएको थियो । त्यसबेला रोनाल्डो म्यानचेस्टर युनाइटेडमा तथा मेस्सी बार्सिलोनामा रहेका थिए ।

इन्टर मियामीका प्रमुख व्यापार अधिकारी जेभियर एसेन्सीले यो प्रशंसकहरूसँग दिगो सम्बन्ध सिर्जना गर्ने अर्को ठूलो अवसर रहेको र साउदी अरेबियामा नयाँ समर्थकहरूसँग जोडिन पाउँदा उत्साहित रहने बताएका छन् । उनले विश्वभरका मानिसहरू पनि यस्तै सपनाको खेलहरू हेर्नक उत्सुक भइरहने बताएका छन् ।

यो इन्टर मियामीको पहिलो अन्तर्राष्ट्रिय भ्रमण हो, त्यसपछि मियामी एल साल्भाडोर र हङकङमा प्रि सिजन भ्रमण गर्नेछ । मियामीले फेब्रुअरी ४ मा चिनिया सुपर लिगको विजेतासँग खेल्नेछ । टोली त्यसपछि नयाँ सिजनको एमएलएसको लागि अमेरिका फर्किनेछ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.