default_image

3 months ago

December 13, 2023

विवादास्पद खेलमा वीरगन्जको पहिलो जित

काठमाडौं (हाम्रो खेलकुद) – इन्ज्युरी समयको आठौं मिनेटमा गरेको विवादास्पद पेनाल्टी गोलमा वीरगन्ज युनाइटेड फुटबल क्लबले नेपाल सुपर लिगमा पहिलो जित दर्ता गरेको छ । दशरथ रंगशालामा इलामले सुरुवाती अग्रता लिएपनि वीरगन्जले पुनरागमन गर्दै २-१ को जित दर्ता गरेको हो । आशिष चापागाईले इलामलाई अग्रता दिलाएका थिए । वीरगन्जले भिषण गुरुङको गोलमा बराबरी गरेको थियो […]

1670 views

0 Bookmark

काठमाडौं (हाम्रो खेलकुद) – इन्ज्युरी समयको आठौं मिनेटमा गरेको विवादास्पद पेनाल्टी गोलमा वीरगन्ज युनाइटेड फुटबल क्लबले नेपाल सुपर लिगमा पहिलो जित दर्ता गरेको छ ।

दशरथ रंगशालामा इलामले सुरुवाती अग्रता लिएपनि वीरगन्जले पुनरागमन गर्दै २-१ को जित दर्ता गरेको हो । आशिष चापागाईले इलामलाई अग्रता दिलाएका थिए । वीरगन्जले भिषण गुरुङको गोलमा बराबरी गरेको थियो भने विलियम ओपोकुको पेनाल्टीमा जित पक्का गर्यो ।

खेलको पहिलो मौका भने पहिलो मिनेटमा नै वीरगन्जले बनाएको थियो । भिषण गुरुङले भरत खवासको खुट्टाबाट बल चोरेर दिएको पासमा विलियम ओपोकुले बक्स भित्रबाट पोस्टको माथि प्रहार गरे ।

त्यसपछि केहीबेर खेलमा मौकाहरु बनेनन् । तर १५औं मिनेटमा भने इलामले खेलमा अग्रता लियो । बक्सको बायाँपट्टिबाट आएको पासलाई नियन्त्रणमा लिएर आशिष चापागाईंले जालिको माथिल्लो भागमा प्रहार गर्दै इलामलाई अग्रता दिलाए ।

१८औं मिनेटमा इलामकै इब्राहीम जितेको पासमा फोडे कमाराले पनि पोस्टमा प्रहार गर्न सकेनन् । २०औं मिनेटमा सुरज बस्नेतको क्रसमा ओमार थिओमको एक्रोब्याटिक प्रहार पनि पोस्टको माथिबाट बाहिरिन पुग्यो ।

२१औं मिनेटमा इलाम गोलरक्षक विकेश रातो कार्ड पाउनबाट बचे । बक्स बाहिर आएर बललाई हातले छोएपनी रेफ्रीले कार्ड दिएनन् । अर्को मिनेटमा ओपोकुको कर्नरमा आईकिन्स बाफुरको प्रहार सुरज बस्नेतले गोल लाइन बाट क्लियर गरे ।

३३औं मिनेटमा वीरगन्जले बराबरी गोल गर्यो । सुशील लामाले बक्स बाहिरबाट खेलेको क्रसमा भिषणले रन बनाउँदै खाली रहेको अवस्थामा विकेशको खुट्टा मुनिबाट गोल गर्दै खेल बराबरीमा ल्याए ।

३४ औं मिनेटमा इलामका अमाथ एनडअ रेफ्रीको खराब निर्णयबाट भाग्यमानी सावित भए । उनले मिडफिल्डमा सुदीप गुरुङविरुद्ध दुवै खुट्टा उचालेर गरेको ट्याकलमा बल नभेटेपनि रेफ्री कविन ब्यन्जनकारले पहेंलो कार्ड मात्र देखाए ।

३७औं मिनेटमा दिपेन्क राज ठकुरीले बक्स बाहिरबाट गरेको प्रहार विकेशले सहजै समाते । इन्ज्युरी समयमा अमाथ एनडअको पेनाल्टी क्षेत्र बाहिरको प्रहार पोस्टभन्दा थोरै परबाट बाहिरियो ।

७१ औं मिनेटममा वीरगन्जले अग्रता लिने सुवर अवसर खेर फाल्यो । तेज तामाङको क्रसमा कृपा कान्त महतो बलसम्म पुग्न नसक्दा भिषणको प्रहार बाहिरियो । त्यसपछि दिपेन्कको क्रसमा ओपोकुको प्रहार थोरैले बाहिरियो ।

८५ औं मिनेटमा आशिष चापागाईको प्रहारले पोस्टको दिशा लिन सकेन ।

इन्ज्युरी समयको छैटौं मिनेटमा वीरगन्जले विवादास्पद पेनाल्टी पायो । रेफ्री ब्यन्जनकारले पेनाल्टी दिएपछि इलामका खेलाडी रुष्ट बनेका थिए । प्राप्त पेनाल्टीमा विलियमले गोल गर्दै जित पक्का गरे ।

वीरगन्जको यस जितसँगै ५ खेलमा ५ अंक छ । इलामको ६ खेलमा ४ अंक छ ।

February 28, 2024

प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् । लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले […]

February 28, 2024

साम्बाले फाइनल खेल्ने अन्यौलमा!

काठमाडौं (हाम्रो खेलकुद) – नेपाली महिला राष्ट्रिय टोलीले वाफ च्याम्पियनसिप २०२४ को फाइनलमा स्थान बनाउँदा स्टार फरवार्ड सावित्रा भण्डारी साम्बाले खेल्ने-नखेल्ने अन्यौल रहेको छ । नेपालले मंगलबार सम्पन्न सेमिफाइनलमा लेवनानलाई २-१ ले पराजित गर्दै फाइनलमा स्थान बनाएको हो । उक्त खेलमा नेपालका लागि बराबरी गोल समेत गरेकी साम्बा फाइनलमा भने अनुपस्थित रहने सम्भावना छ । […]

February 28, 2024

अन्तिम समयमा प्रितीको गोलसँगै नेपाल फाइनलमा

काठमाडौं (हाम्रो खेलकुद) – इन्ज्युरी समयमा प्रिती राईले उत्कृष्ट गोलसँगै नेपाल लेबनान विरुद्ध पुनरागमन जित दर्ता गर्दै पश्चिम एसियाली फुटबल एसोसिएसन (वाफ) महिला च्याम्पियनसिपको फाइनल प्रवेश गरेको छ । साउदी अरेबियामा जारी प्रतियोगितामा मंगलबार पहिलो हाफमा १-० ले पछि परेको अवस्था उल्ट्याउँदै नेपालले प्रितीको गोलमा २-१ को नाटकीय जित दर्ता गरेको हो । खेल १-१ […]

Success

Thank you for your time.