एजेन्सी – स्पेनिश ला लिगा अन्तर्गत आइतबार राति भएको खेलमा बार्सिलोनाले ऐबारलाई ४-०को फराकिलो अन्तरले पराजित गरेको छ।

डेनिस सुआरेजको पहिलो हाफको गोलले अग्रता लिएको बार्साले दोश्रो हाफमा तिन गोल थप्यो। बार्साका लागि तिनै स्टार फरवार्ड लिओनेल मेस्सी, लुइस सुआरेज र नेयमारले गोल गरेका थिए।

जितसंगै १९ खेलमा ४१ अंक जोडेको बार्सा लिग तालिकाको तेश्रो स्थानमा रहेको छ। सेभिल्ला ४२ अंक लिएर दोश्रो स्थानमा छ भने एक खेल कम खेलेको रियल म्याड्रिड ४३ अंकसहित शिर्ष स्थानमा रहेको छ।