2 years ago
December 15, 2023
काठमाडौं (हाम्रो खेलकुद) – नेपाल सुपर लिग २ अन्तर्गत झापा फुटबल क्लब र ललितपुर सिटी फुटबल क्लबबीच पहिलो हाफ गोलरहित बराबरीमा सकिएको छ ।
प्रतिस्पर्धात्मक खेलमा दुवै टोली स्पष्ट अवसर सिर्जना गर्न सकेका छैनन् । ललितपुरका दिनेश हेन्जनले खेलको सुरुवाती समयमा गरेको प्रहार क्रसबारमा लाग्दा खेल गोलरहित रहेको थियो ।
दुवै टोलीले आजको सुरुवाती ११ मा कुनै परिवर्तन गरेका छैनन् । झापाका नियमित डिफेन्डर योगेश गुरुङ एक खेलको निलम्बन पछि टोलीमा फर्किएपनि प्रशिक्षक ओरीओल सेगुराले पछिल्लो खेलमा राम्रो प्रदर्शन गरेका विशाल बस्नेतलाई नै निरन्तरता दिएका छन् ।
चौथो मिनेटमा ललितपुर सिटी एफसी अग्रता लिनबाट थोरैले मात्र चुक्यो । दिनेश हेन्जनले बक्स बाहिरबाट गरेको प्रहार क्रसबारमा लागेपछि झापा पछि पर्नबाट बच्न सफल भयो ।
सातौं मिनेटमा अन्जन विष्टको पासमा आवास लामिछानेले बक्स बाहिरबाट लिएको प्रहारमा उनले सोचेजस्तो सम्पर्ण बनाउन सकेनन् ।
१३औं मिनेटमा मिडफिल्डमा विवेक पौडेलले बल नियन्त्रणमा लिन नसकेपछि झापाका सुमित श्रेष्ठले मौकाको फाइदा उठाएर अन्जन विष्टले लागि खेलेको पासमा ललितपुरका फ्रेन्च गोलरक्षक जेफ्री बाल्टुस लाइन अगाडि आएर बल समाते ।
२३औं मिनेटमा अन्जन विष्टका लागि वान अन वान अवसर सिर्जना हुँदा अन्तिम समयमा सनीश श्रेष्ठको ट्याकलले झापा अग्रता बनाउनबाट चुक्यो ।
३७औं मिनेटमा ललितपुरका निखिल कदमको क्रसमा इमोह इजीकिएलको हेडरले पोस्टको दिशा लिन सकेन ।
४५औं मिनेटमा अनन्त तामाङको गल्ती पछि बाल्टुसले ललितपुरको बचाउ गरे । छिरिङ गुरुङको क्रस क्लियर गर्ने क्रममा राम्रो सम्पर्क नबनाएर अनन्त चिप्लिएपछि जोर्जगे सान्चेजका लागि अवसर बनेको थियो । तर बाल्टुसले सान्चेजको प्रहार आफ्नो खुट्टाले बचाए ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
