पोखरा (काठमाडौं)– सहारा क्लबको आयोजनामा जारी १५ औं आहा रारा गोल्डकपको अन्तिम क्वार्टरफाइनलमा बुधबार सिएमजी क्लबले यसअघि तय भएको टोलीसँग नभइ बंगलादेशको अर्को क्लब नारायणगज एफसीसँग प्रतिस्पर्धा गर्ने भएको छ ।

यसअघिका लागि तय भएको बंगलादेशको प्राराजगज स्पोर्टिङ क्लबले अन्तिम समयमा प्राविधिक कारणबस प्राराजगन्ज आउन नसक्ने जनाएपछि बंगलादेशको अर्को टोली आउन लागेको सहाराका अध्यक्ष वीरभन्द्र आचार्यले प्रेस विज्ञप्तीमार्फत सोमबार जानकारी दिएका छन् ।

सोमबार काठमाडौं आइपुगेको नारायणगन्ज एफसी टोली रातीनै पोखरा आइपुग्ने बताइएको छ । पूर्व निर्धारित क्लब आउन नसकेको र त्यसबाट पर्न गएको असुविधाका लागि आयोजक क्लबले क्षमा मागेको छ । आयोजक सहारा, लक्ष्मी हुन्डाई मनाङ मस्र्याङ्दी र त्रिभुवन आर्मी क्लब आहा रारा गोल्डकपको सेमिफाइनल पुगिसकेका छन् ।