default_image

2 months ago

December 22, 2023

चितवनको सान्त्वना जित, झापाको प्लेअफ सम्भावनामा धक्का

काठमाडौं (हाम्रो खेलकुद) – फुटबल क्लब चितवनले नेपाल सुपर लिग २ को आफ्नो अन्तिम लिग खेलमा झापा फुटबल क्लबलाई हराएको छ । दशरथ रंगशालामा कप्तान विशाल श्रेष्ठको उत्कृष्ट प्रदर्शन र फरवार्ड रफिक अमिनुको २ गोलको मदतले चितवन २-० ले विजयी भएको हो । प्लेअफ दौडबाट यसअघि नै बाहिरिएको चितवनले झापाको प्लेअफ सम्भावनामा पनि ठूलो धक्का […]

1447 views

0 Bookmark

काठमाडौं (हाम्रो खेलकुद) – फुटबल क्लब चितवनले नेपाल सुपर लिग २ को आफ्नो अन्तिम लिग खेलमा झापा फुटबल क्लबलाई हराएको छ ।

दशरथ रंगशालामा कप्तान विशाल श्रेष्ठको उत्कृष्ट प्रदर्शन र फरवार्ड रफिक अमिनुको २ गोलको मदतले चितवन २-० ले विजयी भएको हो । प्लेअफ दौडबाट यसअघि नै बाहिरिएको चितवनले झापाको प्लेअफ सम्भावनामा पनि ठूलो धक्का दिएको छ ।

चितवन यस जितसँगै ८ खेलमा ९ अंकका साथ पाँचौ स्थानमा उक्लिएको छ । झापा भने ८ खेलमा १० अंकका साथ चौथो स्थानमा छ । झापाको प्लेअफ सम्भावना भने अन्य टोलीको नतिजामा अडिएको छ ।

शनिबार लिग चरणको अन्तिम दिन वीरगन्ज युनाइटेड र बुटवल लुम्बिनी तथा काठमाडौं रेजर्स र ललितपुर सिटी खेल्नेछन् । झापालाई प्लेअफ पुग्न ललितपुरले जित दर्ता गरेर अर्को खेल बराबरीमा टुंगिनु पर्नेछ । बुटवलको जितले पनि सम्भावना भने रहनेछ ।

झापाविरुद्ध खेलको सातौं मिनेटमा चितवनले खेलमा अग्रता लियो । विमल घर्ती मगरको कर्नरमा युसुफ मुबारकको हेडर पश्चात अमिनुले फार पोस्टमा हेडरसहित बललाई जाली चुमाएका थिए ।

१५औं मिनेटमा विमलकै कर्नरमा विक्रम धिमालको हेडर पोस्टको माथिबाट बाहिरियो । १९औं मिनेटमा झापाका समन्दर ओचिलोभले बक्स बाहिरबाट लिएको प्रहार आकासियो ।

२४औं मिनेटमा विशाल बस्नेतको लामो पासमा अन्जनले जोर्गे सान्चेजका लागि खेलेको पासमा उनले बललाई पोस्ट तर्फ प्रहार गर्न सकेनन् । ४४औं मिनेटमा विमलको पासमा उत्सव राईले खेलेको क्रस कुपिचले खुट्टाले क्लियर गरे ।

५५औं मिनेटमा प्रशान्त लक्समको क्रसमा अन्जनले हेडर प्रहार गर्न सकेनन् । ५९औं मिनेटमा अन्जनको बक्स बाहिरबाट लिएको प्रहार पोस्टको माथिबाट बाहिरियो ।

६१औं मिनेटमा सुमित श्रेष्ठको बक्स बाहिरबाट लिएको भली प्रहार पोस्टको केही टाढाबाट बाहिरियो ।

६३औं मिनेटमा ओचिलोभको शक्तिशाली प्रहार विशाल श्रेष्ठले उत्कृष्ट बचाउ गरे । रिबाउन्डमा विशाल बस्नेतले हेडर पोस्टमा हाने तर उनी अफसाइड रहेका थिए ।

७२औं मिनेटमा हरी कार्कीको प्रहारमा पुनः विशाल बाधक बने । ७७औं मिनेटमा चितवनले खेलमा दोस्रो गोल गर्यो । सुमित श्रेष्ठले मिडफिल्डमा बल नियन्त्रणमा लिन नसकेपछि अमिनुको लागि अवसर सिर्जना भयो । उनले मध्यभागबाट बल लिएर बक्स भित्रबाट फिनिश गर्दै खेलमा व्यक्तिगत दोस्रो गोल गरे ।

८१औं मिनेटमा झापाले पेनाल्टीमा चितवनको अग्रता घटाउने अवसर पायो । छिरिङ गुरुङले अन्जनलाई बक्समा लडाएपछि झापाले पेनाल्टी पायो । तर अन्जनको सो पेनाल्टीमा विशाल श्रेष्ठ बाधक बने । अन्जनलाई पोस्टको दायाँ तर्फ लिएको पेनाल्टी विशाल बचाए ।

८५औं मिनेटमा चितवनका नवयुग श्रेष्ठले राम्रो मौकामा गोल गर्न सकेनन् । किपरलाई मात्र बिट गर्नुपर्ने अवसरमा उनले बललाई पोस्टको थोरै टाढा प्रहार गरे ।

शनिबार दिउँसो १ बजे वीरगन्ज युनाइटेड र बुटवल लुम्बिनीले खेल्नेछन् । साँझ ५ बजे काठमाडौं रेजर्स र ललितपुर सिटी खेल्नेछन् । सबै ४ टोलीको प्लेअफ सम्भावना जीवित छ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.