default_image

2 months ago

December 25, 2023

धनगढी लगातार एनएसएलको फाइनलमा

काठमाडौं (हाम्रो खेलकुद) – पोखरा थन्डर्सलाई‌ टाइब्रेकरमा ४-३ हराउँदै धनगढी एफसी नेपाल सुपर लिग (एनएसएल) को फाइनलमा‌ पुगेको छ । निर्धारित ९० र थप ३० मिनेटमा २-२ को बराबरीपछिको पेनाल्टीमामा धनगढीले बाजी मारेको हो । धनगढी पहिलो संस्करणमा पनि पहिलो क्वालिफायरबाटै फाइनल पुग्न सफल भएको थियो। धनगढी एफसी दोस्रो संस्करणको एनएसएलको फाइनल प्रवेश गर्ने पहिलो […]

2091 views

0 Bookmark

काठमाडौं (हाम्रो खेलकुद) – पोखरा थन्डर्सलाई‌ टाइब्रेकरमा ४-३ हराउँदै धनगढी एफसी नेपाल सुपर लिग (एनएसएल) को फाइनलमा‌ पुगेको छ ।

निर्धारित ९० र थप ३० मिनेटमा २-२ को बराबरीपछिको पेनाल्टीमामा धनगढीले बाजी मारेको हो । धनगढी पहिलो संस्करणमा पनि पहिलो क्वालिफायरबाटै फाइनल पुग्न सफल भएको थियो।

धनगढी एफसी दोस्रो संस्करणको एनएसएलको फाइनल प्रवेश गर्ने पहिलो टोली बनेको छ । लिग तालिकामा दोस्रो स्थानमा रहँदै धनगढीले क्वालिफायरमा पुगेको थियो । पोखरा थन्डर्स शीर्षस्थानमा रहँदै क्वालिफायरमा पुगेको थियो ।

२-१ ले पछि परेको खेलको थप समयको अन्तिम मिनेटमा अहमद हिजाजीले गोल गर्दै धनगढी खेलमा फर्किएको थियो।

पोखराका लागि आयुष घलान र स्टेफन अन्नोरले समान एक गोल गरे । धनगढीका लागि भने कप्तान देवेन्द्र तामाङ र हिजाजीले समान एक गोल गरेका थिए ।

धनगढीले अब शनिबार हुने फाइनल खेलमा उपाधिका लागि खेल्ने छ । पोखराले भने फाइनल प्रवेश गर्ने थप एक अवसर पाउने छ । पोखराले तेस्रो र चौथो भएका काठमाडौं रेजर्स र ललितपुर सिटी एफसी बीचको विजेता विरुद्ध फाइनल प्रवेशका लागि क्वालिफायर २ खेल्नेछ ।

काठमाडौं र ललितपुर बीचको खेल मंगलबार हुनेछ । क्वालिफायर २ बिहीबार हुने छ ।

निर्धारित ९० मिनेटको समयमा दुबै टोलीले १-१ को बराबरी खेलेपछि खेल ३० मिनेटको अतिरिक्त समयमा लम्बिएको थियो । अतिरिक्त समयमा पनि दुवै टोलीले एक एक गोल थपेपछि खेल पेनाल्टी सूटआउटमा गएको थियो।

पहिलो हाफमा पोखराले खेलमा आफ्नो पकड बनाउँदै खेलमा अग्रता लिएको थियो । तर दोस्रो हाफको सुरुवात देखि नै धनगढीले खेलमा लगातार आक्रमण गर्दै बराबरी गोल गर्न सफल भयो । अतिरिक्त समयमा पनि दुबै टोलीबाट एक एक गोल निस्केको थियो।

खेलको तेस्रो मिनेटमा नै पोखराका सुरज जिउ ठकुरीको कर्नर क्लियर भएपश्चात फ्रान्कलिन टाल्लाको हेडर धनगढीका गोलरक्षक मोहमद ताहाले बचाए । त्यसपछि जो आइडुको बक्स बाहिरको प्रहार आफ्नै टिममेटलाई लागेर बाहिरियो ।

पाँचौं मिनेटमा भने पोखराले खेलमा अग्रता लिन सफल भयो । स्टेफन अन्नोरको लामो पासलाई मोसेस ग्याबाले बायाँ फ्लान्कमा भेटाएपछि उनले खेलेको क्रसमा दिपेश आले मगरले पोस्टतर्फ प्रहार गर्न नसकेपनि बललाई आयुषको सामु डिफ्लेक्ट गरिदिए । आयुषले सो बलमा कुनै गल्ती नगरी पोखरालाई अग्रता दिलाए ।

आठौं मिनेटमा पोखराले अग्रता दोब्बर गर्ने अवसर गुमायो । दिनेश राजवंशीको लामो पासमा नरेन्द्र चौधरीको हेडरमा आयुषलाई स्पेसमा रन बनाउने राम्रो अवसर बनेको थियो । उनलाई सो रनमा आयुष चौधरीले रोक्न पुगेपनि उनले दिपेशलाई पास भने खेल्न भ्याए । तर सो पासमा दिपेशको प्रहार ताहाले बचाए ।

१८औं मिनेटमा अन्नोरको पासमा माेसेसको प्रहार पोस्टको दिशामा जान सकेन । २४औं मिनेटमा धनगढीले खेलमा पहिलो स्पष्ट मौका बनायो । अभिषेक गुरुङको क्रसमा अहमद हिजाजीको हेडर गाेललाइनमा नरेन्द्र चौधरीले ब्लक गरे ।

३१औं मिनेटमा जो आइडुको फ्रिकिक ताहाले बचाएर पोस्टमा धकेलिदिए । रिबाउन्डमा माेसेसको प्रहार पनि ताहाले बचाउन सफल भए ।

४७औं मिनेटमा हिजाजीले क्रस गर्न खोज्दा देवेन्द्र तामाङले बल क्लियर गरिदिए । त्यसपछिको कर्नरमा धनगढी बराबरी गर्नको निकाल नजिक आएर चुक्यो ।

कमल श्रेष्ठको कर्नरमा रिचार्ड अग्यमांगले फारपोस्टमा गरेको प्रहार क्रसबारमा लागेर फर्कियो । त्यसपछि ओलावाले अफिजको हेडर पोखरा गोलरक्षक यभ्स प्रिसोले बचाए ।

५४औं मिनेटमा हिजाजीको अर्को प्रहार प्रिसोले उत्कृष्ट बचाउ गरेर कर्नरका लागि फालिदिए । सो कर्नरमा भने धनगढीले बराबरी गोल गर्यो । अभिषेक गुरुङले कमल श्रेष्ठलाई खेलेको छोटो कर्नर पछि उनको क्रसमा देवेन्द्रले हेडर मार्फत गोल गर्दै धनगढीलाई खेलमा फर्काए ।

५५औं मिनेटमा आयुषको पासमा मोसेसको प्रहार ताहाले लाइन अगाडि आएर बचाए । अर्को मिनेटमा फलु डियाग्नेले हिजाजीका लागि खेलेको पास प्रिसोले बक्स बाहिर आएर क्लियर गरे । ६०औं मिनेटमा आशिष चौधरीको क्रसमा हिजाजीको हेडर पोस्टको माथिबाट बाहिरियो ।

७२औं मिनेटमा सुरजको लामो पासमा माेसेसले गरेको कटव्याकमा टाल्लाले खाली रहेको अवस्थामा बललाई पोस्ट तर्फ पठाउन सकेनन् । ७८औं मिनेटमा धनगढीका रामचन्द्र वाजीको भली सिधै प्रिसोको हातमा जान पुग्यो ।

७९औं मिनेटमा प्रिसोले उत्कृष्ट बचाउ गर्दै ओलावालेको प्रहारलाई टारे । ७३औं मिनेटमा अर्कोतर्फ ताहाले उत्कृष्ट बचाउ गर्दै आईडुको हेडरलाई विफल पारे । त्यसपछिको निर्धारित समयमा भने कुनै गोल हुन सकेन र खेल अतिरिक्त समयमा धकेलियो ।

अतिरिक्त समयको १३औं मिनेटमा पोखराले विजयी गोल गर्यो । सुरज जिउ ठकुरीको क्रसमा दिनेश राजवंशीको दुई वटा प्रहार धनगढी गोलरक्षक मोहम्मद ताहाले बचाएपछि फ्रान्कलिन टाल्लाले पोस्ट तर्फ गरेको हेडर स्टेफन अन्नोरले अन्तिममा आफ्नो टाउकोले छँदै गोलमा परिणत गरेका थिए ।

अतिरिक्त समयको अन्तिम मिनेटमा अहमद हिजाजीले गोल गर्दै खेललाई पेनाल्टी सुटआउट तर्फ धकेले । टाल्लाले क्लियर गरेको बलमा दोस्रो पटकमा पोस्टमा प्रहार गर्दै उनले गोल गरेका थिए ।

सूटआउटमा धनगढीका गोलरक्षक ताहा नायक बने । उनले मोसेस ग्याबा र आयुष घलानको पेनाल्टी बचाएका थिए । पोखराका गोलरक्षक प्रिसोले पनि हिजाजीको प्रहार बचाएका थिए ।

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 23, 2024

केपी ओली कप आज देखि 

काठमाडौँ (हाम्रो खेलकुद) – नेपाल युवा संघको आयोजनामा दोस्रो संस्करणको केपी ओली कप फूटबल प्रतियोगिता आज देखि सुरु हुदैँ छ । उद्घाटन खेलमा आयोजक केपी ओली एफसी र ए डिभिजन लिग विजेता चर्च ब्वाइज युनाइटेड भिड्ने छन् । खेल सातदोबाटो स्थित एन्फा कम्प्लेक्समा दिउसो ३ बजे सुरु हुने छ । खेल अघि १ बजे बाट […]

February 23, 2024

नेदरल्याण्ड्सले नामिबियाविरुद्ध टस जितेर फिल्डिङ गर्दै

काठमाडौं (हाम्रो खेलकुद) – आईसिसि लिग-२ अन्तर्गत काठमाडौंमा जारी त्रिकोणात्मक सिरिज अन्तर्गतको खेलमा नेदरल्याण्ड्सले नामिबिया विरुद्ध टस जितेर फिल्डिङ रोजेको छ । कप्तान स्कट एडवार्ड्सले टस जितेर पहिले फिल्डिङ रोजेका हुन् । खेलको सुरुवात ढिलो हुने भएपछि खेल ४५ ओभरमा घटाइएको छ । बिहिवारका वर्षाका कारण आउटफिल्ड नसुकेका कारण खेल सुरु हुन ढिला भएको हो […]

Success

Thank you for your time.