पोखरा (हाम्रो खेलकुद) – सिएमजी क्लब संकटा संकटाले बंगलादेशको क्लब नारायणगज एफ.सी.लाई २-०ले पराजित गर्दै आहा रारा गोल्डकपको सेमिफाइनलमा प्रवेश गरेको छ।
संकटाका लागि निराजन खड्काले गोल गर्दै अग्रता दिलाएका थिए। थ्रि स्टारले एन्फासंगको विवादका कारण कुनै प्रतियोगितामा भाग नलिएपछि खड्का लगाएत अन्य केहि खेलाडी संकटाका लागि खेल्दै आएका छन्।
खेलको ९०औं मिनेटमा विश्वास श्रेष्ठले गोल गर्दै खेललाई २-०को स्थितिमा पुर्याएका थिए। जितसंगै संकटाले १५औं संस्करणको सेमीफाइनलमा आफ्नो नाम लेखाएको छ।
सेमीफाइनलमा संकटाको भेट लक्ष्मी हुन्डाई मनाङ मर्स्याङ्दि क्लब संग हुनेछ। खेल बिहिबार पोखरा रंगशालामा खेलिनेछ।
