default_image

1 month ago

January 15, 2024

बार्सिलोनालाई हराउँदै रियल म्याड्रिड सुपर कप च्याम्पियन

एजेन्सी – क्याटलान क्लब बार्सिलोनामाथि सानदार जित निकाल्दै रियल म्याड्रिड स्पेनिस सुपर कपको च्याम्पियन बनेको छ । स्पेनिस ‘एल क्लासिको’ मा ब्राजिली युवा फरवार्ड भिनिसियस जुनियरले ह्याट्रिक पूरा गरेपछि साविक विजेता समेत रहेको बार्सिलोनालाई ४–१ ले पराजित गर्दै रियल च्याम्पियन बन्न सफल भएको हो । साउदी अरेबियाको अल अवाल पार्क किङ साउद युनिभर्सिटकिो आइतबार राति […]

3176 views

0 Bookmark

एजेन्सी – क्याटलान क्लब बार्सिलोनामाथि सानदार जित निकाल्दै रियल म्याड्रिड स्पेनिस सुपर कपको च्याम्पियन बनेको छ ।

स्पेनिस ‘एल क्लासिको’ मा ब्राजिली युवा फरवार्ड भिनिसियस जुनियरले ह्याट्रिक पूरा गरेपछि साविक विजेता समेत रहेको बार्सिलोनालाई ४–१ ले पराजित गर्दै रियल च्याम्पियन बन्न सफल भएको हो ।

साउदी अरेबियाको अल अवाल पार्क किङ साउद युनिभर्सिटकिो आइतबार राति भएको खेलमा भिनिसियसले ह्याट्रिक पूरा गर्दा रोड्रिगोले एक गोल थपे । बार्सिलोनाका रोबर्ट लेवान्डोस्कीले एक गोल फर्काए ।

खेलको सातौं मिनेटमा नै भिनिसियसको गोलबाट रियलले १–० को अग्रता लिन सफल भयो । जुड बेलिङहमले मैदानको मध्यभागबाट दिएको चलाखीपूर्ण पासलाई भिनिसियसले अफसाइड बिट गर्दै गोलरक्षक पेनालाई बिट गर्दै सहजै गोल गर्न सफल भए ।

त्यसको तीन मिनेटपछि नै भिनिले अर्काे गोल थप्दै रियलको अग्रता दोब्बर पारे । नाँचो फर्नान्डेसको लामो पासलाई रोड्रिगोले नियन्त्रणमा लिदै वान भर्सेस वानकै अवस्थामा आँफैले प्रहार गर्ने सक्ने स्थितिमा भिनिसियसलाई पास दिएका थिए ।

३३औं मिनेटमा रोबर्ट लेवान्डोस्कीले गोल गर्दै बार्सिलोनालाई खेलमा फर्काउने संकेत देखाए । बाल्डेको क्रसलाई नाचो फर्नान्डेसले हेडमार्फत क्लियर गर्ने प्रयास गरेपनि असफल हुँदा लेवान्डोस्कीले बल भेट्दै गरेको भली प्रहारलाई रियलका गोलरक्षक लुनिनले बचाउने कुनै मौका नै पाएन ।

३९औं मिनेटमा भिनिसियसले पेनाल्टीमार्फत गोल गर्दै ह्याट्रिक पूरा गर्दै रियलले पहिलो हाफमा ३–१ को अग्रता बनायो । ड्यानी कार्भाहलको क्रसलाई नियन्त्रणमा लिने क्रममा रोनाल्ड एराउजोले पेनाल्टी बक्समा भिनिसियसलाई फउल गर्न पुगेपछि रेफ्रीले रियललाई पेनाल्टी प्रदान गर्दा भिनिसियस चुकेनन् र ह्याट्रिक पूरा गरे ।

यससँगै भिनिसियस ‘एल क्लासिको’ मा पहिलो हाफ (३९ मिनेट) भित्र ह्याट्रिक गर्ने यस शताब्दीको पहिलो खेलाडी बनेका छन् । पहिलो हाफको अन्त्यतिर बार्सिलोनाले गोल अन्तर कम गर्ने अवसर गुमायो ।

इल्केए गुन्डोगानको कर्नरलाई गोलरक्षक लुनिनले पञ्च गर्दा रिवाउन्डमा पेड्रीको प्रहार पोस्ट नजिकैबाट बाहिरियो । ६४औं मिनेटमा रोड्रिगोले गोल गर्दै रियललाई ४–१ को आरामदायी अग्रता दिलाए । खेलमा पछि परेको बार्सिलोना ७१औं मिनेटमा १० खेलाडीमा समेटिन पुग्दा खेलमा फर्कने सम्भावना पनि टाढियो ।

भिनियिसस जुनियरमाथि अर्काे फउल गरेपछि रेफ्रीले एराउजोलाई दोहोरो पहेलो कार्ड देखाउँदै मैदान बाहिर पठाएपछि बार्सिलोना थप समस्यामा पर्यो । त्यसपछि परिवर्तित खेलाडीको रुपमा मैदान छिरेका जोआओ फेलिक्सले केही प्रयास गरेपनि गोलरक्षक लुनिन बाधक बन्दा बार्सिलोना खेलमा फर्कन नसक्दा पराजित हुन पुग्यो ।

यस जितसँगै रियलले अघिल्लो वर्ष फाइनलमा हारेको हारको बदला लिन सफल भएको छ । त्यसबेला रियल ३–१ ले पराजित भएको थियो ।

पछिल्लो ५ वर्ष अर्थात चार टोलीबीचको अवधारणा पछि चाैथाे फाइनल खेल्दा रियलकाे याे तेस्रो सुपर कप उपाधि हो । यसअघि रियलले सन् २०१९–२० र २०२१–२२ को सिजनमा उपाधि जितेको थियो । रियल २०२०–२१ मा सेमिफाइनलमा पराजित हुँदा गत संस्करणमा फाइनलमा पराजित भएको थियो ।

स्पेनिस सुपर कपको उपाधि बार्सिलोनाले सर्वाधिक १४ पटक जितेको छ । त्यसपछि रियलले १३ पटक जितेको छ । स्पेनिस सुपर कप ला लिगाका शीर्ष दुई टोली तथा कोपा डेल रेका दुई टोलीबीच खेल्ने प्रावधान छ । ला लिगा र कोपा डेल रे जित्ने एकै टोली भएमा ला लिगामा तेस्रो भएको टोलीले सुपर कपमा स्थान बनाउनेछ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.