9 months ago
January 16, 2024
काठमाडौं (हाम्रो खेलकुद)- अखिल नेपाल फुटबल संघ (एन्फा) सिइओ नियुक्ती विरुद्ध एन्फाकै वरिष्ठ उपाध्यक्ष वीरबहादुर खड्काले उजुरी दिएका छन् ।
एन्फा कार्यसमितिको पुस २ गते बैठकले एन्फाका पूर्व महासचिव समेत रहेका संकटा क्लबका अध्यक्ष इन्द्रमान तुलाधरलाई सिइओ नियुक्त गरेको थियो। त्यसको ठिक एक महिनापछि गैरकानुनी नियुक्ती भन्दै मंगलबार एन्फा अपिल कमिटीमा वरिष्ठ उपाध्यक्ष खड्काले उजुरी दर्ता गराएका हुन्। उनले सिइओ नियुक्ती बदर गर्न माग गरेका छन् ।
२०७९ फागुन १७ गतेको कार्यसमितिको बैठकले सिईओ (अधिकृत प्रथम) नियुक्ती सम्बन्धमा सूचना प्रकाशित गर्ने र पदपूर्ति समिति समेत गठन गरेको अवस्थामा सचिवालयले उक्त निर्णयलाई कार्यन्वयन नगरी प्रक्रिया अगाडि नबढाएको र कर्मचारी सेवा सर्त नियमावली २०७७ को विपरित छ नियुक्ती भएको खड्काले अपिल कमिटीलाई बुझाएको पत्रमा उल्लेख छ।
त्यसमा भनिएको छ, ‘पदपूर्ति समितिले विज्ञापन पश्चात शैक्षिक योग्यता र अनुभवको मुल्यांकन विज्ञहरुको उपस्थितिमा निर्णय गराई उक्त निर्णयलाई संघको विधानको धारा ३८ (छ) अनुसार अनुमोदन गराउनु पर्नेछ।’
खड्काले सिइओ नियुक्ती राजनितिक स्वार्थ पूर्ति गर्न भएको आरोप लगाएका छन् ।
‘सुरुको प्रक्रियाहरु पुरा नगरी आफ्नो राजनितिक स्वार्थ पूर्ति गर्नको लागि धारा ३८ को छ लाई अपव्याख्या गरेको देखिन्छ साथै कार्यसमितिमा सिईओलाई दिने सुविधा प्रतिमहिना १ लाख ५ हजार रुपैयाँ र नियुक्ती सम्बन्धि प्रस्ताव कार्यसमितिका पदाधिकारीहरुलाई वितरण नै नगराई जबरजस्ति निर्णयमा उल्लेख गरेकोले बदर गरि दिनु हुन अनुरोध गर्दछु,’ पत्रमा उल्लेख छ।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]