default_image

4 months ago

February 3, 2024

टाइब्रेकरमा चर्च ब्वाइजमाथि एनआरटीको जित

376 views

0 Bookmark

हेटौंडा (हाम्रो खेलकुद)- ए डिभिजन टोली एनआरटी हेटौंडामा जारी छैटौं सहिद स्मृति स्थानीय तह मकवानपुर फुटबल प्रतियोगिताको सेमिफाइनलमा प्रवेश गरेको छ ।

ए डिभिजन लिग च्याम्पियन चर्च ब्वाइज युनाइटेडलाई शनिबार टाइब्रेकरमा ४–३ हराउँदै एनआरटी अन्तिम चारमा पुग्ने पहिलो टोली बनेको हो ।
निर्धारित समय २–२ बराबरीमा टुंगिएपछि खेल टाइब्रेकर गएको थियो ।

हेटौंडा–६ स्थित गौरीटाार रंगशालामा भएको खेलको टाइब्रेकरमा एनआरटीको अभिषेक लिम्बु, जय गुरुङ, प्रिसो र विवेक गुरुङले गोल गरेका थिए । मोहित गुरुङको चर्च ब्वाइजका गोलकिपर रेम्बो चौधरीले बचाएका थिए ।

टाइब्रेकरमा चर्च ब्वाइजका निरज कार्की, बिकु राई, कमल श्रेष्ठको प्रहार गोलमा परिणत भएको थियो । विदेशी खेलाडी बाउण्डोमाको प्रहार बाहिरियो भने लक्षु थापाको प्रहार एनआरटीका गोलकिपर प्रिसोले रोकेका थिए ।

२ गोलले पछाडि परेको अवस्थालाई उल्टाउँदै
एनआरटीले खेललाई टाइब्रेकरमा पुर्याएको थियो।
९० औं मिनेटमा अशोक थापा ब्याक हिलमा गोल गर्दै टोलीलाई खेलमा फर्काउने आशा दिलाए । त्यसपछि इन्ज्युरी समयको चौथो मिनेटमा विदेशी खेलाडी ग्लोरीले गोल गरेपछि एनआरटी खेलमा फर्किएको थियो।

त्यसअघि ५४ औं मिनेटमा राजेश परियार गोल गर्दै चर्च ब्वाइजलाई अग्रता दिलाए। राजेशले पेनाल्टी बक्स बाहिरबाट प्रहार गरेको बल गोलमा परिणत भएको थियो । ७६ औं मिनेटमा मार्टिनले गोल गरेपछि चर्चा ब्वाइज २-० ले अगाडि रहेको थियो । मार्टिन्सले मनिष जर्गामगरको‌ पासमा गोल गरेका थिए । निर्धारित समयपछि खेल सिधै टाइब्रेकरमा लगाइएको थियो ।

एनआरटीले सेमिफाइनलमा धनकुटाको राजारानी र त्रिभुवन आर्मी फुटबल क्लबबीचको विजेतासँग प्रतिस्पर्धा गर्नेछ ।

मकवानपुर जिल्ला फुटबल संघको आयोजनामा जारी प्रतियोगितामा शनिबार आयोजक मकवानपुर ११ र बागमती युथ क्लब सर्लाहीबीच खेल हुनेछ ।

June 16, 2024

स्पेन र इटालीको जित

एजेन्सी – युरो कप २०२४ को समूह ‘बी’ मा स्पेन र इटाली विजयी भएका छन् । शनिबार भएका दुई अलग खेलमा स्पेन र इटलीले जित हासिल गरेका हुन् । स्पेनले बलियो मानिएको क्रोएसिया लाई ३-० को सहज अन्तरले हरायो । पहिलो हाफमा नै ३ गोल गरेपछि क्रोएसिया खेलमा फर्कन सकेन । २९औं मिनेटमा कप्तान अल्भारो […]

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

Success

Thank you for your time.