एजेन्सी – कतारमा जारी एएफसी एसियन कपको फाइनल आज हुँदैछ । उपाधिका लागि घरेलु टोली तथा साविक विजेता कतार र जोर्डन भिड्दैछन् । खेल बेलुका ८:४५ बजे लुसेल रंगशालामा सुरु हुनेछ ।

कतार लगातार दोस्रो पटक एसियन कपको फाइनल खेल्दै छ । सन् २०१९ मा युएईमा भएको पछिल्लो संस्करण कतारले जित्न सफल भएको थियो । यसपटक पनि फाइनल पुगेको कतार घरेलु भूमिमा उपाधि रक्षा गर्ने दाउमा रहनेछ । उता जोर्डन भने पहिलो पटक एसियन कपको फाइनल खेल्दैछ ।

फिफा वरियतामा ८७औं स्थानमा रहेको जोर्डनले यस संस्करण अघि कुनै पनि नकआउट खेल जितेको थिएन । तर यसपटक समुहमा तेस्रो स्थानमा रही अन्तिम १६का लागि छनोट भएको जोर्डन लगातार ३ नकआउट खेल जित्दै फाइनलमा पुगेको हो ।

कतारको फाइनल यात्रा:

समूह चरण: 

लेबनान विरुद्ध ३-० जित 

ताजिकिस्तान विरुद्ध १-० जित 

चीन विरुद्ध १-० जित 

प्रि-क्वाटरफाइनल: प्यालेस्टाइन विरुद्ध २-१ जित 

क्वाटरफाइनल: उज्बेकिस्तान विरुद्ध १-१ जित (टाईब्रेकरमा ३-२ ले विजयी)

सेमीफाइनल: इरान विरुद्ध ३-२ जित 

जोर्डनको फाइनल यात्रा 

समूह चरण: 

मलेसिया विरुद्ध ४-० जित

दक्षिण कोरिया विरुद्ध २-२ बराबरी 

बहराइन विरुद्ध ०-१ हार 

प्रि-क्वाटरफाइनल: इराक विरुद्ध ३-२ जित 

क्वाटरफाइनल: ताजिकिस्तान विरुद्ध १-० जित 

सेमीफाइनल: दक्षिण कोरिया विरुद्ध २-० जित